AJ Ginnis
Aleksandros Ioannis „AJ“ Ginnis (yunoncha: Александрос Иоаннис Гиннис; 1994-yil 17-noyabrda tugʻilgan)[1] – yunon-amerikalik togʻ changʻisi sportchisi. Ginnis texnik turlarga, xususan, slalomga ixtisoslashgan.
| AJ Ginnis | |
|---|---|
 AJ Ginnis 2017-yilda | |
| Shaxsiy maʼlumotlari | |
| Jinsi | Erkak |
| Tavallud paytidagi ismi | Αλέξανδρος Ιωάννης Γκιννής (yunon tili) |
| Tavallud sanasi |
1994-yil 17-noyabr Afina, Gretsiya |
| Boʻyi | 1.80 m |
| Sport | |
| Mamlakat | AQSh |
| Qaysi sport | togʻ changʻi sporti |
| Pozitsiyasi | slalom |
Hayoti
Yunonistonning Afina shahrida tugʻilgan Aleksandros Ioannis Ginnis dengiz boʻyidagi Vuliagmeni chekka tumanida ulgʻaygan. Uning otasi changʻi maktabini boshqargan va u yerda boʻlajak rafiqasi bilan tanishgan. Aleksandros ikki yoshida Parnas togʻida changʻi uchishni boshlagan. U oʻn ikki yoshga kirganda, oilasi Avstriyaga koʻchib oʻtgan. Ana shu paytda yosh sportchi oʻzining maroqli mashgʻulotini kelajakdagi kasbiga aylantirishga qaror qilgan. Ginnis oʻn besh yoshida oilasi bilan AQShga koʻchib borgan va u yerda Green Mountain Valley maktabiga, Vermont shtatida oʻqishga kirgan. Ikki yil oʻtgach, u AQSh changʻi terma jamoasi aʼzosiga aylangan[2].
Faoliyati
Oʻn yetti yoshida, 2012-yil bahorida Ginnis AQSh changʻi terma jamoasiga qabul qilingan. Keyingi mavsumda uning PKVsi (oldingi xochsimon bogʻlam shikastlanishi) uzilib ketganiga qaramay, u yuqori darajaga koʻtarila oldi va 2014-yil 22-dekabrda Madonna-di-Kampilo (Italiya)dagi slalom musobaqasida Jahon kubogidagi debyutini amalga oshirdi. Oʻsha mavsumning keyingi qismida Ginnis Norvegiyadagi Hafjell kurortida oʻtkazilgan yoshlar oʻrtasidagi jahon chempionatidagi slalomda bronza medalini qoʻlga kiritdi va Yevropa kubogi, NorAm va milliy chempionat musobaqalarida peshqadamlik va gʻalabalarga erishib, reytingda yuqori darajaga koʻtarilishda davom etdi.
2016-yil 22-dekabrda Ginnis Jahon kubogida ilk bor ochko toʻpladi va Madonna-di-Kampilodagi slalomda 26-oʻrinni egalladi. 2017-yilgi mavsumda u Shveytsariyaning Sankt-Morits shahrida boʻlib oʻtgan jahon chempionatida AQSh terma jamoasi sharafini himoya qilish uchun saralashdan oʻtdi[3][4].
U faoliyati davomida jarohatlardan jiddiy zarar koʻrgan, chunki u bir tizzasiga besh martadan ortiq jarrohlik amaliyoti qildirishga majbur boʻlgan. Tizza jarohatlari uni 2018 va 2019-yil mavsumlarida musobaqalarda ishtirok etishiga toʻsqinlik qildi. 2020-yil mavsumida Ginnis Dartmut kolleji safida ishtirok etar ekan, AQShning Jahon kubogi terma jamoasiga qayta saralashdan oʻtdi.
2021-yil 17-yanvarda Ginnis Gretsiya uchun Jahon kubogi ochkolarini qoʻlga kiritgan birinchi yunon togʻ changʻichisi boʻldi – u Flachau (Avstriya)dagi slalomda 11-oʻrinni egalladi. Ellin olimpiya terma jamoasi uni Gretsiyada ushbu sport turi rivojiga qoʻshgan hissasi uchun olqishladi.
Ginnis oʻzining ilk Jahon kubogi peshqadamlar qatoridagi natijasini 2023-yil 4-fevralda Chamonix (Fransiya)dagi slalomda ikkinchi oʻrinni egallab qoʻlga kiritdi. Shu ikkinchi oʻrin Ginnisni Jahon kubogi togʻ changʻisi musobaqasida peshqadamlar uchligidan joy olgan tarixdagi birinchi yunon changʻichisiga aylantirdi. Ikki hafta oʻtib, Kurshovelda boʻlib oʻtgan jahon chempionatida u slalom yoʻnalishida kumush medalni qoʻlga kiritdi.
Jahon kubogi natijalari
Mavsum yakunlari
| Mavsum | Yosh | Umumiy | Slalom | Ulkan slalom |
Super-G | Tushish | Kombinatsiya |
|---|---|---|---|---|---|---|---|
| 2017 | 22 | 153 | 59 | — | — | — | — |
| 2018 | 23 | ||||||
| 2019 | 24 | ||||||
| 2020 | 25 | ||||||
| 2021 | 26 | 113 | 38 | – | – | – | — |
| 2022 | 27 | ||||||
| 2023 | 28 | 70 | 23 | — | — | — | |
| 2024 | 29 | 113 | 23 | — | — | — | |
- 2024-yil 24-yanvar holatiga koʻra mavsum yakunlari
Musobaqalardagi peshqadamliklar
- 0 ta gʻalaba
- 1 ta peshqadamlik – (1 SL); 2 marta kuchli oʻnlikda (2 SL)
| Mavsum | Sana | Joylashuv | Yoʻnalish | Oʻrin |
|---|---|---|---|---|
| 2023 | 4-fevral 2023 |  Chamonix, Fransiya |
Slalom | 2-oʻrin |
Jahon chempionati natijalari
| Yil | Yosh | Slalom | Gigant slalom |
Super-G | Tushish | Kombinatsiya | Parallel | Jamoaviy musobaqa |
|---|---|---|---|---|---|---|---|---|
| 2017 | 22 | – | – | – | – | – | — | 9 |
| 2021 | 26 | DNF2 | – | – | – | – | – | — |
| 2023 | 28 | 2 | – | – | – | – | – | — |
Manbalar
- ↑ „FIS profile“. Fis-ski.com. Qaraldi: 2016-yil 23-dekabr.
- ↑ AJ Ginnis | U. S. Ski Team – Alpine
- ↑ „Men's Slalom – Madonna di Campiglio (ITA)second run. - 1st Run“. Qaraldi: 2014-yil 22-dekabr.
- ↑ „Men's Slalom – Madonna di Campiglio (ITA) - Official Results“. Qaraldi: 2014-yil 22-dekabr.