Vengriya sahifasining manbasini koʻrish

{{Vengriya info}}
'''Mojariston''' yoki '''Vengriya''' ([[Vengercha|mojarcha:]] Magyarorszag) (rasman: '''''Mojariston Respublikasi''''' yoki '''''Vengriya Respublikasi''''') ([[vengercha|mojarcha]]: ''Magyar Koztar-sasag'') — [[Yevropa]]ning markaziy oqimida, [[Dunay daryosi]]ning oʻrta oqimida joylashgan davlat<ref name="Flaw">{{veb manbasi|url=http://www.kormany.hu/download/e/02/00000/The%20New%20Fundamental%20Law%20of%20Hungary.pdf|title=The Fundamental Law of Hungary|publisher=Hungarian State|accessdate=8-may 2017-yil|archivedate=29-iyun 2014-yil|archiveurl=https://web.archive.org/web/20140629205136/http://www.kormany.hu/download/e/02/00000/The%20New%20Fundamental%20Law%20of%20Hungary.pdf}} {{Webarxiv|url=https://web.archive.org/web/20140629205136/http://www.kormany.hu/download/e/02/00000/The%20New%20Fundamental%20Law%20of%20Hungary.pdf |date=29-iyun 2014-yil }}</ref>. Maydoni — 93 ming km{{sup|2}} <ref name=area>{{Veb manbasi|url=https://www.cia.gov/library/publications/the-world-factbook/geos/hu.html|title=Hungary|publisher=CIA The World Factbook|accessdate=27-mart 2014-yil|archivedate=10-iyun 2009-yil|archiveurl=https://web.archive.org/web/20090610082839/https://www.cia.gov/library/publications/the-world-factbook/geos/HU.html}} {{Webarxiv|url=https://web.archive.org/web/20090610082839/https://www.cia.gov/library/publications/the-world-factbook/geos/HU.html |date=10-iyun 2009-yil }}</ref> (dunyoda 108-oʻrin). Aholisi — 9 652 400<ref>Manba: Worldometer ([[www.Worldometers.info]])

[[Birlashgan Millatlar Tashkiloti]], Iqtisodiy va ijtimoiy masalalar departamenti, Aholishunoslik boʻlimi tomonidan maʼlumotlarni ishlab chiqish. Jahon aholisining istiqbollari: 2024 yilgi qayta koʻrib chiqish. (Oʻrta tugʻilish varianti)</ref> kishi (2025-yil 14-yanvar, 35,920 sq mi, 95-oʻrin). [[Yevropa Ittifoqi]], [[Yevropa Kengashi]], [[NATO]], [[Jahon banki]], [[Jahon savdo tashkiloti]], [[Turkiy davlatlar tashkiloti]] va [[BMT]]ning aʼzosidir<ref>{{Veb manbasi |url=http://www.mfa.gov.hu/kum2005/Templates/alapsablon.aspx?NRMODE=Published&NRORIGINALURL=%2Fkum%2Fen%2Fbal%2Fforeign_policy%2Fun_sc%2Finternational_organisations.htm&NRNODEGUID=%7B45550E06-66FE-4183-A899-EDF5BD040EB5%7D&NRCACHEHINT=NoModifyGuest&printable=true |title=International organizations in Hungary |publisher=Ministry of Foreign Affairs |accessdate=20-noyabr 2016-yil |url-status=dead |archiveurl=https://web.archive.org/web/20160313115736/http://www.mfa.gov.hu/kum2005/Templates/alapsablon.aspx?NRMODE=Published&NRORIGINALURL=%2Fkum%2Fen%2Fbal%2Fforeign_policy%2Fun_sc%2Finternational_organisations.htm&NRNODEGUID=%7B45550E06-66FE-4183-A899-EDF5BD040EB5%7D&NRCACHEHINT=NoModifyGuest&printable=true |archivedate=13-mart 2016-yil |df= }} {{Webarxiv|url=https://web.archive.org/web/20160313115736/http://www.mfa.gov.hu/kum2005/Templates/alapsablon.aspx?NRMODE=Published&NRORIGINALURL=%2Fkum%2Fen%2Fbal%2Fforeign_policy%2Fun_sc%2Finternational_organisations.htm&NRNODEGUID=%7B45550E06-66FE-4183-A899-EDF5BD040EB5%7D&NRCACHEHINT=NoModifyGuest&printable=true |date=13-mart 2016-yil }}</ref>.

[[Aholi zichligi|Aholisi]] 9,772,756 million kishi (2019)<ref>{{Veb manbasi|url=http://www.ksh.hu/docs/hun/xstadat/xstadat_eves/i_wdsd001.html|title=Population by type of settlement – annually|work=[[Hungarian Central Statistical Office]]|date=29-iyun 2019-yil|accessdate=29-iyun 2019-yil}}</ref>. [[Poytaxt]]i — [[Budapesht]] shahri. Maʼmuriy jihatdan 19 viloyat (mede) ga boʻlinadi. Budapesht alohida maʼmuriy birlik qilib ajratilgan. [[Mamlakat]]ning rasmiy tili '''''Mojar''''' tili.

Aholisi — 9 689 010 kishi. ([[2022]]), hududi — 93 036&nbsp;km². Aholi soni boʻyicha dunyoda 93-oʻrinni, hududi boʻyicha 108-oʻrinni egallaydi.

Poytaxti — Budapesht. [[Davlat tili]] — venger.

Hukumat tizimi [[Unitar davlat|unitar]] parlamentli respublikadir.

2010-yil 29-maydan beri [[Bosh vazir]] lavozimini [[Viktor Orbán|Viktor Orban]] egallab kelmoqda.

U 20 ta maʼmuriy-hududiy birlikka boʻlingan boʻlib, ulardan 19 tasi media , 1 tasi esa [[respublika]] boʻysunuvchi [[shahar]] boʻlib, mediaga teng.

