Abram Alixanov

Абрам Исаакович Алиханов (1904—1970) — физик олим, академик (1943). Назарий ва экспериментал физика институти асосчиси ва директори (1945-йилдан). Илмий ишлари атом ядроси ва космик нурлар физикасига доир. Укаси А. И. Алиханян билан уйғотилган ядролардан электрон-позитрон жуфтлиги чиқиш ҳодисасини кашф қилди ва бу жуфтликнинг пайдо бўлиш жараёни крнуниятларини ўрганиб чиқди. Алиханов радиоактив ядроларнинг бета-емирилишини тадқиқ қилиш учун бета-спектрометр, космик нурлар зарраси массаси ва энергиясини анализ қилиш учун масспектрометрларни ихтиро қилди. У ихтиро қилган гомоген атом реактори атом энергиясидан тинчлик мақсадларида фойдаланишда татбиқ этилмоқда. Абрам Исаакович раҳбарлигида собиқ Иттифоқда биринчи марта огир сувли ядро реактори (1949), қуввати 7 Гевгача бўлган қаттиқ фокусланувчи тезлаткич (1961) яратилган.

Адабиётлар

• ЎзМЕ. Биринчи жилд. Тошкент, 2000-йил