Abigail Johnson
| Абигаил Жоҳнсон | |
|---|---|
.jpg) Жоҳнсон 2022-йилда | |
| Таваллуди |
Абигаил Пиэррепонт Жоҳнсон 1961-йил 19-декабр Бостон, Массачусец, АҚШ |
| Таълими |
Wиллиам Смитҳ коллежи (БА) Ҳарвард университети (МБА) |
| Касби | Тадбиркор |
| Унвони |
Фиделитй Инвестменц раис, бош директор ва президенти Фиделитй Интернатионал раиси |
| Турмуш ўртоғи |
Чристопҳер МcКоwн (турм. 1988) |
| Болалари | 2 |
| Отаси | Эдwард Жоҳнсон ИИИ |
Абигаил Пиэррепонт Жоҳнсон (талаффузи: Эбигейл Пайррепонт Жонсон; 1961-йил 19-декабрда туғилган) — америкалик миллиардер тадбиркор аёл ва Фиделитй Инвестменц кўп миллатли молиявий хизматлар корпорацияси асосчиси марҳум Эдwард Cросбй Жоҳнсон ИИнинг набираси[1]. 2014-йилдан бери Жоҳнсон Американинг Фиделитй Инвестменц (ФМР) инвестиция компанияси президенти ва бош ижрочи директори (бош директори)[2] ҳамда унинг собиқ халқаро инвестиция шўба корхонаси Фиделитй Интернатионал (ФИЛ) компаниясининг раиси ҳисобланади. Фиделитй компаниясига унинг бобоси Эдwард Cросбй Жоҳнсон ИИ асос солган. Отаси Эдwард Cросбй „Нед“ Жоҳнсон ИИИ 2022-йил март ойида вафот этгунга қадар ФМРнинг фахрий раиси бўлиб қолди. 2013-йил март ойи ҳолатига кўра, Жоҳнсон оиласи хусусий компаниянинг 49 % улушига эгалик қилган, Абигаил Жоҳнсоннинг ўзи эса 24,5 % улушга эга[3].
2016-йил ноябр ойида Жоҳнсон раис этиб тайинланди ва бош директор ҳамда президент лавозимларини сақлаб қолди. Бу унга бутун дунё бўйлаб 45 000 ходимга эга бўлган Фиделитй компаниясини тўлиқ назорат қилиш имкониятини берди[4]. Жоҳнсоннинг бойлиги тахминан 22,6 миллиард долларни ташкил этади[5] ва бу уни дунёдаги энг бадавлат аёллардан бирига айлантиради. У 2016-йилда Форбес журналининг Американинг 50 та энг йирик шаҳарларидаги энг бой одами рўйхатига киритилган ва 2021-йилда Дунёнинг энг қудратли аёллари рўйхатида олтинчи ўринни эгаллаган. У 2020-йилда Массачусецдаги энг бой одам эди[6].
Таълими
Жоҳнсон Массачусецнинг Кембриж шаҳридаги Буcкингҳам Броwне & Ничолс Счоол хусусий мактабида ўқиган ва кейин 1984-йилда Wиллиам Смитҳ коллежини санъат тарихи бўйича бакалавр даражаси билан тамомлаган[7]. Абигаил турмуш ўртоғи билан учрашган Бооз Аллен Ҳамилтонда маслаҳатчи бўлиб ишлаганидан сўнг[8], Ҳарвард бизнес мактабида МБА (Бизнес бошқаруви магистри) даражасини олган[9].
Фиделитй Инвестменцдаги фаолияти
1988-йилда Ҳарвард бизнес мактабини тамомлагандан сўнг, Жоҳнсон бобоси Эдwард Жоҳнсон ИИ 1946-йилда асос солган ва отаси Эдwард Жоҳнсон ИИИ ўша пайтда бош директор бўлган Фиделитй Инвестменц компаниясида фаолият бошлади. У бу ерда аналитик ва портфел менежери сифатида иш бошлаган[10]. 2001-йилда у Фиделитй Ассет Манагемент президенти лавозимига кўтарилди. Жоҳнсон бу лавозимда ишлаб юрган пайтида отасининг бизнес қарорлари борасидаги келишмовчиликлар сабабли уни бош директор вазифасидан четлаштириш учун овоз беришни уюштирмоқчи бўлди, бироқ бу уриниши муваффақияциз якунланди[11]. 2005-йилда у чакана савдо, иш жойи ва институционал бизнес бўлими бошлиғи бўлди. Абигаил 2012-йилда Фиделитй Инвестменц президенти этиб тайинланган. 2014-йилда у бош директор[12], 2016-йилда эса раис бўлган. 2018-йилда Жоҳнсон Фиделитйда криптовалюта инвестицияларини жорий этди, бу институционал инвесторларга Битcоин ва Этҳер билан савдо қилиш имкониятини яратди.