[[Yevropa]]ning markazida joylashgan dengizga chiqmagan [[Kontinental iqlim|kontinental]] davlat. [[Ukraina]], [[Ruminiya]], [[Slovakiya]], [[Serbiya]], [[Xorvatiya]], [[Sloveniya]] va [[Avstriya]] bilan [[quruqlik]] chegarasiga ega.

Dindorlarning aksariyati (aholining 54,5% ga yaqini) [[katolitsizm]]ga eʼtiqod qiladi.

Iqtisodiyoti jadal rivojlanayotgan [[sanoat]] mamlakati. 2015-yilda nominal [[YaIM]] hajmi 137 milliard [[AQSh dollari|AQSH dollarini]] (aholi jon boshiga taxminan 13910 [[AQSh]] dollari) tashkil etdi. [[Pul birligi]] — [[Forint|Mojariston forinti]] (kurs, 2021-yil 2-iyun holatiga koʻra, 1 [[AQSh dollari]] uchun 283 forint).

1955-yildan [[Birlashgan Millatlar Tashkiloti|BMT]] aʼzosi , 1973-yilda GATTga , 1982-yilda [[Xalqaro valyuta jamgʻarmasi|XVF]] va [[Xalqaro tiklanish va taraqqiyot banki|XTTBga]] , 1991-yilda [[Yevropa Kengashi]]ga aʼzo boʻlgan. 1999-yildan — [[NATO]] aʼzosi , 2004-yildan — [[Yevropa Ittifoqi ishlari bo'yicha direksiya|Yevropa Ittifoqi]]. 2011-yil 1-yanvardan boshlab Mojariston olti oy davomida ''Yevropa Ittifoqiga'' raislik qildi.

== Davlat tuzumi ==
Mojariston — [[Demokratiya|demokratik davlat]]. Amaldagi [[konstitutsiya]]si 1949-yil 20-avgustda qabul qilingan (keyinchalik oʻzgarish va qoʻshimchalar kiritilgan). Davlat boshligʻi — [[prezident]] (2000-yildan F. Madl). Prezident mamlakat [[qurolli kuchlar]]ining bosh qoʻmondoni hisoblanadi, [[hukumat]] boshligʻini tayinlaydi, qamal yoki favqulodda holat eʼlon qilish huquqiga ega. Uning vakolat muddati — 5 yil Qonun chiqaruvchi organi — [[parlament]] — Davlat majlisi. Uni aholi yalpi teng va yashirin ovoz berish yoʻli bilan 4 yil muddatga saylaydi. Ijroiya hokimiyat organi Vazirlar Kengashi boʻlib, unga bosh vazir boshchilik qiladi.

== Tabiati ==
Mamlakat hududi asosan [[tekislik]]dan iborat. [[Dunay]] daryosining soʻl sohili — Katta Oʻrta Dunayning bir qismida 100 — 200 m balandlikdagi tepaliklar uchraydi. Dunayning oʻng sohili 150–200 m balandlikdagi Dunantul oʻrqir tekisligi va Oʻrta Mojar togʻlarining massivlari (Bakon, Vertesh, [[Plishki|Pilish]], [[Mecher (Eron)|Mechek]] va boshqalar) dan iborat. Mamlakatning shimoli-gʻarbida Kichik Oʻrta Dunay pasttekisligining janubiy qismi (Kishalfyold), shimoli-sharqda [[Karpat togʻlari|Karpat]] togʻlarining etaklari (mamlakatning eng baland nuqtasi — Matra massividagi Kekesh togʻi, 1015 m), gʻarbda [[Alplar|Alp togʻlarining]] yon bagʻri (balanadligi 500–800 m) joylashgan. Asosiy foydali qazilmalari: [[Boksitlar|boksit]], [[qoʻngʻir]] va [[toshkoʻmir]], [[neft]], [[Tabiiy gazlar|tabiiy gaz]], [[uran]], [[Marganets|marganes]], [[temir]] rudalari. [[Balatun|Balaton]] koʻli qirgʻoqlarida shifobaxsh termal va maʼdanli issiq suv buloqlari bor. Iqlimi — moʻtadil, [[Kontinental iqlim|kontinental]]. [[Yanvar]]da oʻrtacha [[temperatura]] — 2, —4&nbsp;°C, [[iyul]]da 20, 22,5&nbsp;°C. Yillik yogʻin miqdori sharqda 450&nbsp;mm dan janubi-gʻarbda 900&nbsp;mm gacha. Shar-qida qurgʻoqchilik boʻlib turadi. Yogʻinning koʻpi [[yoz]] boshida va [[kuz]]da yogʻadi. Dunay daryosi Mojaristonni va uning poytaxti — [[Budapesht]]ni kesib oʻtadi. Uning irmoqlari — [[Tisa]], Raba. Mojaristonda koʻllar kam, eng kattasi Balaton koʻli. Yerlarining koʻp qismi — qora tuproq. Togʻ va [[adirlar]]da qoʻngʻir [[oʻrmon]] va karbonatli chim. Tisa va Dunay vodiylarida allyuvial tuproqpar. Alfyoldda shoʻrlangan kam unum tuproqlar uchraydi. Mojariston hududining 17,6 % [[oʻrmon]] bilan qoplangan. Oʻrmonlar asosan togʻ yon bagʻirlarining 300– 400 m dan baland qismlarida saqlanib qolgan. Hayvonlardan [[quyon]], [[Dala sichqonlari|dala sichqoni]], [[Yumronqoziqlar|yumronqoziq]], [[tulki]], [[tipratikan]], qushlardan [[Toʻrgʻaylar|toʻrgʻay]]. [[Qorayaloqlar|Qorayaloq]], [[Qizilishtonlar|qizilishton]], [[Boyoʻgʻlilar|boyqush]]. qamishzorlarda suv parrandalari uchraydi. Mojaristonda Qishbalaton qoʻriqxonasi, Tixan, Xortobad kabi milliy bogʻlar bor.
=== Aholisi ===
Aholining 97 % Mojarlar, shuningdek [[Nemislar|olmonlar]], [[slovaklar]], [[xorvatlar]], [[ruminlar]], [[yahudiylar]], [[serblar]], [[slovenlar]], [[polyaklar]], [[loʻlilar]] va boshqalar ham yashaydi. Aholining oʻrtacha zichligi: 1&nbsp;km<sup>2</sup>ga 115 kishi toʻgʻri keladi, 62 % aholi shaharlarda istiqomat qiladi. Dindorlar asosan katoliklar (64 %) va protestantlar (23 %). Rasmiy tili — mojar tili. Yirik shaharlari: Budapesht, Mishkols, Debresen, Seged, Pech.

