Ziyosfera

Zayniddin Tojiyev

(Zayniddin Tojievdan yoʻnaltirildi)

Зайниддин Тожиев (1977-йил 21-июнда туғилган) – ўзбекистонлик собиқ профессионал футболчи, ҳужумчи ампуласида ўйнаган. 2002—2010-йиллар оралиғида Ўзбекистон миллий футбол терма жамоаси таркибида 18 та ўйинда иштирок этган ва 3 та гол муаллифи бўлган[1][2].

Зайниддин Тожиев
Шахсий маълумот
Тўлиқ исми Зайниддин Фаҳриддинович Тожиев
Таваллуд санаси 1977-йил 21-июн (1977-06-21) (49 ёш)
Таваллуд жойи Ўзбекистон ССР, Совет Иттифоқи
Бўйи 1.85 м (6 фт 1 ин)
Амплуаси Ҳужумчи
Профессионал фаолияти*
Йиллар Жамоа Ишт. (Гол.)
2001 Академия Тошкент 33 (10)
2002—2004 Пахтакор Тошкент 85 (36)
2005 Эсил Богатйр 23 (1)
2006 Пахтакор Тошкент 44 (22)
2007 Саба Баттерй 10 (2)
2007—2009 Пахтакор Тошкент 56 (30)
2009 Тианжин Теда 13 (2)
2010 Шуртан Ғузор 8 (2)
2010 Ордабасй 6 (1)
2010 Пахтакор Тошкент 1 (0)
2011—2013 Локомотив Тошкент 42 (51)
2013 Нефтчи Фарғона 11 (1)
2014 Динамо Самарқанд 25 (2)
2015 Букҳара 6 (0)
Миллий терма жамоа
2002—2010 Ўзбекистон 18 (3)
*Профессионал клублардаги голлари (ички чемпионат)
(2015-йил 18-апрел учун)

Биографияси

Зайниддин кўп фарзандли оилада туғилган беш нафар фарзанднинг учинчисидир. Унинг икки акаси ўт ўчирувчи касбида ишлаган бўлса, икки укаси футболчилик фаолияти билан шуғулланишган. Зайниддин дастлаб икки акаси каби ўт ўчирувчи касбида ишлаган. Кейинчалик футболга бўлган қизиқиши устунлик қилган. Зайниддин футболдаги фаолиятини кечроқ, 24 ёшида бошлаган. Футбол мактабларида таълим олмаган ва ҳаваскорлар даражасида шуғулланиб, ўйнаб юрган. Илк бор 24 ёшида катта футболга Ўзбекистон Республикаси Ички ишлар вазирлиги қошидаги „Академия“ футбол клуби орқали кириб келган. "Академия" Олий лиганинг дебютант клуби бўлишига қарамасдан, 5-ўринни эгаллаган. Ўзининг дастлабки профессионал мавсумида 10 та гол урган. Мавсум давомида "Академия" клуби чемпионат етакчилардан бири — „Пахтакор“ жамоасини мағлуб этишида ҳисса қўшган. Мавсум якунида бир неча етакчи жамоалар Тожиевни ўз таркибига жалб этишга уриниб кўрган. Зайниддин „Пахтакор“ жамоаси билан шартнома имзолаган.

„Пахтакор“ жамоасида Зайниддин орада узилишлар билан, бир неча йиллар давомида ўйнаган. Икки бор мамлакат чемпиони ва икки бор мамлакат кубоги соҳиби бўлган. 2008-йилги мавсумда Сервер Жепаров 19 гол билан чемпионат тўпурари бўлганида, Зайниддин 17 та гол билан иккинчи бўлган. 2009-йилги мавсумда Осиё Чемпионлар лигаси турнирида 5 гол билан „Пахтакор“ жамоаси тўпурари бўлган. „Пахтакор“ жамоаси таркибида Осиё чемпионлар лигасида 13 та гол критган ҳолда, клубнинг тўпурари ҳисобланади.

2005-йилги мавсумда Қозоғистоннинг Петропавл шаҳри клуби „Есил-Богатир“, 2007-йил Эроннинг „Саба Баттери“, 2009-йил Хитойнинг „Тианжин Теда“, 2010-йил Қозоғистоннинг „Ордабаси“ клубларида фаолият олиб борган.

