Aaron Alfandari
Аарон бен Мосес Алфандари (тахминан 1700 — 1774-йил, Хевронда) (ибронийча: אהרן אלפנדארי) Смирнада туғилган Талмудшунос ёзувчидир. У қарилик чоғида Исроил юртига (ўша пайтда Усмонли Сурияси) ҳижрат қилади ва у ерда CҲИДА номи билан танилган Хайим Ёсеф Довид Азулай билан учрашади. CҲИДА ўзининг Шем ҲаГедолим китобида „Муқаддас Хеврон шаҳрида, шайхнинг қарилик чоғида у зот билан учрашиш, унинг нуридан баҳраманд бўлиш бахтига муяссар бўлдим…“ деб ёзади[1]. Раббон Алфандари CҲИДА томонидан унга хорижий мамлакатларда яҳудий жамоасини вакиллик қилиш ваколатини берувчи ҳужжатларга имзо чеккан биринчи шахс бўлган[2]. CҲИДА уни Хеврондаги қадимги яҳудий қабристонида дафн этилган донишмандлар қаторида санаб ўтади. Бугунги кунда қабристондаги лавҳада унинг исми рўйхатда кўрсатилган бўлса-да, айнан қайси қабр унга тегишли экани Иордания бошқаруви даврида йўқолиб кетган[3].
Асарлари
У қуйидаги икки асар муаллифидир:
- Яд Аҳарон (Ҳорун қўли), Тур Ораḥ Ḥаййим га ёзилган изоҳлар тўплами (унинг биринчи қисми 1735-йилда Смирнада, иккинчи қисми 1791-йилда Салоникида нашр қилинган) ҳамда Тур Эвен ҳа-Эзер га (Смирна, 1756–66) ёзилган изоҳлар
- Миркебет ҳа-Мишне (Иккинчи арава), Маймониднинг Яд ҳа-Ҳазака асарининг биринчи қисмига бағишланган рисола.
У 1774-йилда Хевронда вафот этган. Унинг набираси Исааc Ардит 1836-йилда Салоникида нашр этилган Еқар ҳа-Эрек асарида унга бағишлаб марсия ёзган.
Манбалар
- ↑ Азулаи, Ҳаййим Жосепҳ Давид. Шем ҳа-гедолим. Виэнна: Верлаг вон Ж. Счлесингер'с бучҳандлунг, 1864 — 33-бет.
- ↑ Счиша Ҳалеви, Авраҳам (Оcтобер 1962). Чавел, Рабби Чарлес Б.. эд. "А леттер оф реcоммендатион фор Чайим Ёсеф Азулаи, фром тҳе еар 5532, wитҳ интродуcтион анд нотес бй А. Счиша". Ҳадором (Раббиниcал Cоунcил оф Америcа) 16: 105–111 (109). ҳттпс://www.ҳебреwбоокс.орг/пдфпагер.аспх?реқ=28505&ст=&пгнум=196&ҳилите=.
- ↑ „Анcиэнт Жеwиш Cеметерй Аттраcц Модерн Спиритуал Сеэкерс то Ҳеброн“ (эн). тҳе Жеwиш Cоммунитй оф Ҳеброн (2016-йил 29-май). Қаралди: 2018-йил 19-ноябр.