== Tarixi ==
Mojariston hududida dastlabki manzilgohlar paleolit davrida paydo boʻlgan. Bu yerda skif, illiriy, kelt qabilalari yashagan. Mil. avv. <nowiki>I</nowiki> asr oxiri va mil. <nowiki>II</nowiki> asr boshlarida ularni Rim imperiyasi zabt etgan. Keyinchalik, xalqlarning buyuk koʻchishi davrida Mojariston hududida olmon va turkiy elatlar kelib joylashgan. <nowiki>VI</nowiki> asrda slavyanlar kelgan. Hozirgi vengmojarerlarning ajdodlari milodiy davr boshlarida Qora dengiz boʻylarida yashar edi. Koʻchmanchi chorvador mojar qabilalari <nowiki>IX</nowiki> asr oxirlarida gʻarbga siljib, hozirgi Mojariston hududiga kelib joylashgan. Mojariston davlatining shakllanishida 997 yil xristianlikning qabul qilinishi va knyaz Ishtvan Ining taxtga oʻtirishi muhim rol oʻynadi. U 1000-yilda oʻzini qirol va davlatni qirollik deb eʼlon qildi. <nowiki>X</nowiki> asrning ikkinchi yarmidan boshlab dehqonchilik rivoj topdi, yerga xususiy mulkchilik kuchaya bordi. Moʻgʻullarning hujumi (1240—41) Mojaristonni vayron qildi. Bu davrda qirol Bela JV (1235—70) Avstriyaga qochdi. 1242-yilda bosqinchilar ketgach, qirol qaytib kelib, mamlakat xoʻjaligini qayta tiklash, mamlakatni mustahkamlash choralarini koʻrdi: mayda va oʻrta dvoryanlarga imtiyozlar berdi, qoʻshni davlatlar bilan aloqa oʻrnatdi. Uning vafotidan keyin feodal tarqoqlik kuchaydi. Karl Robert (1308—42) va uning oʻgʻli Layosh (Lyudovik) (1342—82) davrida hokimiyat markazlashtirilib, mamlakatning iqtisodiy taraqqiyotiga eʼtibor berildi.

<nowiki>XV</nowiki> asr boshidan Mojaristonga turklar tahdid soldi. Dastlab 1416-1418- yillarda turklar Mojariston jangga bostirib kirdi. Mamlakatdagi feodal tarqoqlik turklarga qarshi muvaffaqiyatli kurash olib borishga xalaqit berdi. Ichki nizolar kuchaydi, dehqonlarni ekspuluatatsiya qilish zoʻraydi. Oʻzaro urushlar, dehqonlar gʻalayoni mamlakatni tobora zaiflashtirdi. Moxach yaqinida mojarlar sulton Sulaymon armiyasiga yengilib (1526), Mojaristonning markaziy va janubiy qismi Turkiyaga (150 yil davomida) qaram boʻlib qoldi, gʻarbiy va shimoliy qismi Avstriyaga oʻtdi. Mojar dvoryanlari Avstriya monarxi Ferdinand Gabsburgni oʻz qiroli deb tan oldi. Mojaristonning sharqida Transilvaniya knyazligi tashkil topdi, keyinchalik u ham Avstriyaga qaram boʻlib qoldi (1858).

<nowiki>XVIII</nowiki> asr dan boshlab chet el zulmiga qarshi ozodlik kurashi kuchaydi, bu kurash Ferens II rahbarligida 10 yil davom etib, pirovardida magʻlubiyatga uchradi. 1711-yilgi Satmar sulhiga muvofiq, Avstriya oʻz taʼsirini butun Mojariston hududiga oʻtkaza boshladi. Gabsburglar oʻtkazgan qator islohotlar va „maʼrifatli absolyutizm“ siyosatiga qaramay, <nowiki>XVIII</nowiki> asr oxiridagi Fransuz burjua inqilobi taʼsirida Mojaristonda Avstriya hukmronligiga qarshi norozilik kuchaydi. 1848-yil 15-martda Mojaristonda pomeshchiklar tuzumi va Avstriya zulmiga qarshi inqilob boshlandi. 1849-yil 5-yanvarda Avstriya qoʻshinlari Mojariston poytaxtiga kirdi. Mojaristonning barcha qonunlari bekor qilindi, mamlakat Avstriyaning viloyatiga aylantirildi. 1867-yil Avstriya hukumati venrep hukmron doiralari bilan kelishib Avstriya-Mojariston monarxiyasini tuzdi.

