Yuriy Plotnikov
Плотников Юрий Иванович (1937-йил 24-май, Самарқанд, Ўзбекистон ССР – 2008-йил 29-апрел, Москва, Россия Федерацияси) – рус ҳарбий қўмондони, генерал-полковник[1].
| Плотников Юрий Иванович | |
|---|---|
| Таваллуди |
24-май 1937-йил Самарқанд вилояти, Ўзбекистон ССР, СССР |
| Вафоти |
29-апрел 2008-йил (70 ёш) Москва, Россия Федерацияси |
| Фуқаролиги |
 СССР→ Россия |
| Хизматдаги йиллари | 1954-1997 |
| Унвони | Генерал-полковник |
| Мукофотлари |
 |
Биографияси
Плотников Юрий Иванович 1937-йил 24-майда Ўзбекистон ССР таркибидаги Самарқанд вилоятида хизматчи оиласида туғилади. Отаси 2-жаҳон урушида қатнашиб, ҳалок бўлади. Шундан сўнг, Юрий Платников ва унинг онаси бир муддат Тошкент ва Хўжанд шаҳарларида яшашади. 1951-йил ўрта мактабнинг 7-синфини тамомлайди. 1954-йилда 2-Москва ҳарбий академиясини тамомлайди. 1954-йил охирида Ишчи-деҳқонлар Қизил Армияси сафига қабул қилинади. СССР жанубий армиясининг 27-баталёни командири этиб тайинланади. Юрий Плотников 1959-йил Зерниский номидаги ҳарбий академиясига муваффақиятли қабул қилинади. 1963-йил у ерни олтин медал тамомлайди. 1969-йилдан шу ҳарбий академиянинг кадрлар бошқармаси катта офицери лавозимида, 1970-йил охиридан эса жанговар тайёргарлик бўлими бошлиғи лавозимида ишлади. У 1976-йил сентябрдан 1981-йил августгача 31-ракета армияси қўмондони биринчи ўринбосари сифатида ишлади. Юрий Плотников 1983-йил Ворошилов номидаги СССР Қуролли кучлари академиясини тамомлаб, шу ерда академия директори ўринбосари лавозимида иш бошлади.
1998-йил Россия Федерацияси Қуролли кучлари ҳарбий стратегия марказида ўз фаолиятини олиб борди. Худди шу йили ҳарбий фанлар доктори илмий даражасини, 1993-йилда профессор унвонини, 1995-йилда эса Россия фанлар академияси академиги даражаларига эришган. Плотников Юрий Иванович 2008-йил 29-апрелда узоқ ва оғир кечган касаллик сабаб вафот этди. У Москвадаги қабристонлардан бирига дафн этилган.
Ҳарбий унвонлари
- 1973-йилда полковник
- 1976-йил февралда генерал-маёр
- 1984-йил октябр ойида генерал-лейтенант
- 1990-йил 24-мартда генерал-полковник унвонларини олган[2].
Манбалар
- ↑ „ПЛОТНИКОВ ЮРИЙ ИВАНОВИЧ“. 2022-йил 26-январда асл нусхадан архивланган. Қаралди: 9-сентабр 2023-йил.
- ↑ „Плотников Юрий Иванович“. МинОборони Россия. Қаралди: 9-сентабр 2023-йил.