Yugoslaviya

Байроқнинг ўртасида жойлашган қизил юлдуз коммунизмни англатади.

Югославия — Жанубий Европадаги давлат (2003-йилгача мавжуд бўлган). Серблар, хорватлар, словенлар қироллиги негизида 1929-йил ташкил топган. Сербия, Хорватия, Словения, Босния ва Герсеговина, Македония, Черногория унинг ичида бўлган. 1929-йил январ Югославия диктатураларининг ҳарбий монархияси қарор топган. 1941-йил мартда Югославия ҳукумати фашист давлатлари ташкилоти Берлин пакти (1940-йил 7-сентябр) га қўшилди. Бу Югославияда кенг норозилик ҳаракатига сабаб бўлди; 27-март фашистик ҳукумат ағдарилди. 1941-йил 6 апрел Югославия фашист Германияси бостириб кирди ва мамлакат ҳудуди Германия томонидан ишғол этилди. Халқ озодлик кураш авж олди. Мамлакатнинг шим.шарқий қисми 1944-йил озод этилди. 1945-йил 15-майда совет қўшинлари ҳамда Югославиа армияси бирга Югославияни фашистлардан озод қилишни ниҳоясига етказди. 1945-йил 29-ноябрда Югославия Федератив Халқ Республикаси (ЙФХР) эълон қилинди. 1946-йил 31-январ федерация конституцияси тасдиқланди. 1963-йилда қабул қилинган конституция бўйича мамлакат Югославия Социалистик Федератив Республикаси (ЙСФР) деб номланди. Югославия коммунистлари ҳукумати тепасида Югославия Иттифоқи партияси турди. Югославияда ҳукумат ўз олдига бошқарувнинг социализм асосида Югославия моделини қуриш жараёни қўйилди. 1980-йилардан мамлакат оғир иқтисодий ва сиёсатга дуч келди. Бунга қисман бутун дунёда кечаётган иқтисодий инқирозлар ҳамда иқтисодий бошқарувдаги социал модел сабаб бўлди. 1991-йил УСФР парчаланиб кетди. Словения, Хорватия, Босния ва Герсеговина, Македония федерация таркибдан чиқиб кетди ва мустақил давлатларга айланди. 1992-йил Сербия билан Черногория Югославия Иттифоқ Республикасини туздилар. 2003-йил 4-февралдан бу давлат Сербия ва Черногория деб атала бошланди.