Birinchi jahon urushi natijasida bu monarxiya parchalandi. 1918-yil oktabrdagi inqilob natijasida Mojariston mustaqil davlatga aylandi (16-noyabrda respublika deb eʼlon qilindi). 1919-yil 21-martda Mojariston Sovet Respublikasi boʻldi. U 1919-yil 1-avgustda agʻdarilgach, mamlakatda Xorti diktaturasi (1920—1944) oʻrnatildi. Mojariston Italiya va Olmoniya bilan yaqinlashdi. Mamlakat iqtisodiyoti [[Olmoniya]] fashizmiga xizmat qildirildi. Ikkinchi jahon urushida Olmoniyaning ittifoqchisi sifatida qatnashdi. 1944-yil martda gitlerchilar Mojaristonni bosib oldilar. Ular hokimiyat tepasiga F. Salashini qoʻydilar. 1944-yil sentabrda Mojariston olmon qoʻshinlaridan ozod qilina boshladi. 1944-yil 22-dekabrda tuzilgan Mojariston muvaqqqat milliy hukumati oradan 6 kun oʻtgach, Olmoniyaga qarshi urush eʼlon qildi. 1945-yil 4-aprelda Mojariston olmon koʻshinlaridan butunlay ozod etildi. 1946-yil 1-fevralda Mojariston respublika deb eʼlon qilindi. 1949-yildan Mojariston Xalq Respublikasi deb ataldi. Mamlakatda sanoat, banklar, transport davlat ixtiyoriga olindi, yer islohoti oʻtkazildi. Kompartiyaning bir partiyali rejimi keng miqyosda ijtimoiy norozilikka sabab boʻldi. 1956-yil oktabrdagi xalq isyonida demokratik erkinliklar berilishi talab qilindi. Shoʻro qurolli kuchlari bu isyonni shafqatsizlarcha bostirdi. Varshava shartnomasidan chiqmoqchi ekanini eʼlon qilgan I. Nad huqumati qamoqqa olindi. Shundan keyingi yillarda Ya. Kadar boshchiligidagi mamlakat rahbariyati mafkuraviy murosa va xoʻjalik islohoti oʻtkazish yoʻli bilan Mojariston sotsialistik ishchi partiyasining mavqeini mustahkamlashga urindi. 1989-yilda 1949-yil gi konstitutsiya oʻzgartirilib, Mojariston demokratik huquqiy davlat deb eʼlon qilindi. 1989-yil 18-oktabrda mamlakat Mojariston Respublikasi deb ataldi. Mojariston 1955-yildan [[Birlashgan millatlar tashkiloti|BMT]] aʼzosi. Oʻzbekiston Respublikasi bilan diplomatiya munosabatlarini 1992-yil 3-martda oʻrnatgan. Milliy bayramlari: 15 mart — 1848—49 yil burjua inqilobining boshlanishi; 20-avgust — Mojariston davlati asoschisi Avliyo Ishtvan kuni; 23-oktabr—1956-yil inqilob va ozodlik kurashi boshlangan kun va 1989-yil Mojariston Respublikasi eʼlon qilingan kun.

== Asosiy siyosiy partiyalari va kasaba uyushmalari ==
Mojariston ishchi partiyasi (1918-yilda asos solingan ''Mojariston Komunistik partiyasining'' vorisi, 1948-yildan ''Mojariston mehnatkashlar partiyasi'' deb atalgan. 1989-yil 7-oktabrdagi 14-sʼezdda partiya faoliyatini toʻxtatish va uning negizida sotsialistik ishchi partiyasini tuzishga qaror qilindi. Bu partiya 1993-yil martidan ''Mojariston ishchi partiyasi'' deb ataladigan boʻldi), ''Mojariston sotsialistik partiyasi'' (1989-yilda tashkil etilgan), ''Mojariston demokratik forumi'' (siyosiy tashkilot sifatida 1987-yilda tuzilgan), Erkin demokratlar ittifoqi (1988-yilda asos solingan va siyosiy partiya tariqasida 1989-yilda shakllangan). Kasaba uyushmalari: Mustaqil kasaba uyushmalari demokratik ligasi (1988-yilda mustaqil kasaba uyushmalarini birlashtirish maqsadida tuzilgan), Mojariston kasaba uyushmalari federatsiyasi (UmumMojariston kasaba uyushmalari negizida barpo etilgan; Taʼsis sʼezdi 1990-yilda boʻlgan).

== Xoʻjaligi ==
Mojariston — industrial-agrar mamlakat. Sanoati ilgʻor texnika bilan qurollangan, qishloq xoʻjaligi yuksak darajada rivojlangan. Yalpi ichki mahsulotda sanoatning ulushi 35,5 %, qishloq va oʻrmon xoʻjaligining ulushi 12 %.
=== Sanoati ===
Sanoatining yetakchi tarmoqlari: mashinasozlik, qora va rangli metalurgiya, elektronika, oziq-ovqat, mebel va yengil sanoat. Yoqilgʻi-energetika balansida koʻmir asosiy oʻrin egallaydi (Tatabanya, Oroslan, Borshod, Mechek va boshqalar konlar). Neft va tabiiy gaz qazib olish rivojlangan. Elektr energiya asosan issiqlik elektr stansiyalarida hosil qilinadi (yiliga oʻrtacha 32,5 mlrd. kVtsoat elektr energiya hosil qilinadi). Qora metallurgiya asosan chetdan keltiriladigan ruda va koks asosida ishlaydi. Bu tarmoqning asosiy markazlari: Mishkols, Ozd va Dunayvarosh. Boksit-alyuminiy sanoati hal qiluvchi ahamiyatga ega (Almashfyuzit, Ayka, Tatabanya, Inot, Nirad-Deaki va boshqalar). Mashinasozlikning asosiy tarmoqlari — elektr texnika, priborsozlik, aloqa vositalari, hisoblash texnikasi, tibbiyot asbob-uskunalari ishlab chiqarish, shuningdek transport vositalari, ayniqsa kemasozlik, temir yoʻl vagonlari, avtobus ishlab chiqarish („Ikarus“ zavodlari) rivojlangan. Metall qirqish stanoklari, kimyo, yengil, oziq-ovqat sanoati uchun asbob-uskunalar, qishloq xoʻjaligi mashinalari, yoritish priborlari ham ishlab chiqariladi. Mashinasozlikning asosiy markazlari: [[Budapesht]], [[Dyor]], [[Mishkols]], [[Sekeshfexervar]] va [[Debresen]]. Farmatsevtika korxonalari [[Budapesht]] va [[Debresen]]da joylashgan. Kimyo sanoati (maʼdanli oʻgʻitlar, organik sintez mahsulotlari ishlab chiqarish) muhim ahamiyatga ega. Yengil sanoat tarmoqlari orasida toʻqimachilik, tikuvchilik, poyabzal ishlab chiqarish (Budapesht, Dyor, Seged, Pech va boshqalar shaharlarda), oziq-ovqat sanoati (vinochilik, meva-sabzavot konserva, un tortish, qand-shakar, goʻsht sanoati va boshqalar) rivojlangan.
=== Qishloq xoʻjaligi ===
Qishloq xoʻjaligida asosiy oʻrinni dehqonchilik oladi. Haydaladigan yerning 2/3 qismiga gʻalla ekiladi. Texnika ekinlaridan qand lavlagi, kungaboqar, tamaki, shuningdek, kartoshka yetishtiriladi. Sabzavotchilik, bogʻdorchilik va uzumchilik mahsulotining anchagina qismi chet ellarga chiqarib sotiladi. Chorvachilikning asosiy tarmoqlari— ''choʻchqachilik'' va parrandachilik. Qoramolchilik, ''qoʻychilik'' va sut mahsulotlari yetishtirish ham rivojlangan. ''Balaton'' koʻlida va Dunay daryosida baliq ovlanadi.

