AJ Ginnis
Александрос Иоаннис „АЖ“ Гиннис (юнонча: Александрос Иоаннис Гиннис; 1994-йил 17-ноябрда туғилган)[1] – юнон-америкалик тоғ чанғиси спортчиси. Гиннис техник турларга, хусусан, слаломга ихтисослашган.
| АЖ Гиннис | |
|---|---|
 АЖ Гиннис 2017-йилда | |
| Шахсий маълумотлари | |
| Жинси | Эркак |
| Таваллуд пайтидаги исми | Αλέξανδρος Ιωάννης Γκιννής (юнон тили) |
| Таваллуд санаси |
1994-йил 17-ноябр Афина, Греция |
| Бўйи | 1.80 м |
| Спорт | |
| Мамлакат | АҚШ |
| Қайси спорт | тоғ чанғи спорти |
| Позицияси | слалом |
Ҳаёти
Юнонистоннинг Афина шаҳрида туғилган Александрос Иоаннис Гиннис денгиз бўйидаги Вулиагмени чекка туманида улғайган. Унинг отаси чанғи мактабини бошқарган ва у ерда бўлажак рафиқаси билан танишган. Александрос икки ёшида Парнас тоғида чанғи учишни бошлаган. У ўн икки ёшга кирганда, оиласи Австрияга кўчиб ўтган. Ана шу пайтда ёш спортчи ўзининг мароқли машғулотини келажакдаги касбига айлантиришга қарор қилган. Гиннис ўн беш ёшида оиласи билан АҚШга кўчиб борган ва у ерда Греэн Моунтаин Валлей мактабига, Вермонт штатида ўқишга кирган. Икки йил ўтгач, у АҚШ чанғи терма жамоаси аъзосига айланган[2].
Фаолияти
Ўн етти ёшида, 2012-йил баҳорида Гиннис АҚШ чанғи терма жамоасига қабул қилинган. Кейинги мавсумда унинг ПКВси (олдинги хочсимон боғлам шикастланиши) узилиб кетганига қарамай, у юқори даражага кўтарила олди ва 2014-йил 22-декабрда Мадонна-ди-Кампило (Италия)даги слалом мусобақасида Жаҳон кубогидаги дебютини амалга оширди. Ўша мавсумнинг кейинги қисмида Гиннис Норвегиядаги Ҳафжелл курортида ўтказилган ёшлар ўртасидаги жаҳон чемпионатидаги слаломда бронза медалини қўлга киритди ва Европа кубоги, НорАм ва миллий чемпионат мусобақаларида пешқадамлик ва ғалабаларга эришиб, рейтингда юқори даражага кўтарилишда давом этди.
2016-йил 22-декабрда Гиннис Жаҳон кубогида илк бор очко тўплади ва Мадонна-ди-Кампилодаги слаломда 26-ўринни эгаллади. 2017-йилги мавсумда у Швейцариянинг Санкт-Мориц шаҳрида бўлиб ўтган жаҳон чемпионатида АҚШ терма жамоаси шарафини ҳимоя қилиш учун саралашдан ўтди[3][4].
У фаолияти давомида жароҳатлардан жиддий зарар кўрган, чунки у бир тиззасига беш мартадан ортиқ жарроҳлик амалиёти қилдиришга мажбур бўлган. Тизза жароҳатлари уни 2018 ва 2019-йил мавсумларида мусобақаларда иштирок этишига тўсқинлик қилди. 2020-йил мавсумида Гиннис Дартмут коллежи сафида иштирок этар экан, АҚШнинг Жаҳон кубоги терма жамоасига қайта саралашдан ўтди.
2021-йил 17-январда Гиннис Греция учун Жаҳон кубоги очколарини қўлга киритган биринчи юнон тоғ чанғичиси бўлди – у Флачау (Австрия)даги слаломда 11-ўринни эгаллади. Эллин олимпия терма жамоаси уни Грецияда ушбу спорт тури ривожига қўшган ҳиссаси учун олқишлади.
Гиннис ўзининг илк Жаҳон кубоги пешқадамлар қаторидаги натижасини 2023-йил 4-февралда Чамоних (Франсия)даги слаломда иккинчи ўринни эгаллаб қўлга киритди. Шу иккинчи ўрин Гиннисни Жаҳон кубоги тоғ чанғиси мусобақасида пешқадамлар учлигидан жой олган тарихдаги биринчи юнон чанғичисига айлантирди. Икки ҳафта ўтиб, Куршовелда бўлиб ўтган жаҳон чемпионатида у слалом йўналишида кумуш медални қўлга киритди.
Жаҳон кубоги натижалари
Мавсум якунлари
| Мавсум | Ёш | Умумий | Слалом | Улкан слалом |
Супер-Г | Тушиш | Комбинация |
|---|---|---|---|---|---|---|---|
| 2017 | 22 | 153 | 59 | — | — | — | — |
| 2018 | 23 | ||||||
| 2019 | 24 | ||||||
| 2020 | 25 | ||||||
| 2021 | 26 | 113 | 38 | – | – | – | — |
| 2022 | 27 | ||||||
| 2023 | 28 | 70 | 23 | — | — | — | |
| 2024 | 29 | 113 | 23 | — | — | — | |
- 2024-йил 24-январ ҳолатига кўра мавсум якунлари
Мусобақалардаги пешқадамликлар
- 0 та ғалаба
- 1 та пешқадамлик – (1 СЛ); 2 марта кучли ўнликда (2 СЛ)
| Мавсум | Сана | Жойлашув | Йўналиш | Ўрин |
|---|---|---|---|---|
| 2023 | 4-феврал 2023 |  Чамоних, Франсия |
Слалом | 2-ўрин |
Жаҳон чемпионати натижалари
| Йил | Ёш | Слалом | Гигант слалом |
Супер-Г | Тушиш | Комбинация | Параллел | Жамоавий мусобақа |
|---|---|---|---|---|---|---|---|---|
| 2017 | 22 | – | – | – | – | – | — | 9 |
| 2021 | 26 | ДНФ2 | – | – | – | – | – | — |
| 2023 | 28 | 2 | – | – | – | – | – | — |
Манбалар
- ↑ „ФИС профиле“. Фис-ски.cом. Қаралди: 2016-йил 23-декабр.
- ↑ АЖ Гиннис | У. С. Ски Теам – Алпине
- ↑ „Мен'с Слалом – Мадонна ди Cампиглио (ИТА)сеcонд рун. - 1ст Рун“. Қаралди: 2014-йил 22-декабр.
- ↑ „Мен'с Слалом – Мадонна ди Cампиглио (ИТА) - Оффиcиал Ресулц“. Қаралди: 2014-йил 22-декабр.