2011-йилги мавсумда Ўзбекистонга қайтган ва Ўзбекистон биринчи лигасида қатнашаётган Тошкентнинг „Локомотив“ клуби билан шартнома имзолаган. Локомотив жамоаси сафида мавсум давомида 30 гол билан Биринчи лига тўпурари бўлган. Тожиев 2012-йилги мавсумда 11 та гол урган ва бу йилда ҳам „Локомотив“ жамоасининг энг яхши тўпурари бўлган. 2013-йилда, „Локомотив“ сафида мавсумнинг биринчи ярмида 9 ўйинда иштирок этиб 4 та гол урган. 2013-йилги мавсумнинг иккинчи ярмида Фарғонанинг „Нефтчи“ жамоаси таркибида ўйнаган[3][4]. 2014-йилда Самарқанднинг „Динамо“ клубига ўтган[5][6]. 2015-йилнинг феврал ойида „Динамо“ жамоасини тарк этган ва „Бухоро“ клуби билан шартнома имзолаган[7].

Турли мусобақаларда 144 та гол муаллифи бўлган.

Терма жамоадаги фаолияти

Тожиев футбол бўйича Ўзбекистон миллий терма жамоаси сафида жами 18 та ўйинда майдонга тушган. Жаҳон чемпионати саралаш босқичидаги 7 та ўйинда иштирок этган. Терма жамоадаги фаолияти давомида жами 3 та гол муаллифи бўлган[8].

Миллий терма жамоа учун голлар

№ Сана Ўтказилган жой Рақиб Ҳисоб Натижа Мусобоқа
1. 14-май 2002 Преšов, Словакия  Словакия 4-1 Мағлубият Ўртоқлик
2. 28-май 2004 Боку, Озарбайжон  Озарбайжон 3-1 Мағлубият Ўртоқлик
3. 22-март 2008 Тошкент, Ўзбекистон  Иордания 4-1 Ғалаба Ўртоқлик

Футболчилик фаолиятини тугатгач Одил Аҳмедов асос солган „Одил жуниор“ болалар футбол академиясида 2008-йилда туғилган болаларга устозлик қилган. 2021-йилда Ўзбекистон У-15 терма жамоасини бошқарган[9].

Ютуқлари

  • Ўзбекистон чемпиони: 2002, 2003, 2004, 2006.
  • Ўзбекистон чемпионати иккинчи ўрин: 2008, 2009, 2010.
  • Ўзбекистон кубоги соҳиби: 2002, 2003, 2004, 2006, 2009[10]
  • Осиё Чемпионлар Лигаси ярим финалчиси - 2003, 2004.

Шахсий ютуқлар

Манбалар

  1. ↑ „Юлдуз футболчилар неча ёшидан профессионал фаолиятини бошлашган?“. 2023-йил 4-июнда асл нусхадан архивланган. Қаралди: 2023-йил 4-июн.
  2. ↑ „Ёшлигида ўт ўчирувчи бўлишни хоҳлаган Зайниддин Тожиэв 43 ёшга тўлди“. 2023-йил 4-июнда асл нусхадан архивланган. Қаралди: 2023-йил 4-июн.
  3. ↑ „Зайниддин Тожиэв "Нефтчи" билан шартнома тузди“. 2023-йил 4-июнда асл нусхадан архивланган. Қаралди: 2023-йил 4-июн.
  4. ↑ „Зайниддин Тожиэв олий лигада бешинчи клуб сафида гол урди“. 2023-йил 4-июнда асл нусхадан архивланган. Қаралди: 2023-йил 4-июн.
  5. ↑ „Зайниддин Тожиэв "Динамо" билан шартнома тузди“. 2023-йил 4-июнда асл нусхадан архивланган. Қаралди: 2023-йил 4-июн.
  6. ↑ „Мухлисларга сўз берган Зайниддин Тожиэв“. 2023-йил 4-июнда асл нусхадан архивланган. Қаралди: 2023-йил 4-июн.
  7. ↑ „Зайниддин Тожиэв "Бухоро"да кўрикдан ўтмоқда“. 2023-йил 4-июнда асл нусхадан архивланган. Қаралди: 2023-йил 4-июн.
  8. ↑ Зайнтдин Таджиев – ФИФА мусобақаларидаги натижалари (архивланган)
  9. ↑ „Эшитдик-да: Тожиэв 2007, Мирзааҳмедов 2008-йилда туғилган футболчилардан иборат терма жамоаларга бош мураббий бўлади“. 2023-йил 4-июнда асл нусхадан архивланган. Қаралди: 2023-йил 4-июн.
  10. ↑ „Ўзбекистон кубоги финалларидаги юбилей голларни кимлар урган?“. 2023-йил 4-июнда асл нусхадан архивланган. Қаралди: 2023-йил 4-июн.
  11. ↑ „Йилнинг "энг яхши ёшлар мураббийи" - Зайниддин Тожиэв“. 2023-йил 4-июнда асл нусхадан архивланган. Қаралди: 2023-йил 4-июн.


Ҳавоалар

"https://new.ziyosfera.uz/ziyo/Zayniddin_Tojiyev" dan olindi