Ziyosfera

İmran Qarayev

İmran Qarayev Salim oʻgʻli (2005-yil 6-avgust (2005-08-06) (21 yosh), Boku, Ozarbayjon) — ozarbayjonlik oʻq otuvchi sportchi[1].

Hayoti

Imran Qarayev 2005-yilda Boku shahrida tugʻilgan. Uch farzandli oilada oʻrtancha farzand.

Imran Qarayev musobaqa vaqtida

Taʼlimi va karyerasi

Imran Qarayev bolaligidan qurollarga qiziqish bildirgan. Oʻsmirlik davrida shunday sport turi mavjudligini oʻrgangach, ushbu faoliyatga yoʻnaltirilgan. 2016-yilda professional sportchi sifatidagi karyerasini boshlagan. Dastlabki vaqtlardan boshlab „Neftçi“ sport klubi sharafini himoya qiladi. 2024-yildan Respublika stenddan oʻq otish sport maktabi (RSAİM) nomidan ham ishtirok etmoqda[2].

Oʻrta maktabning 11-sinfini bitirgandan soʻng Ozarbayjon Respublikasi Ichki qoʻshinlarining sport jamoasida harbiy xizmatni oʻtagan.

2017-yildan boshlab oʻq otish boʻyicha Ozarbayjon milliy terma jamoasi safida ishtirok etib keladi. Koʻplab mahalliy turnirlar bilan bir qatorda xalqaro musobaqalarda ham qatnashib, Ozarbayjon sharafini himoya qiladi. 2024-yilda Peruning Lima shahrida boʻlib oʻtgan ISSF U21 Jahon chempionatida FPMJ yoʻnalishi boʻyicha oltin medalni qoʻlga kiritib, oʻq otish sportida Ozarbayjonning ilk jahon chempioni boʻldi[3][4].

Jahon chempionligidan soʻng, 2025-yilda Ozarbayjon Sport akademiyasiga davlat buyurtmasi asosida oʻqishga kirdi va hozirda u yerda tahsil olmoqda.

Hozirda sport ustasi nomzodi hisoblanadi. Ozarbayjonda oʻq otish sportining RFPM turi boʻyicha 556 reyting bali bilan 2-oʻrinni, APM turi boʻyicha esa 562 reyting bali bilan 8-oʻrinni egallab turibdi.

Ishtirok etgan musobaqalari va yutuqlari

Imran Qarayev turli turnirlarda APM, APMIX, APMJ, APTEAMM, APTMJ, FPM, FPMJ, RFPM, RFPMJ, SPMJ turlari boʻyicha ishtirok etadi:

ISSF Jahon chempionati

Yil Turnir Joy Tur Musobaqa Oʻrin Ball Manba
2022 ISSF World Championship Rifle / Pistol  Misr Qohira FPMJ Yosh erkak merganlar (21 yoshgacha) oʻrtasida 50 metr masofaga erkin toʻpponchadan oʻq otish 12 506 [5]
APTMJ Yosh erkak merganlardan (21 yoshgacha) iborat jamoalar oʻrtasida 10 metr masofaga pnevmatik toʻpponchadan oʻq otish 12 830

ISSF U21 Jahon chempionati

2023 va 2024-yillarda oʻq otish boʻyicha Ozarbayjon milliy terma jamoasi tarkibida ISSF Yoshlar oʻrtasidagi Jahon chempionatida ishtirok etgan. 2024-yilda Peru poytaxti Lima shahrida boʻlib oʻtgan Yoshlar oʻrtasidagi Jahon chempionatida 21 yoshgacha boʻlgan erkak merganlar oʻrtasida 50 metr masofaga erkin toʻpponchadan oʻq otish (FPMJ) turi boʻyicha 552 ball bilan jahon chempioni boʻldi[6]

Yil Turnir Joy Tur Musobaqa Oʻrin Ball Manba
2023 ISSF Junior World Championship All Events  Janubiy KoreyaChhanvon FPMJ Yosh erkak merganlar (21 yoshgacha) oʻrtasida 50 metr masofaga erkin toʻpponchadan oʻq otish 18 525

ISSF Jahon kubogi

Yil Turnir Joy Tur Musobaqa Oʻrin Ball Manba
2024 ISSF World Cup 10m Juniors WC 10m Rifle / Pistol  Ispaniya Granada APMJ Yosh erkak merganlar (21 yoshgacha) oʻrtasida 10 metr masofaga pnevmatik toʻpponchadan oʻq otish 13 562

