Abdulaziz Moʻminov
Abdulaziz Moʻminov Majid oʻgʻli (1990-yil 4-avgust, Namangan) — oʻzbek siyosatchisi. Oʻzbekiston Respublikasi Yoshlar ishlari agentligi direktorining oʻrinbosari[1].
| Abdulaziz Moʻminov | |
|---|---|
| Tavalludi |
1990-yil 4-avgust Namangan, Namangan viloyati |
| Fuqaroligi |
 Oʻzbekiston |
| Taʼlimi |
|
| Kasbi | siyosatchi |
| Faoliyat yillari | 2016-hozirgacha |
| Bolalari | 3 |
| Mukofotlari |
|
Hayoti va taʼlimi
1990-yil 4-avgustda Namangan shahrida tugʻilgan. 2010—2014-yillarda Namangan muhandislik-pedagogika institutida, 2014—2016-yillarda Toshkent arxitektura-qurilish institutining magistratura bosqichida tasil olgan.
Faoliyati
Mehnat faoliyatini „Kamolot“ yoshlar ijtimoiy harakatining Namangan viloyati kengashida boshlagan. Keyinchalik Oʻzbekiston yoshlar tashkilotlarida turli mas’ul va rahbarlik lavozimlarida ishlagan. 2018-yil avgust oyida Oʻzbekiston yoshlar ittifoqi Namangan viloyati kengashi raisi vazifasini bajaruvchi etib tayinlangan[2]. 2014–2016-yillarda Oʻzbekiston „Kamolot“ yoshlar ijtimoiy harakati Markaziy Kengashi qoshidagi „Tadbirkorlik loyihalari markazi“ning „Mening biznes gʻoyam“ loyihasi rahbari sifatida faoliyat yuritgan[3]. 2016–2017-yillarda Oʻzbekiston „Kamolot“ yoshlar ijtimoiy harakati Markaziy Kengashi qoshidagi „Kamolot“ biznes inkubatori direktori boʻlgan[3]. 2017–2018-yillarda Oʻzbekiston yoshlar ittifoqi muassisligidagi „Yoshlar biznes inkubator“ mas’uliyati cheklangan jamiyati direktori lavozimida ishlagan[3].
Abdulaziz Moʻminov 2018–2020-yillarda Oʻzbekiston yoshlar ittifoqi Namangan viloyati Kengashi raisi lavozimida faoliyat yuritgan[4]. 2020-yil sentabr oyida Yoshlar ishlari agentligi markaziy apparatining davlat va xoʻjalik boshqaruvi organlarida yoshlar siyosatini muvofiqlashtirish boshqarmasi boshligʻi etib tayinlangan[3]. Keyinchalik agentlikning Namangan viloyati boshqarmasi boshligʻi, 2022–2023-yillarda Yoshlar ishlari agentligi markaziy apparatining Inson resurslarini rivojlantirish boshqarmasi boshligʻi, shuningdek, Yoshlar siyosati va sport vazirligining yoshlarni vatanparvarlik ruhida tarbiyalash va ularning boʻsh vaqtini mazmunli tashkil etish boʻlimi boshligʻi lavozimlarida faoliyat yuritgan.
2023–2024-yillarda Oʻzbekiston yoshlar ittifoqi Markaziy Kengashi raisining birinchi oʻrinbosari boʻlgan[3].
2024-yil 10-iyulda Yoshlar ishlari agentligi direktorining oʻrinbosari etib tayinlangan[5].
Mukofotlari
2012-yilda „Oʻzbekiston belgisi“ koʻkrak nishoni bilan taqdirlangan[6][7]. Oʻzbekiston Respublikasi Prezidentining tegishli farmonlariga muvofiq, 2017-yilning 10-oktyabr kuni „Oʻzbekiston Konstitutsiyasiga 25 yil“ hamda 2021-yilning 24-may kuni „Oʻzbekiston Respublikasi Mustaqilligining 30 yilligi“ mukofotlari bilan taqdirlangan.
Manbalar
- ↑ „Abdulaziz Moʻminov Yoshlar ishlari agentligi direktorining oʻrinbosari etib tayinlandi“. www.uzreport.news. Qaraldi: 2026-yil 21-oktabr.
- ↑ „Абдулазиз Мўминов Ёшлар иттифоқи Наманган вилоят кенгаши раиси вазифасини бажарувчи этиб тайинланди“. www.daryo.uz. Qaraldi: 2026-yil 21-oktabr.
- ↑ 3,0 3,1 3,2 3,3 3,4 „Muminov Abdulaziz Majid o‘g‘li biografiyasi“. www.gov.uz. Qaraldi: 2026-yil 21-oktabr.
- ↑ „Yoshlar ishlari agentligi direktoriga yangi o‘rinbosar tayinlandi“. www.oyina.uz. Qaraldi: 2026-yil 21-oktabr.
- ↑ „Директору Агентства по делам молодежи нашли нового зама“. www.repost.uz. Qaraldi: 2026-yil 21-oktabr.
- ↑ „Oʻzbekiston belgisi“. Xabar. № 37. 2012. 5-bet.
- ↑ „Kosonsoy hokimligi rasmiy kanali“ (uz). Telegram.