Abbos Bakirov

Бакиров Аббос (1910.16.5 – Андижон – 1974.29.1) – актёр ва театр режиссёри. Ўзбекистон ССР халқ артисти (1939).

Аббос Бакиров
Файл:Аббос Бакиров.жпг
Таваллуди	16-май 1910-йил Андижон
Вафоти	29-январ 1974-йил(1974-01-29) (63 ёшда) Андижон
Фуқаролиги	Россия империяси СССР
Касби	Актёр, режиссёр
Фаолият йиллари	1931-1972-йиллар
Турмуш ўртоғи	Қамара Бурнашева
Болалари	Ойбарчин Бакирова
Мукофотлари

Ҳаёти

Аббос Бакиров 16-май 1910-йилда Андижонда туғилган. Отаси Саид Бакир Убайдулло ўқимишли одам бўлиб, табиблик илмидан хабардор бўлган яна муқовасозлик билан шуғулланган. Онаси Садойихон Сайид Ваққос қизи ҳам ўз даврининг ўқимишли аёлларидан бири бўлган. Актёр оилада тўрт фарзанднинг кенжаси бўлган.

Фаолияти

Фаолиятини 1931-йил Йўлдош Охунбобоев номидаги Андижон вилоят мусиқали драма ва комедия театрида актёр сифатида бошлаган. Бу даврда театр директори Муҳитдин Қориёқубов, бадиий раҳбар Тўхтасин Жалилов эди. Аббос Бакиров деярли 50 йил давомида Андижон театрида ишлади. Аввалида саҳна ишчиси бўлган кейинчалик актёр, режиссёр, бош режиссёр ва бадиий раҳбар лавозимига кўтарилган. Режиссёрлик фаолиятида актёрга асосан Ишоқхон қори Каримов устозлик қилган. Театрда актёр сифатида ишлаганда саҳнада Маҳкам полвон („Боғбон қиз“), Қосим деҳқон („Онтариш“), Муслимбой („Ҳалима“) ва бошқа унинг илк образларидир. Рустам („Рустам“), Фердинанд („Макр ва муҳаббат“), Ғофир („Бой ила хизматчи“), Ромео („Ромео ва Жулетта“) каби образлари билан томошабинлар қалбидан жой олган. Бакиров табиатан қатъиятли, интилувчан киши бўлгани ҳолда образларга ҳам шу ҳислатларни сингдиришга ҳаракат қилган.

Театрда кўплаб ролларни ижро этгандан сўнг катта тажриба билан кино оламига кириб келган. 1939-йил биринчи ўзбек овозли филми – „Азамат“даги Азамат роли унинг кинодаги фаолиятини бошлаб берди. Шундан сўнг унга янгидан-янги роллар ишониб топширила бошланди. 1943-йили „Насриддин Бухорода“ 1955-йили „Амирликнинг парчаланиши“ филмларига таклиф этилган. Режиссёрлар Латиф Файзиев ва Владимир Басов томонидан суратга олинган „Амирликнинг парчаланиши“ филмидаги Амир Олимхон образи актёрга катта шуҳрат келтирган. Амир Олимхон образини яратгандан кейин „Абу Али ибн Сино“ филмида Султон Маҳмуд, „Ҳамза“ (1961-йили) филмида Шайх Исмоил, „Осиё устидаги бўрон“ филмида Қоплонбек, „Ўтган кунлар“ филмида Юсуфбек ҳожи ролларини ижро этган.

