Tange Kendzo sahifasining manbasini koʻrish

[[Fayl:Kenzo Tange 1981.jpg|thumb|Kendzo (1981)]]
'''Kendzo Tange''' (1913-yil, 9-aprel, Imabari — 2005, Tokio) — yapon meʼmori. Tokio universitetini tugatgan (1938). Binolarni atrof muhit bilan uygʻunlashtirib, qulay, ixcham va chiroyli qurish yoʻllarini izlagan, milliy meʼmorlik anʼanalarini ijodiy rivojlantirgan. Anʼanaviy yogʻoch qurilmani zilzila bardosh temirbeton qurilmaga aylantirib, undan mahobatli, sirli, bezakdor, murakkab loyihadagi „zamonaviy arxitektura“ inshootlarini oʻziga xos koʻrinishda yaratdi: Xirosimadagi Tinchlik parki ansambli (1951—1952), Sidzuokedagi majlislar zali (1957), Tokiodagi Olimpiada oʻyinlari sport inshootlari majmui (1964), Xirosimadagi Xalqaro konferensiya markazi (1989), Iokogamedagi sanʼat muzeyi (1989) va boshqa Jeneva (1959), Skopye (1965), Bolonya (1970)dagi, shuningdek, Singapur, Tailand, Avstraliya, Bruney (1989) shaharlaridagi T. K.ning loyihasi asosida qurilgan binolar, shaharlarni zamonaviy davr talabida koʻrish yoʻlidagi ijodiy yutugʻi namunalaridir. Ijodining yangi qirralari Tokiodagi „Tokio uy mehmonxonasi“ (2000), Tayvandagi Xalqaro prezident minorasi (2001) kabi zamonaviy inshootlarda oʻz aksini topmoqda. T. koʻpgina xorijiy mamlakatlar faxriy unvonlariga sazovor boʻlgan, shuningdek, orden va medallar sovrindori.

== Adabiyotlar ==
* Kendzo Tange, Arxitektura Yaponii. Traditsiya i sovremennost, M., 1976.



{{OʻzME}} <!-- Bot tomonidan yaratildi -->


{{chala}}
{{DEFAULTSORT:Kendzo, Tange}}
[[Turkum:1913-yilda tugʻilganlar]]
[[Turkum:2005-yilda vafot etganlar]]
[[Turkum:Meʼmorlar]]