Abdon al-Azdiy

Абдон ал-Аздий
Шахсий маълумотлар
Таваллуди	милодий 762-йил (ҳижрий 145-йил)
Вафоти	милодий 836-йил (ҳижрий 221-йил)
Дини	Ислом
Танилган соҳаси	ҳадис ҳофизи

Абдон ал-Аздий (арабча: عبدان الأزدي‎‎ – Абу Абдурраҳмон Абдуллоҳ ибн Усмон ибн Жабала ал-Аздий) – ҳадис ҳофизи.

Ҳаёти

Асосан, Абдон ал-Аздий тахаллуси билан танилган. Ёшлигиданоқ ҳадис илмини ўрганган. Отаси Усмон ибн Жабала, Абу Ҳамза, Шу’ба, Молик ибн Анас, Абдуллоҳ ибн Муборак, Жарир ибн Абдулҳамид, Язид ибн Зурай’, Иброҳим ибн Саъд сингари машҳур муҳаддислардан ҳадис ривоят қилган. Абдуллоҳ ибн Муборакнинг барча китобларини ўз хати билан кўчирган. Имом ал-Бухорий ундан бир юз ўнта ҳадис ривоят қилган. Имом Муслим, Абу Довуд, ат-Термизий ва ан-Насоийлар бошқа ровийлар орқали ундан кўпгина ҳадис ривоят қилганлар. Ибн Ҳиббон уни сиқа деб эътироф этган. Аҳмад ибн Ҳанбал Абдон ал-Аздийни „Хуросонда ҳадис олиш мақсадида ҳузуригача бориладиган ягона муҳаддис“, деб мақтаган. Абдон ал-Аздий Жузжон қозилигига сайланган ва қисқа муддатдан сўнг узр сўраб, лавозимидан бўшаган. Ниҳоятда саховатпеша бўлган Абдон ал-Аздий ҳаёти мобайнида бир миллион дирҳам садақа қилгани ривоят қилинади.

Адабиётлар

• Аз-Заҳабий. Тазкира ал-ҳуффāз. – Ҳайдар­обод: 1955-58. И, 401;
• Аз-Заҳабий. Сияр. Х, 270-272;
• Ибн Ҳажар. Таҳзӣб ат-таҳзӣб. В, 313-314;
• Ибн ал-­Имод. Шазарāт аз-заҳаб. – Қоҳира: 1934-35. ИИ, 49;
• Абу Наср ал-Бухорий ал-Калобозий. Ал-Ҳибāя ва-л-иршāд фӣ маърифа ас-сиқāт ва-с-садāд. – Байрут: 1987. И. 418;
• Абу Байр ибн Манжувайҳ. Рижāл Саҳӣҳ Муслим. – Байрут: 1987. И. 377.