Энг яхши роллари: Амир Олимхон (Амирлик парчаланиши), Султон Маҳмуд („Абу Али ибн Сино“), Аббос („Улуғбек юлдузи“), Аъзамхон („Икки дил достони“), Юсуфбек ҳожи („Ўтган кунлар“) ва бошқа Инсоннинг шахсий кечинмаси билан эътиқоди, дунёқарашини муштарак тарзда кўрсатишда, айниқса, Юсуфбек ҳожи роли Бакировни реалистик санъатнинг мохир устаси эканини кўрсатди. Б. ижобий ва салбий ролларни бир хил маҳорат билан ўйнаган. У саҳнада тана, қўл ҳаракатларидан, айниқса, юз, кўз ва оҳангдан усталик билан фойдаланган. Режиссёр сифатида1940-йилдан бошлаб фаолият юрита бошлаган ва 40 дан ортиқ спектаклларни саҳналаштирган. Халқ тарихи, урф-одатларини яхши билганлиги туфайли Бакиров миллий асарларни алоҳида муваффақият билан омма олдига олиб чиқган: „Алишер Навоий“, „Шоҳи сўзана“, „Оғриқ тишлар“, „Муқимий“, „Холисхон“, „Нурхон“, „Нодира“, „Лайли ва Мажнун“ ва бошқалар шулар жумласидандир.

Шахсий ҳаёти

Аббос Бакиров 1940-йилда актриса Қамара Бурнашева билан турмуш қурган. Уларнинг қизи Ойбарчин Бакирова 1957-йил 27-июнда туғилган. У ҳам актриса ва унга 2000-йилда Ўзбекистон халқ артисти унвони берилган.

Ўлими

Актёр 1974-йил 29-январда вафот этган ва Андижонга дафн қилинган.

Хотира

Андижон шаҳар ёшлар теарига, шунингдек, шаҳардаги кинотеатрлардан бирига Аббос Бакиров номи берилган.

Ижоди

Театрдаги роллар

• „Боғбон қиз“ („Боғбон қизи“) Т. Содиқов – Маҳкам полвон
• „Мағлубият“ К. Яшин – Арслон, Аҳмад понсод
• „Бой ила хизматчи“ Ҳамза Ҳакимзода Ниёзий – Ғафур
• У. Исмоиловнинг „Рустам“ – Рустам
• „Инспектор“ Н. Гогол – Хлестаков, Городничий
• „Фитна ва севги“ Ф. Шиллер – Фердинанд
• „Ромео ва Жулиэт“ В. Шекспир – Ромео
• „Тўнтариш“ – Қосим деҳқон
• „Ҳамида“ – Муслимбой

Филмдаги роллар

• 1939-йил – Азамат – Азамат
• 1955-йил – Амирлик парчаланиши – Бухоро амири
• 1956-йил – Абу Али Ибн Сино – Султон Маҳмуд Ғазнавий
• 1956-йил – Бахт номи билан – Раҳмонов
• 1958-йил – Ленин йўлланмаси – Кари
• 1958-йил – Ўғиллар давом этади – Қосим
• 1958-йил – Мафтунингман – Афзалов
• 1961-йил – Кичик қуш – Насиров
• 1963 йил – Фарғоналик бешлик – Ўрозов
• 1964-йил – Улуғбек юлдузи – Аббос
• 1964 йил – Буря над Азиэй – Қофлонбек
• 1964 йил – Қийин йўл – Турсунов
• 1966-йил – Икки юрак шеъри – Аъзамхон
• 1968-йил – Командирнинг қайтиши – Арслонов
• 1968 йил – Инқилоб чавандозлари – Худоёров
• 1969-йил – Ўтган кунлар – Юсуфбек Ҳожи
• 1970-йил – Қора консулнинг ўлими – Худояр Пансод
• 1973-йил – Халқдан бири – Рустамбек Тўқсабо
• 1974-йил – Қалдирғочлар баҳорда келади – Фаттоҳ бобо
• 1975-йил – Межгореда эди – Мулла Ҳасан

Унвонлар ва мукофотлар

• Ўзбекистон ССР халқ артисти (1939)
• СССР халқ артисти (1970)
• Ҳамза номидаги Ўзбекистон ССР Давлат мукофоти (1970)
• Меҳнат Қизил Байроқ ордени (1959)
• Буюк хизматлари учун ордени (Ўзбекистон, 2001) – вафотидан кейин.