Yevropa chempionati

Yil Turnir Joy Tur Musobaqa Oʻrin Ball Manba
2023 European Championship 10m  Estoniya Tallin APTMJ Yosh erkak merganlardan (21 yoshgacha) iborat jamoalar oʻrtasida 10 metr masofaga pnevmatik toʻpponchadan oʻq otish 6 843

Boshqa xalqaro turnirlar

Yil Turnir Joy Tur Musobaqa Oʻrin Ball Manba
2024 Xalqaro turnir  Serbiya Smederevo APTEAMM Erkaklardan iborat milliy jamoalar oʻrtasida 10 metr masofaga pnevmatik toʻpponchadan oʻq otish 1 1705 [7].
APM Erkaklar oʻrtasida 10 metr masofaga pnevmatik toʻpponchadan oʻq otish 3 568 [8][9].
Walther Youth Cup  Serbiya Smederevo APM Erkaklar oʻrtasida 10 metr masofaga pnevmatik toʻpponchadan oʻq otish 9 562

Ozarbayjon chempionati

Imran Qarayev 2018–2026-yillarda oʻtkazilgan Ozarbayjon birinchiligi va Mamlakat chempionatlarida AP, APM, APMIX, APMT, FPM, RFPM turlari boʻyicha ishtirok etgan. 2018-yilda APM, 2022-yilda APMIX, 2026-yilda AMPT idman turlari boʻyicha mamlakat chempioni, 2019-yilda APM, 2023-yilda FPM, 2025 va 2026-yillarda RFPM turi boʻyicha esa ikkinchi oʻrinni egallagan[10][11][12][13].

Ozarbayjon kubogi

2018, 2024, 2025-yillarda Ozarbayjon kubogida APM turi boʻyicha ishtirok etib, 2018-yilda 540 ball bilan oltin medalga, 2024-yilda esa 558 ball bilan kumush medalga sazovor boʻldi.

Federatsiya kubogi

2022, 2024, 2025, 2026-yillarda oʻtkazilgan Federatsiya kuboklarida AP, APM, APMIX, APMT, FP, FPM, RFPM turlari boʻyicha ishtirok etgan. 2026-yilda Haydar Aliyev xotirasiga bagʻishlangan Federatsiya kubogida AP idman turi boʻyicha 565 ball, RFPM turi boʻyicha esa 558 ball toʻplab, birinchi oʻrinni egalladi. Ushbu turnirda FP turida 540 ball bilan, 2022-yilda esa APM turi boʻyicha 565 ball bilan bronza medalini qoʻlga kiritgan.

Boku chempionati

2018, 2019, 2022-yillarda Boku birinchiligida, 2025, 2026-yillarda Boku chempionatida ishtirok etgan va APM sport turi boʻyicha 2018-yilda oltin, 2019 hamda 2022-yillarda bronza medalini qoʻlga kiritgan.

Boku kubogi

2022-yilda Boku kubogida ishtirok etgan, FPM turida 531 ball bilan kumush medal sohibiga aylangan.

Boshqa mahalliy turnirlar

2022-yilda Gʻalaba kubogida (Zəfər Kuboku) APM turida 566 ball toʻplab bronza, 2023-yilda esa Ziyo Bunyodov xotirasiga bagʻishlangan turnirda aynan shu yoʻnalishda 562 ball bilan oltin medalni qoʻlga kiritgan.

