Xonobod shahri

Хонобод (1972—1991-йилларда Советобод) — Ўзбекистон Республикаси Андижон вилоятидаги шаҳар (1972-йилдан). Қорадарёнинг ўнг соҳилида. Транспорт йўли стансияси (Хонобод). Вилоятнинг шарқида жойлашган. Вилоят маркази (Андижон ш.) дан 80 км. Аҳолиси 55.1 минг кишини ташкил этади (2024). Майдони 200км квадрат .

Хонобод
шаҳар
40°48′0″Н 73°0′0″Э
Мамлакат	Ўзбекистон
вилоят	Андижон вилояти
Ҳукумат
• Ҳоким	Маш'ал Тожибоев
Аҳолиси	34 774
Вақт минтақаси	УТC+5

Қўқон хонлиги даврида бу ҳудуд „Бешкапа“ деб юритилган. Маҳаллий ривоятга кўра, Қўқон хонлари Хонобод атрофидаги тўқайзорларга келиб шикор уюштириб дам олишни хуш кўрганлар. Шу боис бу ҳудуд ободонлаштирилган (шаҳар номи шундан). 1969-йил Қорадарёда Андижон сув омбори қурилишининг бошланиши билан Хонободда аҳоли сони кўпайди. Шаҳарда „Сув қурилиш жиҳозлари“, „Андижон ГЕС“, „Электроника“, „Тарандубител“ корхоналари, 2 та автокорхона, „ХонБугда“, „ЎзКОЖИ“, „Андижонкабел“ қўшма корхоналари фаолият кўрсатади. Алоқа уйи, „Хотира майдони“, Иккинчи жаҳон уруши қурбонлари хотирасига бағишланган ёдгорлик, Алишер Навоий ва Бобур номидаги маданият ва истироҳат боғлари, Фозилмонота зиёратгохи, рақс ва кулги майдони мавжуд.

„Андижон сув омбори“ музейи, 6 та кутубхона, 4 та касб-ҳунар (саноат, маиший хизмат, компютер, педагогика) коллежи ишлаб турибди. Марказий касалхона, болалар поликлиникаси, туғруқхона ва бошқа тиббий муассасалар (200 ўрин) аҳолига хизмат кўрсатади. Тез тиббий ёрдам бўлими, Султонобод, Хидирша қишлоқ врачлик пунктлари бор. Шаҳар ҳудудидан маҳаллий аҳамиятдаги Андижон — Хонобод автотрассаси ва Ўш — Бишкек халқаро автомобил тракти ўтган.

Аҳоли пунктлари

• Хидирша
• Меҳмонобод
• Фозилмон
• А.Навоий
• Хонобод
• Бунёдкор
• Юксалиш
• Анҳор
• Истиқлол
• А. Фитрат
• Мустақиллик
• Янги ҳаёт
• Тейит
• Кампирравот
• Алчаали