Viktor Chukarin
Виктор Иванович Чукарин (русча: Виктор Иванович Чукарин, украинча: Віктор Іванович Чукарін; 1921-йил 9-ноябр — 1984-йил 25-август) — СССР шарафини ҳимоя қилган украиналик спорт гимнастикачи. 1952 ва 1956-йиллардаги ёзги олимпия ўйинларида ўн битта медални қўлга киритдиган. Булардан 7 таси олтин. 1954-йилда кўпкураш бўйича жаҳон чемпионлигини қўлга киритган. 1952-йилги ёзги олимпия ўйинларида энг кўп медални қўлга киритган спортчи ҳисобланади.
| Виктор Чукарин | |
|---|---|
| Шахсий маълумотлари | |
| Фуқаролиги |
 СССР |
| Таваллуд санаси | 1921-йил 9-ноябр |
| Вафот санаси | 1984-йил 25-август |
| Спорт | |
| Қайси спорт | Спорт гимнастикаси |
Таржимаи ҳоли
Чукарин Донецк губернаторлигидаги Красноармейское қишлоғида. 1924-йилда унинг оиласи Мариуполга кўчиб ўтган. Чукарин Мариуполда гимнастика билан шуғуллана бошлаган. Кейинчалик Киэвдаги жисмоний тарбия институтида таҳсил олган.
1941-йилда Улуғ Ватан уруши бошланиши билан Қизил армия сафига кўнгилли сифатида бориб қўшилган. Генерал Михаил Кирпонос бошчилигидаги бўлинма сафида жанг қилган. Чукарин жангда ярадор бўлиб, Полтава яқинида асирга олинган ва Сандбостелдаги асирлар лагерига юборилган. Кейинчалик яна 17 та турли хил лагерларга юборилган. 1945-йилда озод этилган. Озод этилгандан сўнг Киевдаги спорт институтига қайта қабул қилинмаганлиги сабабли Лвовдаги жисмоний тарбия институтида ўқишни давом эттирган.
1946-йилдадан спорт гимнастикаси бўйича СССР чемпионатларида иштирок эта бошлаган. 1947-йилда бешинчи ўринни эгаллаган. 1948-йилда СССР чемпионлигини қўлга киритган. 1949-йилда кўпкураш бўйича СССР чемпиони бўлган. Бу ғалабасини 1950, 1951, 1953 ва 1955 йилларда ҳам такрорлашга муваффақ бўлган[1].
СССР олимпия ўйинларида 1952-йилдан (бу пайтда Чукарин 30 ёш бўлган) иштирок эта бошлаган. 1952-йилда Чикурин олтита медални қўлга киритган. 1956-йилги ёзги олимпия ўйинларида яна бешта медалини қўлга киритган[1].
СССР терма жамоасининг 1954-йилги жаҳон чемпионатидаги ғалабасига Чикурин катта ҳисса қўшган. Яккалик ва жамоавий баҳсларда олтин медални қўлга киритган.
1957-йилда Лариса Латинина ва Виктор Чукарин Ленин ордени билан тақдирланишган[1][2].
1955-йилда нашр этилган „Пут К Вершинам“ номли китобида тўлиқ фаолияти ҳақида ҳикоя қилиб берган. 1961йилда Арманистон гимнастика жамоасига мураббийлик қилган. 1963-йилда Лвов жисмоний тарбия институтида доцент илмий унвонини қўлга киритган[3][1]. 1984-йилда вафот этган. Лйчакив қабристонига дафн этилган. Лвовдаги кўчалардан бирига Виктор Чукарин номи берилган.
Манбалар
- ↑ 1,0 1,1 1,2 1,3 „Ахиллесова пята“ Виктора Чукарина.
- ↑ Борис Кҳавин. Алл абоут Олймпиc Гамес., 2нд (Руссиан), Мосcоw: Физкултура и спорт, 1979 — 589-бет.
- ↑ Эванс, Ҳиларй; Гжерде, Арилд; Ҳеижманс, Жероэн; Маллон, Билл; эт ал. „Виктор Чукарин“. Олймпиcс ат Спорц-Референcе.cом. Спорц Референcе ЛЛC. Арчивед фром тҳе оригинал он 17 Април 2020.