== Transporti ==
Temir yoʻl va avtomobil transporti Mojariston transportining asosini tashkil qiladi. Temir yoʻllarning uzunligi — 7752&nbsp;km (2277&nbsp;km elektrlashtirilgan), avtomobil yoʻllarining uzunligi —30 ming km dan ortiq, ichki suv yoʻllarining uzunligi 1,6 ming km ni tashkil etadi. Dunay daryosida kemalar katnaydi; u kanal orqali Balaton koʻli bilan tutashtirilgan. Asosiy porti — Budapesht shahri.
=== Eksport va import ===

Mojariston chetga asosan mashinalar va asbobuskunalar, ximikatlar, elektr ashyolari, boksit, dori-darmon, kiyim-kechak, qishloq xoʻjaligi va oziq-ovqat sanoati mahsulotlari chiqaradi. Chetdan xom ashyo, yoqilgʻi, yengil va yuk avtomobillari, traktorlar, don kombaynlari, maʼdanli oʻgʻitlar va b. sotib oladi. Chet el sayyohligi rivojlangan. Mojariston iktisodiyotiga xorijiy sarmoya jalb etish surʼatlari ancha yuqori. Mojaristonning tashqi savdodagi mijozlari — Gʻarbiy va Sharqiy [[Yevropa]] mamlakatlari. Pul birligi — forint.

== Tibbiy xizmati ==
Tibbiy xizmatga Sogʻliqni saqlash vazirligi rahbarlik qiladi. Mojaristonda 90 mingdan ortiq oʻrinli kasalxonalar bor; 30 mingga yaqin shifokor tibbiy yordam koʻrsatadi. Shifokorlarni Budapesht, Seged, Pech, Debresendagi tibbiyot institutlari tayyorlaydi.

== Xalq maorifi, ilmiy va madaniy-maʼrifiy muassasalari ==
Mojaristonda 8 yillik majburiy boshlangʻich taʼlim joriy etilgan. Davlatga, cherkovga qarashli, xususiy oʻrta oʻquv yurtlari bor. Mojaristonda 887 oʻrta maxsus oʻquv yurti va 91 oliy oʻquv yurti hamda kollejlar ishlaydi. Budapesht universiteti Mojaristondagi eng yirik oliy oʻquv yurtidir. Pech shahridagi universitet (1367-yil tashkil etilgan) ham mamlakatdagi eng qad. oʻquv yurtlaridan. Mojaristonda Mojariston Fanlar akademiyasi, geologiya, zootexnika, farmakokimyo va boshqa ilmiy tadqiqot institutlari bor. Yirik kutubxonalari: Davlat kutubxonasi, Budapesht universiteti, parlament kutubxonalari. Mojaristonda Milliy muzey (1802-yil tashkil etilgan), Milliy galereya, Tasviriy sanʼat, tabiiyot-tarix, ilmiy-texnologiya (hammasi Budapesht sh.da), Shopron sh.da Ferens List, Sekeshfexervarda qirol Ishtvan muzeylari mavjud.

== Matbuoti, radioeshittirishi va telekoʻrsatuvi ==
Mojaristonda bir qancha [[gazeta]] va [[jurnal]]lar nashr etiladi. Eng yiriklari: „Deyli nyus“ („Kundalik yangiliklar“, ingliz va olmon tillaridagi kundalik gazeta, 1979-yildan), „Kurir“ (mustaqil kundalik gazeta, 1990-yildan), „Madyar nemzet“ („Mojar millati“, kundalik siyosiy gazeta, 1938-yildan), „Madyar xirlap“ („Mojar gazetasi“, kundalik siyosiy gazeta, 1968-yildan), „Nepsabadshag“ („Xalq erki“, kundalik gazeta, 1942-yildan), „Nepsava“ („Xalq soʻzi“, kundalik gazeta, 1873-yildan), „Sabadshag“ („Ozodlik“, haftalik gazeta, 1990-yildan), „Kortarsh“ („Zamondosh“, oylik adabiy jurnal, 1957-yildan), „Madyar shayto“ („Mojariston matbuoti“, oylik jurnal, 1960-yildan), „May magazin“ („Zamonaviy jurnal“, oylik jurnal, 1981-yildan). Mojariston telegraf agentligi (MTI) 1880-yilda, Mojariston radiosi 1924-yilda, Mojariston televideniyesi 1957-yilda tashkil etilgan.

