Teks

Текс (лот. техо — тўқийман, ўрайман), толанинг чизиқли зичлиги — тола ёки ипнинг чизиқли зичлигини ифодалайдиган катталик, тола массасининг тола узунлигига нисбати. Толанинг сифат кўрсаткичи. Халқаро бирликлар системаси бўйича Т. (г/км)ларда ўлчанади. 1Т=1г/км=1 мг/м. Т. сони 1 км тола узунлигига неча г масса тўғри келишини кўрсатади. Толанинг чизиқли зичлиги 1 Т.дан кичикроқ бўлса, километрга миллиграмм (мг/км)да ёки милли Т.ларда (мтекс) белгиланади. Калава иплар ва ипларнинг чизиқли зичлиги 1000 Т.дан катта бўлса, килограмм (кг/км)да ёки килотекс (ктекс)да белгиланади; 1 тексқ1000 мтексқ0,001 ктекс.