Abdulhamidxon masjidi
Abdulhamidxon masjidi (turkcha: Abdülhamid Han Camii) – Usmoniylar imperiyasining 34-sultoni Abdulhamid II sharafiga bunyod etilgan masjid. Har juma kuni bu masjidda uning nomiga xutba oʻqiladi. Bu masjid Turkiyadagi 4-yirik masjid, Qahramonmarʼashdagi eng katta masjid hisoblanadi. Uning sigʻimi 10 000 kishini tashkil etadi[2]. Bino Onikişubat tumani, Abdulhamit Han mahallasi, Mercimek Tepe koʻchasida joylashgan[3].
| Masjid | |
 | |
| Mamlakat |  Turkiya
|
| Joylashuvi | Qahramonmarʼash |
| Koordinatalar | 37°34′52″N 36°54′35″E / 37.58111°N 36.90972°E |
| Meʼmor | Hoji Mehmet Güner[1] |
| Binokorlik | 1993-yil—2011-yil |
| Gumbazlar soni | 32 |
| Gumbazlar soni | 32 |
| Minoralar soni | 4 |
| Minoralar soni | 4 |
| Minoralar balandligi | 88 m (289 ft) |
| Qurilish materiallari | marmar, kafel, yogʻoch, rangli vitraj, travertin |
Abdulhamidxon masjidi oʻlchami boʻyicha Turkiyada Çamlıca masjidi, Kocatepe masjidi va Sabancı Merkez masjididan keyin 4-oʻrinda turadi. Klassik uslubdagi Usmoniylar meʼmorchiligi taʼsiri sezilgan ushbu masjid shahar manzarasi bilan uygʻunlashgan, inshoot hamma joydan koʻrinib turadi. Shu xususiyati sababli yangi boʻlishiga qaramay tarixiy koʻrinishga ega. Külliye uslubida qurilgan bu masjid shahar uchun ulkan meʼmoriy inshoot hisoblanadi. Uning qurilish rejasi, bezaklari, texnikasi va ishlatilgan materiallari anʼanaviydir[4].
Ushbu masjid tarkibiy jihatdan Salimiya masjidiga oʻxshash boʻlib, har bir burchagida 3 ta balkonli minoralar mavjud. Kvadrat reja asosida qurilgan masjidning markaziy gumbazi 4 ta yarim gumbazga tayanadi. Shahzoda masjidi va Ahmadiya masjidiga oʻxshash tarzda, gumbaz toʻrtta „fil oyoqchasi“ deb ataladigan gumbaz ogʻirligini koʻtarib turuvchi juda katta, massiv tayanch ustunlar bilan mustahkamlangan[4].
Manbalar
- ↑ „Hacı Mehmet Güner Hakkında“. 2015-yil 24-martda asl nusxadan arxivlangan. Qaraldi: 2015-yil 28-mart.
- ↑ „Abdülhamithan Camisi - Kahramanmaraş“. Culture Portal. 2019-yil 11-iyulda asl nusxadan arxivlangan. Qaraldi: 2020-yil 17-may.
- ↑ Kahramanmaraş Ansiklopedisi. Kahramanmaraş Sütçü İmam University Publishing, 23 July 2022 — 27-28-bet.
- ↑ 4,0 4,1 Sümer, Besime „CUMHURİYET DÖNEMİ CAMİLERİNDE OSMANLI ETKİLERİ: ABDÜLHAMİD HAN CAMİİ ÖRNEĞİ“. Al Farabi International Journal of Social Sciences (2019). 2020-yil 23-mayda asl nusxadan arxivlangan. Qaraldi: 2020-yil 17-may.
Havolalar
 |
Vikiomborda „Abdulhamidxon masjidi“ mavzusi boʻyicha mediafayllar bor. |