== Adabiyoti ==
Adabiyotining tarixi xalq ogʻzaki ijodidan boshlanadi. Uning ayrim parchalari oʻrta asrlarga oid lotin tilidagi risolalarda saqlanib qolgan. Nomaʼlum muallifga „Mojarlarning ishlari“ risolasi shu jumladandir. Mojar tilidagi dastlabki yozma adabiyot obidalari — „Qabr ustidagi vaʼz“, „Assizlik Fransiskning sarguzashti“ asarlari <nowiki>XIII—XIV</nowiki> asrlarga mansub. Yaus Pannonius va Balint Balashshi 15— <nowiki>XVI</nowiki> asrlarda lirik sheʼrlari bilan mashhur boʻldilar. Turklar zulmiga qarshi mustaqillik yoʻlidagi kurashga bagʻishlangan asarlar milliy adabiy tilning shakllanishiga barakali taʼsir qildi. Mojariston Zrinining „Siget falokati“ epik dostonida milliy birlik gʻoyasi madh etildi. Mojariston Dyondyoshining epik asarlari <nowiki>XVII</nowiki> asr mojar klassitsizmining namunasidir. <nowiki>XVIII</nowiki> asrda maʼrifatchilik adabiyoti paydo boʻldi. Bu davrda „Agis“, „Faylasuf“, „Tarimenning sayohati“ asarlarining muallifi D. Beshshenei, demokratik ruhdagi „Doroteya“ hajviy eposi bilan shuhrat qozongan Mojariston Chokonai-Vitez ijodi muhim. Y. Katoni, Mojariston Vyoryoshmarti, milliy madhiya matnining muallifi F. Kyolchei romantik asarlari bilan tanildi. <nowiki>XIX</nowiki> asrning 40 yillarida adabiyotda realizm kurtaklari koʻrina boshladi. Y. Etvyosh „Qishloq notariusi“, „1514-yilda Mojariston“ romanlarida eski feodal tartiblarini tanqid qildi, Doji boshchiligidagi dehqonlar qoʻzgʻolonini aks ettirdi. „Pahlavon Yanosh“, „Milliy qoʻshiq“ epik dostonlarining muallifi Shandor Petyofi mojar sheʼriyatini xalqchillik, demokratizm, realizm goyalari bilan boyitdi. Petyofi sheʼriyati 1848—49 yillar inqilobida zoʻr ahamiyat kasb etdi. Bu davrda Ya. Aranning Toldi haqidagi poemalar trilogiyasi („Toldi“, „Toldi kechasi“, „Toldining muhabbati“) va qator sheʼrlarida dehqonlarning feodal tuzumga qarshi noroziliklari ifodalandi.

Mojar adabiyotiga shoir E. Adi katta hissa qoʻshdi. Uning „Mojar dashtida“, „Mojar yakobinchisi qoʻshigʻi“, „Dyord Doji nevarasi“, „Jangovar yoʻl“ kabi asarlari jamiyatni qayta qurish ruhi bilan sugʻorilgan. 1- va 2-jahon urushlari orasidagi davrda mojar inqilobiy lirikasining yirik vakili A. Yojef asarlari keng tarqaldi. Ispan milliy ozodlik kurashida general Lukach nomi bilan shuhrat qozongan yozuvchi Mate Zalka qator asarlarida, shuningdek „Doberdo“ romanida ozodlik yoʻlidagi kurashchilar obrazini yaratdi, mehnatkashlar ongining uygʻonishini haqqoniy tasvirladi. Mojariston adabiyotining yirik vakillari L. Meshterxazi, A. Berkeshi, I. Dobozi, L. Erdyosh asarlari yangi insonning shakllanishi masalalariga bagʻishlangan. Tanikli shoirlardan D. Iyesh, I. Shimon, G. Garai lirik asarlari, Y. Darvashning „Badmast yomgʻir“ romani va D. Fekyotning „Vrach oʻlimi“, F. Shantining „Soat yigirma“, I. Erkenning „Totovlar xonadoni“ qissalari ijtimoiy mavzuning chuqur tahlil etilishi, ruhiy holat tasvirining teran falsafiyligi bilan Mojariston adabiyotida alohida oʻrin oladi.

== Meʼmorligi ==
Mojariston hududida paleolit va neolit davrlariga oid manzilgohlarning qoldiqlari, skif-sarmat va antik madaniyatlarning yodgorliklari topilgan. Milodning dastlabki asrlariga mansub Qad. Rim meʼmoriy yodgorliklari saqlangan. <nowiki>XI—XII</nowiki> asrlarda Pech, Estergomda meʼmorlik maktablari vujudga keldi. 11 —<nowiki>XIII</nowiki> asrlarda roman va gotika uslubidagi qoʻrgʻonlar, qasrlar va turar joylar qurildi. <nowiki>XV</nowiki> asrning 2-yarmidan Uygʻonish davri tamoyillari vujudga kela boshladi. <nowiki>XVII</nowiki> asr oxirlarida avstriyaliklar taʼsirida barokko uslubi yoyildi. <nowiki>XIX</nowiki> asrda klassitsizm uslubi tarkib topdi. <nowiki>XIX</nowiki> asr oxirida Budapeshtni qurish avj oldi (parlament binosi, opera teatri va boshqalar). <nowiki>XIX—XX</nowiki> asr boʻsagʻasida mojar „moderni“ meʼmorligida xalq meʼmorligi usullaridan foydalanildi. <nowiki>XX</nowiki> asr oʻrtalaridagi Mojariston meʼmorlari salobatli sanoat, turar joy, maʼmuriy binolar barpo etishga kirishdilar. Komlo, Varianati, Budapesht shahri larida jahonning eng kurkam meʼmoriy majmualari barpo etildi. Budapeshtdagi markaziy stadion (meʼmor K. David vab.), binokorlik sanoati kasaba uyushmasi xodimlari uyi (meʼmor L. Gardorash va boshqalar), Dunay daryosiga qurilgan Erjebet koʻprigi (meʼmor P. Shali), Balaton koʻli boʻyidagi mehmonxonalar va boshqalae binolar Mojariston meʼmorligining muvaffaqiyati boʻlib, industrial asosda barpo etilgan.

