İslam İslamzadə
İslam Məmməd oğlu İslamzadə — Ozarbayjon muhandisi va davlat arbobi, Mingechaur GES qurilishi rahbari, RSFSR xizmat koʻrsatgan quruvchisi.
| İslam Məmməd oğlu İslamzadə | |
|---|---|
 | |
| SSSR Vazirlar Soveti huzuridagi Ozarbayjon SSR Vazirlar Sovetining doimiy vakili | |
|
Mansab davri 1957 – 1959 | |
| Oʻtmishdoshi | Həsən Seyidov |
| Ozarbayjon SSR Vazirlar Soveti raisining oʻrinbosari | |
|
Mansab davri 1947-yil 24-mart – 1949-yil 7-fevral | |
| Hukumat boshligʻi | Teymur Quliyev |
| Ozarbayjon SSR Xalq Komissarlari Soveti raisining oʻrinbosari | |
|
Mansab davri 1940-yil 24-sentyabr – 1942 | |
| Hukumat boshligʻi | Teymur Quliyev |
| Ozarbayjon SSR Vazirlar Soveti raisining birinchi oʻrinbosari | |
|
Mansab davri 1942 – 1947-yil 24-mart | |
| Hukumat boshligʻi | Teymur Quliyev |
| Ozarbayjon SSR Davlat rejalashtirish qoʻmitasi raisi | |
|
Mansab davri 1938-yil 5-may – 1942 | |
| Vorisi | Geğam Antelepyan |
| Shaxsiy maʼlumotlari | |
| Tavalludi |
1910 Boku |
| Vafoti |
1998-yil 30-avgust Moskva |
| Siyosiy partiyasi | Butunittifoq Kommunistik (bolsheviklar) partiyasi |
| Alma mater | Leningrad sanoat instituti |
| Kasbi | Muhandis va davlat arbobi |
| Dafn etilgan joyi | Kuntsevo qabristoni |
| Unvoni | RSFSR xizmat koʻrsatgan quruvchisi |
Hayoti
İslam Məmməd oğlu İslamzadə 1910-yilda Boku shahrida dehqon oilasida tugʻilgan. Yoshligida maktab taʼlimini chala qoldirib, "Qırmızı oktyabr" ("Qizil oktyabr") tamaki fabrikasida ishlagan, keyinroq esa elektr mexanigi ixtisosligi boʻyicha texnikumda taʼlim olgan. 17 yoshida komsomol tashkilotiga aʼzo boʻlgan. 1931-yilda Butunittifoq Kommunistik (bolsheviklar) partiyasi aʼzoligiga qabul qilingan va tamaki fabrikasi partiya qoʻmitasi yoʻllanmasi bilan Leningrad sanoat institutiga oʻqishga yuborilgan[1].
1937-yilda taʼlimni yakunlagach, Leningraddan Bokuga qaytgan İslam İslamzadə Ozarbayjon SSR Davlat rejalashtirish qoʻmitasi raisining oʻrinbosari, keyinroq esa raisi lavozimiga tayinlangan. 1940-yilda parallel ravishda Ozarbayjon SSR Xalq Komissarlari Soveti raisining oʻrinbosari, 1942-yilda esa birinchi oʻrinbosari etib tasdiqlangan.[1]
İslam İslamzadə Mingechaur shahrining qurilishiga rahbarlik qilgan. Uning bevosita ishtirokida Ozarbayjonning oʻsha davrdagi eng yirik qurilishlari — Mingechaur gidroelektrostansiyasi, Dashkasan konlari loyihalarining tayyorlanishi, shuningdek, Sumqayitda yangi sanoat markazining yaratilishi amalga oshirilgan.[2]
1955-yilda İslam İslamzadə Rossiyaning Krasnoyarsk oʻlkasiga yuborilgan va bu yerda dunyodagi eng yirik gidroelektrostansiyalardan biri boʻlgan Krasnoyarsk GES qurilishida ishtirok etgan. 1957-yilda SSSR Vazirlar Soveti huzuridagi Ozarbayjon SSR Vazirlar Sovetining doimiy vakili etib tayinlangan va 1959-yilgacha shu lavozimda ishlagan. 1960-yilda Birlashgan Arab Respublikasida Asuan gidroelektr majmuasi qurilishi boʻyicha SSSR Elektr stansiyalari qurilishi vazirligining "Asuanspetsstroy" boshqarmasi rahbarining birinchi oʻrinbosari va rahbari lavozimlarida mehnat qilgan. 1970-yildan SSSR Energetika va elektrlashtirish vazirligining yangi tashkil etilgan "Glavzagrenergo" boshqarmasi rahbari, 1975–1985-yillarda esa Butunittifoq "Zarubejenergostroymontaj" birlashmasi rahbarining birinchi oʻrinbosari hamda rahbari vazifalarida ishlagan. 1985-yildan ittifoq ahamiyatiga ega bo'lgan shaxsiy nafaqaxoʻr boʻlgan.
İslam İslamzadə 1998-yil 30-avgustda Moskvada vafot etgan va Kuntsevo qabristoniga dafn qilingan. Mingechaur shahrida uning nomida koʻcha mavjud.
Asarlari
- Ислам-Заде, Ислам Мамедович. Подвиг на Ниле [Текст] : (Справка) / И. М. Ислам-Заде, М. Г. Эпштейн ; Моск. гор. отд-ние о-ва "Знание" РСФСР и группа членов о-ва Гос. производств. ком. по энергетике и электрификации СССР. — Москва : [б. и.], 1964. — 18 с.; 29 см.(rus.)
- Ислам-Заде, Ислам Мамедович. Асуан — символ советско-арабской дружбы [Текст] / И. М. Ислам-Заде, М. Г. Эпштейн. — Москва : [Знание], 1965. — 24 с. : схем.; 20 см.(rus.)