Toʻraqoʻrgʻon

Тўрақўрғон – Ўзбекистон Республикаси Наманган вилояти Тўрақўрғон туманидаги шаҳар (1979-йилдан), туман маркази. Вилоят маркази Наманган шаҳридан 12 км узоқликда жойлашган. Яқин темир йўл стансияси – Тўрақўрғон (5 км). Аҳолиси 22,6 минг кишидан иборат (2004). Шаҳар ёнидан Косонсой сойи оқиб ўтади.

Тўрақўрғон
шаҳар
41°00′00″Н 71°30′57″Э
Мамлакат	Ўзбекистон
Вилоят	Наманган вилояти
Туман	Тўрақўрғон тумани
Ҳукумат
Қачондан бери шаҳар	1979
Майдон	91 км2 (35 кв ми)
Маркази баландлиги	476 м
Расмий тил(лар)и	ўзбек
Аҳолиси  (2005)	25,6 минг
Конфессиявий таркиб	Мусулмонлар
Вақт минтақаси	УТC+5
Автомобил коди	50
Тўрақўрғон

Ижтимоий соҳа

Туманда „ОҳангарИИИ“, „Коопагрофирма“ аксиядорлик жамиятлари, „Ширинлик“ Ўзбекистон—Голландия, „Ахсикент“ қўшма корхоналари фаолият кўрсатади. 6 қурилиш корхонаси, 55 савдо, 25 умумий овқатланиш, 62 маиший хизмат кўрсатиш шохобчалари, қишлоқ хўжалиги, қурилиш ва маиший хизмат кўрсатиш, касбҳунар коллежлари ва иқтидорли болалар лицейи, 6 умумий таълим мактаби, маданият саройи, 2 музей, 4 кутубхона, 7 тиббиёт муассасаси, шу жумладан, марказий касалхона, катталар ва болалар поликлиникалари, тез ёрдам маркази бўлими фаолият кўрсатади. Шаҳар ёнидан Наманган – Тошкент автомагистрали ўтган.