== Tasviriy sanʼati ==
Mojariston hududida sopol haykallar (neolit davri), kelt va skiflarning sanʼat yodgorliklari saqlanib qolgan. Rim davri manzilgohlarida turli rasmlar, haykalchalar, guldonlar topilgan. Oʻrta asrlardagi rassomlik, haykaltaroshlik (Avliyo Georgiyning otga minib turgan haykali, bronza, <nowiki>XIV</nowiki> asr, Marton va Derd Kolojvarlar ishlagan) hamda badiiy hunarmandlik buyumlari saqlangan. Uygʻonish davrida (<nowiki>XV</nowiki> asr oxirlari, <nowiki>XVI</nowiki> asr boshlari) Mojariston sanʼati yuksak bosqichga koʻtarildi. Oʻtmish anʼanalari turklar hukmronligi davrida ham mahalliy tusda davom etdi. Bu narsa yozma kitoblarni bezashda, amaliy-bezak sanʼatida namoyon boʻldi. <nowiki>XVII</nowiki> asr oxiri, <nowiki>XVIII</nowiki> asr boshlarida barokko uslubidagi portret rassomligi rivojlandi (A. Manoki). <nowiki>XIX</nowiki> asrda portret (Mojariston Barabash), manzara (ota-bola Markolar), rassomlik, haykaltaroshlik (I. Ferensi), suratkashlik (Mojariston Zichi) rivojlandi. 1848—1849 yillardagi inqilobdan keyin ozodlik gʻoyalari bilan sugʻorilgan tarixiy kartinalar yaratildi (V. Madaras, B. Sekey). Mashhur rassom Mojariston Munkachi esa ijtimoiy hayotni ifodalovchi chuqur gʻoyali kartinalar yaratdi. <nowiki>XIX</nowiki> asr oxiri, <nowiki>XX</nowiki> asr boshlarida I. Reves, A. Fenesh, Ya. Tornyai, K. Kerishtok, D. Rudnai kabi rassomlar mojar rassomligi anʼanalarini davom ettirdilar. Mojariston Ijo, A. Shtrobl kabi haykaltaroshlar realistik asarlar yaratdilar. Shu davr Mojariston sanʼatida Sh. Xolloshi asos solgan Nadban realistik rassomlik maktabi katta rol oʻynadi. Mojaristonning 20—30-yillar sanʼatida Dyula Derkovich va Ishtvan Deshi-Xuber kabi mashhur rassomlar ijod qildilar. Fashizm tartibi oʻrnatilgandan keyin koʻpgina taraqqiyparvar rassomlar chet ellarda ishladilar, mamlakatda qolganlari ijtimoiy oʻtkir taʼsirchan asarlar yaratdilar. Rassomlardan Bertalan Por, Aurel Bernat, Ishtvan Syoni, haykaltaroshlardan Beni Ferensi, Jigmond Kishfaludi-Shtrobl, Yojef Shomodi, Tamash Viga, Dyord Shegeshdi, Ferens Kovach va b. Mojariston tasviriy sanʼatini boyitdilar. Mojaristonda amaliy sanʼat ham qad. anʼanalarga ega; Noemi Ferens yaratgan gobelenlar, Margit Kovach yaratgan sopol buyumlar eʼtiborli.

== Musiqasi ==
Mojar xalq qoʻshiqlari bir ovozlidir; qad. ohanglari esa mari, udmurt, chuvash kuylarini eslatadi. Igrits deb ataluvchi mojar xalq baxshidostonchilari haqidagi dastlabki maʼlumot Yu-asrga taalluqli. Xristianlik rasmiy din boʻlib qolgach (<nowiki>X</nowiki> asr), Grigoriyem xoralining taʼsiri kuchaydi. Professional Mojariston musiqasi (<nowiki>XIII</nowiki> asrdan) zodagonlar orasida ravnaq topdi. Unda Gʻarbiy Yevropa musiqasi bilan mojar xalq musiqa ohanglari qoʻshildi. <nowiki>XVI</nowiki> asrda lyutnya ijrochisi va xonanda Sh. Tinodining tarixiy mavzudagi dastlabki dunyoviy qoʻshiklari, B. Bakfarq kabi sozandakompozitorlarning cholgʻu asarlari nashr etildi. <nowiki>XVII—XVIII</nowiki> asrlarda Mojariston zodagonlarining koʻpchiligi oʻzlarining xor hamda cholgʻu kapellalari bilan nom chiqarishdi.

<nowiki>XVIII</nowiki> asr oxiridan cholgʻu musiqasining yangi raqsbop janri — verbunkosh taraqqiy etdi. Uning shaklanishida Mojariston loʻli sozandalari katta rol oʻynadi. Keyinchalik milliy musiqaning asosiy uslubi darajasiga koʻtarllgan verbunkosh barcha janrlarga taʼsir qildi. Kompozitor Y. Ruzichka shu uslub zaminida birinchi Mojariston operasi („Belaning qochishi“, 1822) ni yozdi. Oʻz ijodida verbunkosh bilan Italiya operanavislik tajribasini qoʻshgan <nowiki>XIX</nowiki> asr atoqli kompozitori F. Erkel „Bank ban“, „Laslo Xunyadi“, „Dyord Doja“ singari milliy ozodlik harakati ruhidagi operalarni yaratdi. Verbunkosh ohanglari Gaydn, Motsart. Betxoven, Shubert, Brams, Berlioz, List singari kompozitorlarni ilhomlantirdi. 1834-yilda dastlabki Milliy musiqa maktabi tashkil topdi. Shuning zaminida F. List Musiqa akademiyasini barpo qildi (1918-yildan List nomidagi Oliy musiqa sanʼati maktabiga aylangan). Peshtda opera teatri (1837), Milliy konservatoriya (1840, keyinchalik oliy musiqa maktabi deb iomlangan) barpo boʻldi. 1853-yil [[Filarmoniya]] jamiyati tashkil topdi. Mashhur pianinochi, kompozitor F. List faoliyati <nowiki>XIX</nowiki> asr Mojariston musiqa taraqqiyotida katta rol oʻynadi. B. Bartok, Z. Koday singari kompozitor va musiqashunoslar xalq ijodi asarlarini oʻrganib, Mojariston musiqa madaniyati rivojiga katta hissa qoʻshdilar. <nowiki>XX</nowiki> asrda F. Legar, I. Kalman, V. Yakobi operettalari olamga mashhur boʻldi. Mojariston musiqasi taraqqiyotida A. Mixay, P. Kadosha, R. Marosh, E. Servanski, F. Farqash, D. Ranki. P. Yardani, Sh. Sokolai, J. Durko singari kompozitor va musiqashunoslarning xizmatlari katta.

