Strasburg masjidi
Strasburg masjidi, shuningdek Strasburg bosh masjidi (fransuzcha: Grande Mosquée de Strasbourg) nomi bilan ham maʼlum,Fransiyaning Strasburg shahridagi katta, maxsus bunyod etilgan masjid hisoblanadi. U Heyritz hududida, Grande Îlening janubida, Ill daryosi sohilida joylashgan. Masjid 2012-yil sentabr oyida ochilgan boʻlib, 1 200 nafar ibodat qiluvchini sigʻdira oladi[1].
| Masjid | |
 | |
| Mamlakat |  Fransiya
|
| Shahar | Strasburg |
| Koordinatalar | 48°34′23″N 7°44′14″E / 48.57306°N 7.73722°E |
| Masjid turi | Jome masjidi |
| Meʼmoriy uslub | Zamonaviy meʼmorchilik |
| Loyiha muallifi | Paolo Portogesi |
| Binokorlik | 2004—2012 |
| Asosiy sana: 29-oktyabr 2004-yil
| |
| Hajmi | 1200 nafar namozxon |
| Gumbazlar soni | 1 ta |
| Gumbazlar soni | 1 ta |
| Holati | amaldagi |
| Tarovih | 
|
| Saharlik va iftorlik |
|
| Sayt | Rasmiy sayt |
Umumiy maʼlumot
Masjidga asosan marokashlik, Shimoliy Afrikadan boʻlgan musulmonlar kelishadi. Bu majmua koʻplab konferensiyalar va seminarlarga mezbonlik qilinadi hamda maktab yoshidagi bolalar uchun keng qamrovli taʼlim dasturi mavjud.
1982-yildan 2012-yilgacha foydalanilgan eski masjid Strasburg markazidagi, sud binolari yaqinida joylashgan Impasse de mai koʻchasida, sobiq foie gras ishlab chiqarish fabrikasidan moslashtirilgan holda tashkil etilgan edi[2]. U Strasburgda barpo etilgan birinchi masjid boʻlmagan. Shaharda 1967-yildan beri masjidlar mavjud va hozirgi kunda ularning soni yigirmadan oshgan.
Tarixi
Masjid loyihasini Paolo Portogesi[3] ishlab chiqqan, u Rim masjidi loyihasini ham yaratgan. Loyiha tanlovida Zaha Hadid taklif etgan futuristik loyiha ham ishtirok etgan[4]. Qurilish bir necha bor kechiktirilgan, buning sababi asosiy pudratchilar bilan sudlashuvlar va Fabiyenn Keller boshchiligidagi markaz-oʻng yoʻnalishdagi shahar kengashining xorijdan moliyalashtirishni taqiqlash haqidagi qarori boʻlgan[5]. Yangi masjidning birinchi gʻishtini 2004-yil 29-oktabr kuni mer Keller qoʻygan. U, shuningdek, dastlabki bino loyihasini qayta koʻrib chiqib, rejalashtirilgan oʻquv markazi, auditoriya va minorani olib tashladi hamda ibodat xonasining sigʻimini 50 foizga kamaytirdi[6].
Yana qarang
Manbalar
- ↑ „May 24, 2009 Archives“. 2009-yil 26-mayda asl nusxadan arxivlangan. Qaraldi: 2016-yil 11-dekabr.
- ↑ Histoires de mosquées, Schiltigheim : Editions Kalina, 2004, ISBN 2-914888-04-X
- ↑ „For Strasbourg, an Italian designer mosque“ (2005-yil 14-yanvar). Qaraldi: 2016-yil 11-dekabr.
- ↑ „Zana Hadid's design“. Victoria and Albert Museum. 2009-yil 27-mayda asl nusxadan arxivlangan.
- ↑ „Archives - Le Point.fr“. Le Point (2009-yil 3-aprel). 2011-yil 27-sentyabrda asl nusxadan arxivlangan. Qaraldi: 2016-yil 11-dekabr.
- ↑ „A Pro-Church Law Helps a Mosque“. The New York Times (2008-yil 7-oktyabr). Qaraldi: 2016-yil 11-dekabr.
Havolalar
Vikiomborda „Strasburg masjidi“ mavzusi boʻyicha mediafayllar bor.- Rasmiy sayti (fransuzcha)
 | Masjid haqidagi uşbu maqola çaladir. Siz uni boyitib, ZiyoSferaga yordam berişingiz mumkin. |