Gʻiyosiddin Bolbon

Ғиёсиддин Болбон, Улуғхон — ғуломлар сулоласидан бўлган Деҳли султони (1265 — 87). Дастлаб Шамсиддин Элтутмишнинт қули (ғуломи) бўлган, сўнгра иқтидорли саркарда даражасига кўтарилган. 1246—65 йилларда султон Носириддин Маҳмуд даврида амалда ҳокимиятни бошқарган. Ауд, Бенгалия ва Пан-жоб ноиблари устидан ғалаба қозониб Шимолий Ҳиндистоннинг бутун ҳудудини ўз ҳукмронлиги остига олган. Қўшиннинг жанговарлик салоҳиятини оширган. Ҳарбий хизмат мажбуриятини ўтамаган кўплаб заминдорларнинг мулкларини тортиб олган, бу билан ерларни давлат ихтиёрига ўтишини мустаҳкамлаган. Халқҳаракатларини бешафқат бостирган. 1286-йил Панжобга бостириб кирган мўгулларни қувиб юборган ва давлатнинг шим.-ғарбий чегараларини кўплаб қалъалар қурдириш йўли билан мустаҳкамлаган.