Medallari

Turnir Oltin Kumush Bronza Jami
ISSF U21 Jahon chempionati 1

Manbalar

  1. ↑ [[1](https://baku.tv/idman/aticimiz-imran-qarayev-dunya-cempionatinin-qizil-medalini-qazanib) „Atıcımız İmran Qarayev dünya çempionatının qızıl medalını qazanıb“] (az). baku.tv. Qaraldi: 2026-yil 14-avgust.
  2. ↑ [[2](https://results.aze-shooting.org/public/athletes/SHAZEM0608200501?q=%C4%B0mran) „Qarayev İmran“]. Azərbaycan Atıcılıq Federasiyası. Qaraldi: iyul 2026.
  3. ↑ [[3](https://oxu.az/idman/azerbaycanin-gulle-aticisi-imran-qarayev-dunya-cempionu-oldu) „Azərbaycanın güllə atıcısı İmran Qarayev dünya çempionu oldu“] (az). Oxu.az (2024-yil 6-oktyabr). Qaraldi: 2026-yil 13-avgust.
  4. ↑ [[4](https://report.az/ferdi/ferid-qayibov-gimnaziadada-qazanilan-netice-yeniyetme-idmanimizin-gostericisidir) „Fərid Qayıbov: "Gimnaziadada qazanılan nəticə yeniyetmə idmanımızın göstəricisidir"“] (az). Report İnformasiya Agentliyi (2024-yil 4-noyabr). Qaraldi: 2026-yil 14-avgust.
  5. ↑ [[5](https://www.issf-sports.org/athletes/SHAZEM0608200501) „ISSF - International Shooting Sport Federation“]. www.issf-sports.org. Qaraldi: 2026-yil 13-avgust.
  6. ↑ [[6](https://report.az/ferdi/azerbaycan-aticilari-dunya-cempionatinda-istirak-edecekler) „Azərbaycan atıcıları dünya çempionatında iştirak edəcəklər“] (az). Report İnformasiya Agentliyi (2024-yil 25-sentyabr). Qaraldi: 2026-yil 14-avgust.
  7. ↑ [[7](https://report.az/futbol-xeberleri/azerbaycanin-gulle-aticilari-serbiyadaki-turniri-bes-medalla-basa-vurublar) „Azərbaycanın güllə atıcıları Serbiyadakı turniri beş medalla başa vurublar“] (az). Report İnformasiya Agentliyi (2024-yil 23-noyabr). Qaraldi: 2026-yil 14-avgust.
  8. ↑ [[8](https://report.az/ferdi/azerbaycanin-gulle-aticisi-serbiyadaki-qran-pride-burunc-medal-qazanib) „Azərbaycanın güllə atıcısı Serbiyadakı Qran-pridə bürünc medal qazanıb“] (az). Report İnformasiya Agentliyi (2024-yil 23-noyabr). Qaraldi: 2026-yil 14-avgust.
  9. ↑ [[9](https://report.az/ferdi/azerbaycanin-gulle-aticisi-butun-turnirlerden-medalla-qayitmagi-bacaririq) „Azərbaycanın güllə atıcısı: "Bütün turnirlərdən medalla qayıtmağı bacarırıq"“] (az). Report İnformasiya Agentliyi (2024-yil 25-noyabr). Qaraldi: 2026-yil 14-avgust.
  10. ↑ [[10](https://report.az/ferdi/gulle-ve-stend-aticiligi-uzre-azerbaycan-cempionatinin-qalibleri-mueyyenlesib) „Güllə və stend atıcılığı üzrə Azərbaycan çempionatının qalibləri müəyyənləşib“] (az). Report İnformasiya Agentliyi (2023-yil 9-oktyabr). Qaraldi: 2026-yil 14-avgust.
  11. ↑ [[11](https://report.az/ferdi/gulle-aticiligi-uzre-azerbaycan-cempionatinin-qalibleri-mueyyenlesib) „Güllə atıcılığı üzrə Azərbaycan çempionatının qalibləri müəyyənləşib“] (az). Report İnformasiya Agentliyi (2025-yil 5-sentyabr). Qaraldi: 2026-yil 14-avgust.
  12. ↑ [[12](https://report.az/ferdi/aticiliq-uzre-azerbaycan-cempionatinin-qalibleri-belli-olub) „Atıcılıq üzrə Azərbaycan çempionatının qalibləri bəlli olub“] (az). Report İnformasiya Agentliyi (2025-yil 7-sentyabr). Qaraldi: 2026-yil 14-avgust.
  13. ↑ [[13](https://report.az/ferdi/gulle-aticiligi-uzre-azerbaycan-birinciliyinin-qalibleri-mueyyenlesib) „Güllə atıcılığı üzrə Azərbaycan birinciliyinin qalibləri müəyyənləşib“] (az). Report İnformasiya Agentliyi (2026-yil 6-iyul). Qaraldi: 2026-yil 14-avgust.

Tashqi havolalar

 
"https://new.ziyosfera.uz/ziyo/%C4%B0mran_Qarayev" dan olindi