2015-йилда Жоҳнсон АҚШ Президентлигига номзодини қўйган Жеб Бушга 2,700 доллар хайрия қилди, бу сайловолди ташвиқоти учун қонуний рухсат этилган максимал миқдор эди[13].
Мукофотлар ва эътироф
Жоҳнсон Капитал бозорларини тартибга солиш қўмитаси аъзоси, шунингдек, Қимматли қоғозлар саноати ва молия бозорлари ассоциацияси (СИФМА) ҳамда Массачусец технология институти (МИТ) директорлар кенгаши аъзоси сифатида ишлаган. У Молиявий хизматлар форуми кенгашида хизмат қилган биринчи ва ягона аёлдир[14].
Форбес Жоҳнсонни бир неча йиллардан бери Дунёнинг энг қудратли аёллари қаторига киритиб келади:
| Йил | Ўрин |
|---|---|
| 2024-йил | 2 |
| 2023-йил | 8[15] |
| 2022-йил | 5[16] |
| 2021-йил | 6[17] |
| 2020-йил | 9 |
| 2019-йил | 7 |
| 2018-йил | 5 |
| 2017-йил | 7 |
| 2016-йил | 16 |
| 2015-йил | 19 |
| 2014-йил | 1 |
Манбалар
- ↑ „Дунё миллиардерлари (2010): № 48 Абигаил Жоҳнсон“. Форбес. 2010-йил 3-март.
- ↑ ЎДоннелл, Cарл (2014-йил 13-октабр). „Абигаил Жоҳнсон Фиделитй компаниясининг бош директори сифатида отаси Эдwард ўрнини эгаллади“. Форбес. 2014-йил 5-декабрда олинди.
- ↑ Лау, Дебра (2001-йил 21-май). „Фиделитй Абигаил Жоҳнсонни президентликка кўтаради“. Форбес. 2011-йил 24-февралда олинди.
- ↑ Ҳеалй, Бетҳ (2016-йил 21-ноябр). „Нед“ Жоҳнсон Фиделитй раиси лавозимини тарк этмоқда". Тҳе Бостон Глобе. Олинган 2016-йил 26-декабр.
- ↑ „Блоомберг миллиардерлар индекси: Абигаил Жоҳнсон“. Блоомберг. 2021-йил 3-июлда олинди.
- ↑ „„Ушбу харитада ҳар бир штатдаги энг бой одам кўрсатилган | Эътиборга молик“.“. 2022-йил 20-январда асл нусхадан архивланган. Қаралди: 2022-йил 2-июл.
- ↑ „Уилям Смит раҳбарлари: Абигаил П. Жоҳнсон '84“. Уилям Смит коллежи. 2015-йил 4-майда олинди.
- ↑ Уилям Смит"Абигаил Жоҳнсоннинг тўйи бўлди". Тҳе Неw Ёрк Тимес. 1988-йил 26-июн.
- ↑ „Фиделитй: Мана Абигел келди“. Бизнес ҳафталиги. 2002-йил 8-июл
- ↑ „Абигаил Жоҳнсон профили“. Форбес. 2021-йил 8-июлда олинди.
- ↑ Гринд, Кирстен. „Фиделитйнинг янги раҳбари бозор ўзгаришига қарши чиқди“. WСЖ. 2021-йил 25-январда олинди.
- ↑ Гринд, Кирстен. „Абигаил Жоҳнсон Фиделитй Инвестменц бош директори этиб тайинланди“. WСЖ. 2019-йил 18-июн куни олинди.
- ↑ Раян, Грег (2015-йил 13-ноябр). „Фиделитй“дан Абигаил Жоҳнсон ушбу президентликка номзодга хайр-эҳсонларни кўпайтирмоқда". Бостон Бусинесс Жоурнал.
- ↑ Ҳеалй, Бетҳ (2014-йил 5-декабр). „Абигаил Жоҳнсон кўп йиллик машғулотлардан сўнг Фиделитйга ўз муҳрини қўяди“. Бостон Глобус.
- ↑ „Тҳе Wорлд'с Мост Поwерфул Wомен 2023“ (эн). Форбес.
- ↑ Cонтрерас, Исабел „Тҳе Wорлд'с 100 Мост Поwерфул Wомен“ (эн). Форбес (2022-йил 6-декабр). Қаралди: 2023-йил 10-май.
- ↑ Cонтрерас, Исабел. „Абигаил Жоҳнсондан Лаура Чагача бу йил молия соҳасидаги энг кучли аёллар“. Форбес. 2021-йил 31-декабр.