== Teatri ==
Teatr kurtaklari <nowiki>IX</nowiki> asrdagi koʻchmanchi mojarlarning uyinlari va marosimlariga borib taqaladi. Qiziqchi-masharabozlar va baxshilar oʻziga xos xalq madaniyatining namoyandalari edi. <nowiki>XVII</nowiki> asr oxiri — <nowiki>XVIII</nowiki> asr boshlarida maktab teatrlari rayem boʻldi. <nowiki>XVIII</nowiki> asr boshida saroy teatr truppalari yuzaga keldi. 1790-yilda birinchi professional teatr tashkil qilindi. 1837-yilda Peshtda „Peshti madyar sinxaz“ (Pesti Magyar Színház) nomli doimiy teatr (1840-yildan Mojar milliy teatri) ochildi. Mojariston teatrining shakllanishida aktyorlardan MojaristonʼLendvai, G. Egreshshi, R. Laborfalvi, Mojariston Yasai, rejissyor E. Paulai katta rol oʻynadilar. <nowiki>XIX</nowiki> asr oxirida yana bir qator viloyatlarda teatrlar tashkil etildi. 1-va 2- jahon urushi orasida Mojariston teatri chuqur tushkunlikka uchradi. Urushdan keyin yangi teatrlar ishga tushirildi: Budapeshtda Sh. Petyofi nomidagi teatr, Mojariston Yokai nomidagi teatr, Seged, Pech va boshqalar shaharlardagi teatrlar. Rejissyor lardan T. Mayor, E. Gellert, K. Kazimir, L. Vamosh, aktorlardan G. Bayor, K. Tolnai, A. Shomlai, Mojariston Gabor, É. Rutkai, L. Bashti mashhur.

1925-yilda Budapeshtda turgʻun operetta teatri (1949-yildan Milliy teatr) tashkil qilindi. Balet sanʼati <nowiki>XIX</nowiki> asr oxirida paydo boʻlib, <nowiki>XX</nowiki> asr boshida rivojlandi. Budapeshtdagi Milliy teatr qoshida balet maktabi bor. Mojaristonda estrada, qoʻgʻirchoq teatri, sirk va sirk maktabi ham mavjud.

== Kinosi ==
<nowiki>XIX</nowiki> asr oxirida dastlabki xronika filmlari suratga olina boshladi. 1896-yil Budapeshtda birinchi kinoteatr ochildi. 1901-yilda mojar filmi „Rake“ (rejissyor B. Jitkovskiy) yaratildi. Shu filmdan ilmiy-ommabop kino tarixi boshlangan. 1912-yil 14-oktabrda milliy badiiy kinematografiya yuzaga keldi. 1912-yildan Mojariston filmlari muntazam suratda ishlab chiqarila boshladi. Keyingi yillarda Mojaristonda yaratilgan filmlar haqqoniyligi, jiddiy masalalarni koʻtarib chiqqanligi bilan ajralib turadi. ''Mojariston kinematografiya ilmiy tadqiqot instituti'' (1956), ''Teatr va kino instituti'' bor. Mojaristonda ishlab chiqarilgan koʻpgina badiiy va qisqa metrajli filmlar xalqaro ''kinofestivallarda'' mukofotlangan. 60—80-yillardagi eng yaxshi filmlar: „20 soat“ (rejissyor Z. Fabri), „Ota“ (rejissyor I. Sabo), „Noumid“ (rejissyor Mojariston Yancho), „Fotosurat“ (rejissyor P. Zolnai) va b. I. Pechi, K. Tolnai, Mojariston Gabor, L. Bashti, Ye. Rutkai kabilar Mojariston kinosining mashhur aktyorlaridir.

== Manbalar ==
{{manbalar}}

== Havolalar ==
; Hukumat
* [http://www.kormany.hu/en Official site of the Hungarian Government] {{Webarxiv|url=https://web.archive.org/web/20110926094726/http://www.kormany.hu/en |date=26-sentabr 2011-yil }}
* [http://www.miniszterelnok.hu/en/ Official site of the Hungarian Prime Minister]
* [http://www.keh.hu/president_janos_ader/1582-Curriculum_vitae_of_Janos_Ader&pnr=1 Official site of the President of Hungary]
* [http://gotohungary.com/ Official Hungarian Tourism website]

; Umumiy maʼlumot
* [https://www.britannica.com/place/Hungary Hungary] ''[[Encyclopædia Britannica]]''
* [http://www.oecd.org/hungary/ Hungary] ([[:en:Organisation for Economic Co-operation and Development|OECD]]dan)
* [https://europa.eu/european-union/about-eu/countries/member-countries/hungary_en Hungary] [[Yevropa Ittifoqi|YI]]da
* [http://www.ifs.du.edu/ifs/frm_CountryProfile.aspx?Country=HU Forecasts for Hungary] ([[International Futures]]dan)
* [https://www.bbc.com/news/world-europe-17380792 Hungary] ([[BBC|BBC News]]dan)
* [http://www.thearda.com/internationalData/countries/country_106_1.asp Statistical Profile of Hungary at the Association of Religion Data Archives] {{Webarxiv|url=https://web.archive.org/web/20191213005022/http://www.thearda.com/internationalData/countries/country_106_1.asp |date=2019-12-13 }}
* [http://www.fao.org/countryprofiles/index/en/?iso3=HUN FAO Country Profiles: Hungary]
* [https://dailynewshungary.com/ Daily News Hungary]
* [http://hungarytoday.hu/ Hungary Today — The latest news about Hungary]

{{Yevropa davlatlari}}

{{Tashqi havolalar}}

[[Turkum:Vengriya]]
[[Turkum:BMT aʼzolari]]
[[Turkum:NATO davlatlari]]
[[Turkum:Yevropa Ittifoqiga aʼzo davlatlar]]