Ziyosfera

Yuriy Kulakov

Юрий Иванович Кулаков (1936-йил 25-феврал, Қизил-Арват) — Қорақалпоғистон Республикаси совет ва ўзбек маданият ва спорт арбоби, волейбол бўйича Бутуниттифоқ тоифасидаги ҳакам, Қорақалпоғистон Республикаси ва Ўзбекистон Республикаси мураббийи ва ўқитувчиси.

Таржимаи ҳол

Юрий Иванович Кулаков 1936-йил 25-февралда Туркманистоннинг Қизил-Арват (ҳозирги Сердар) шаҳрида туғилган. 1954-йилда Қизил-Арват шаҳар 5-сонли темир йўл мактабини тамомлаган. Ўқишни битиргандан кейин Низомий номидаги Тошкент давлат педагогика университетининг жисмоний тарбия факултетига ўқишга кирди. Институтда ўқишни тамомлаб, 1959-йилда Қорақалпоғистон давлат педагогика институтига ишга юборилиб, айни кунгача ушбу та’лим масканида фаолият юритиб келади.

Меҳнат фаолияти

  • 1959—1966-йилларда “Жисмоний тарбия назарияси ва методикаси” кафедраси ўқитувчиси, катта ўқитувчиси.
  • 1966—1978-йилларда жисмоний тарбия факултети декани
  • 1979-йилдан университет партия қўмитаси котиби
  • 1979—1981-йилларда Қорақалпоғистон Республикаси Вазирлар Кенгаши ҳузуридаги Жисмоний тарбия қўмитаси раиси.
  • 1981—1983-йилларда Корақалпоғистон давлат университети спорт кафедраси мудири
  • 1983—1987-йилларда Корақалпоғистон давлат университети бирлашган касаба уюшма қўмитаси раиси.
  • 1987—1988-йилларда Жисмоний тарбия факултети декани
  • 1988—1991-йилларда университет партия қўмитаси котиби
  • 1991—1992-йилларда Корақалпоғистон давлат университетининг тарбиявий ишлар бўйича биринчи проректори
  • 1993—2007-йилларда “Жисмоний тарбия” кафедраси ҳамда “Жисмоний тарбия назарияси ва методикаси” кафедраси мудири.
  • 1997-йил – ҳозирги кунгача университет спорт клуби раиси

Даражалари

  • Ўзбекистон Республикаси Олий Кенгашининг қарори билан “Қорақалпоғистон Республикасида хизмат кўрсатган маданият ходими” (Биринчи мукофотланганлар қаторида Ю.И.Кулаков, Д. Г.Лян ва А. Мадаминовлар) унвони берилади
  • 1976-йил — “Ўзбекистон Республикасида хизмат кўрсатган жисмоний тарбия ва спорт ходими” унвони берилади (Қорақалпоғистондан биринчилардан бўлиб Ю. И. Кулаков, Э. Ф.Чалова мукофотланади).
  • 1974-йил — Қорақалпоғистон Республикасида биринчи ва ҳозирги кунгача ягона бўлган волейбол бўйича Бутуниттифоқ тоифали ҳакамлик унвони берилади.
  • 1994-йил — Досент илмий унвонини олади.

Нашр этилган китоблари

Кулаков спорт ва спортчилар тўғрисида учта китоб ёзади ва чоп этади.

  1. 2010-йил — „Энг яхши“ таниқли спортчилар ва мураббийлар Р.К. (ИСБН 978-9943-346-79-6)
  2. 2012-йил — “Қорақалпоғистонда волейбол” (қорақалпоқ ва рус тилларида)
  3. 2014-йил — “Ўзбекистонда волейбол”номли биринчи китоб 1925—1991-йилларни қамраб олади (В.Ф.Шведукс билан ҳаммуаллифликда ўзбек ва рус тилларида)

Ҳакамлик фаолияти

Ю.И.Кулаков умумиттифоқ тоифали ҳакам сифатида волейбол мусобақаларини бошқарган.

  • Москва шаҳридаги Бутунжаҳон Универсиадаси — 1973-йил
  • Иттифоқ мактаб ўқувчиларининг спартакиадаси
  1. Олмаота шаҳри, 1974-йил 
  2. Лвов шаҳри 1976-йил
  3. Тошкент шаҳри, 1978-йил
  4. Тошкент шаҳри, 1982-йил  
  • Волейбол бўйича аёллар жамоалари ўртасида Бутуниттифоқ ёшлар ўйинлари
  1. Даугавпилс шаҳри, Латвия, 1978-йил
  2. Даугавпилс шаҳри, Латвия, 1982-йил
  • СССР чемпиони унвони учун Россия ва Украина жамоалари ўртасидаги ўйин (3:0). Биринчи ҳакамлик сифатида фаолияти.
  1. Даугавпилс шаҳри, Латвия, 1982-йил
  • СССР халқлари спартакиадаси - эркак жамоалари
  1. Москва шаҳри, 1975-йил
  2. Москва шаҳри, 1979-йил

Юқоридаги барча мусобақаларда (Тошкент шаҳридан ташқари) Ўзбекистондан ягона ҳакам Й.И.Кулаков бўлади.

  • 1962-1982 йилларда биринчи ва олий лига эркак ва аёллар жамоалари ўртасидаги Иттифоқ чемпионатида ҳакамлик қилади.

Спорт фаолияти

Қорақалпоғистон терма жамоаси таркибида Ўзбекистон ССР чемпионатларида иштирок этган.

  • 1959-йилдан—1972-йилгача волейбол
  • 1959-йилдан—1967-йилгача баскетбол
  • 1960-йилдан — 1970-йилгача футбол

Ҳаволалар

"https://new.ziyosfera.uz/ziyo/Yuriy_Kulakov" dan olindi