AA-lava

АА-лава (Гавайи оролларидаги лаваларнинг бир тури) — алоҳида бўлаклардан ташкил топган вулканик лава оқими. Юзаси бир неча бўлаклардан тузилган бўлиб, нотекис, ўртача ва паст ёпишқоқликка эга базалт лаваларига хос. Тўлқинсимон лавалар билан бирга баъзи бир оцим таркибида учрайди, улардан қалинлиги (4,5—6,0 метргача) билан фарқланади. Бўлакларининг кўндаланг кесими одатда 1–1,5 метрга етади. Гавайи ороллари ва Исландияда кўп учрайди. У жойлардаги бундай лава оқмалари аналхраун номи билан машҳур. Кўпчилик олимлар АА-лавани турлича ном билан аташни тавсия этганлар. Масалан, Швейсария вулқоншуноси Риттманн „бўлакланган лава“, Жаггар эса „афролит“ деб аташни тавсия қилганлар.

АА-лава