Tina Garabedian
| Tina Garabedian | |
|---|---|
.jpg) Garabedian va Proulx-Sénécal, 2018-yilda | |
| Shaxsiy maʼlumotlari | |
| Davlat | Armaniston |
| Tavalludi |
1997-yil 13-iyun Laval, Kvebek, Kanada |
| Ona shahri | Laval, Kvebek |
| Boʻyi | 1.65 m |
| Murabbiyi | Mari-Frans Dyubreuil, Patrik Lozon, Romen Agono |
| Uchishni boshlagan | 2002 |
| Yakunlagan | 2022 |
Tina Garabedian (armancha: Թինա Կարապետյան; 1997-yil 13-iyunda tugʻilgan) — faoliyatini yakunlagan arman-kanadalik mus ustida raqqos. Simon Proulx-Sénécal bilan birga 2022-yilgi Qishki Olimpiada oʻyinlarida Armaniston sharafini himoya qilgan.
Shaxsiy hayoti
Tina Garabedian 1997-yil 13-iyunda Kanadaning Kvebek provinsiyasi Laval shahrida dunyoga kelgan[1]. Onasining ismi Maral Dermeguerditchian, otasi John Garabedian boʻlgan. Ular oilada uch qiz boʻlishgan. Garabedianning otasi ham, onasi ham Livanda tugʻilgan[2]. Garabedian 7-sinfgacha kollejga tayyorlovchi L'École Arménienne Sourp Hagop maktabida taʼlim olgan, soʻngra mashgʻulot jadvaliga moslashish uchun Gérald-Godin kollejiga oʻtgan. 2021-yilda u McGill universitetini imtiyozli diplom bilan tamomlagan va eng yuqori natijalari uchun Laddie Millen mukofotini qoʻlga kiritgan. Garabedian Kanada va Armaniston fuqaroligiga ega[3].
Faoliyati
Dastlabki yillar
Garabedian 2002-yilda konkida uchish sporti bilan shugʻullana boshlagan[4]. U 14 yoshigacha musobaqalarning yakkalik yoʻnalishlarida ishtirok etgan, keyin esa bir yil davomida sinxron konkida uchish jamoasi aʼzosi boʻlgan[5]. 2012-yilda u Alexandre Laliberté bilan juftlik boʻlib musobaqada qatnashgan[6]. Oʻsmirlar darjasida oʻyinlarda ishtirok etgan juftlik 2014-yilgi Kanada chempionatida 9-oʻrinni egallagan va keyingi mavsumda xalqaro maydonda Armaniston nomidan oʻzlarining debyut ishtiroklarini qayd etishgan. 2014–15 ISU Oʻsmirlar oʻrtasida Grand Prix oʻyinlari doirasidagi ikkala bosqichida: Chexiyaning Ostrava shahri, shuningdek, Germaniyaning Drezden shahrida ham 7-oʻrinni egallashgan. Shundan keyin Garabedian/Laliberté juftligi Tallinda oʻtkazilgan 2015-yilgi oʻsmirlar oʻrtasida jahon chempionatiga yoʻllanma olgan. Estoniyada ular qisqa raqs yoʻnalishida 18-oʻrinni olishgan va ixtiyoriy raqs yoʻnalishiga yoʻllanmani qoʻlga kiritishgan. Bu yoʻnalishda esa ular 15-oʻrinni egallab, umumiy hisobda 16-oʻringa koʻtarilishgan.
Proulx-Sénécal bilan hamkorlik
2015-yil may oyida[6] Garabedian Simon Proulx-Sénécal bilan juftlik sifatida musobaqalarda chiqish qila boshlagan. Ular birgalikda kattalar oʻrtasida oʻyinlarda ishtirok etishgan. Garabedian sportdagi jufti haqida shunday degan: „Murabbiylarim men raqsni endi boshlagan paytimdayoq bizni birga uchishimizni xohlashgan, lekin u allaqachon 21 yoshda boʻlib, kattalar oʻrtasidagi musobaqalarda ishtirok etishi kerak edi, men esa bunga hali tayyor emasdim“[7].
2016-yil yanvar oyida Garabedian/Proulx-Sénécal juftligi Slovakiyaning Bratislava shahrida boʻlib oʻtgan Yevropa chempionatining yakuniy bosqichiga yoʻllanma olgan yigirma jamoa qatoriga kirgan. Ular qisqa raqsda 20-oʻrinni egallagan. Ixtiyoriy raqsda esa 18-oʻrinni egallab, umumiy hisobda ham 18-oʻrindan joy olgan.
Manbalar
- ↑ „Tina GARABEDIAN / Simon PROULX-SENECAL: 2021/2022“. International Skating Union. 2021-yil 7-mayda asl nusxadan arxivlangan.
- ↑ „Tina Garabedian: It's a great honor for me to represent Armenia“. Armenian Olympic Committee (2015-yil 26-dekabr). 2016-yil 9-fevralda asl nusxadan arxivlangan.
- ↑ Massad, Rhonda. „Laval's Garabedian brings Armenian Flag to world sports stage“. The Suburban (2016-yil 20-yanvar).
- ↑ „Tina GARABEDIAN / Simon PROULX-SENECAL: 2015/2016“. International Skating Union. 2016-yil 27-mayda asl nusxadan arxivlangan.
- ↑ Bachekjian, Talia. „Interview with Canadian-Armenian figure skater Tina Garabedian“. Horizon Weekly (2016-yil 7-yanvar). 2016-yil 9-iyunda asl nusxadan arxivlangan. Qaraldi: 2016-yil 28-mart.
- ↑ 6,0 6,1 Lamarre, Sylvain. „Tina Garabedian rêve de représenter l’Arménie aux Olympiques“ (French). Courrier Laval (2015-yil 24-oktyabr). 2016-yil 15-fevralda asl nusxadan arxivlangan. Qaraldi: 2016-yil 9-fevral.
- ↑ „Garabedian & Proulx-Senecal focus on the road ahead“. ice-dance.com (2016-yil 20-iyul).
Havolalar
Vikiomborda „Tina Garabedian“ mavzusi boʻyicha mediafayllar bor.