Abu Kabsha sahifasining manbasini koʻrish

{{Dindor biografiyasi bilgiqutisi
| religion           = [[Islom]]
| name               = Abu Kabsha Sulaym
| death_date         = milodiy 634-yil ([[Hijriy taqvim|hijriy]] 13-yil)
| known_for          = [[Muhammad|Paygʻambar]] ozod qilgan qul
}}

'''Abu Kabsha''' ({{lang-ar|أبو کبشة}} — Abu Kabsha Sulaym) — [[Muhammad|Payg‘ambar]] ozod qilgan qul.

Abu Kabsha asli fors bo‘lib, [[Makka]] yoki [[Davs]] qabilasining arablashgan urug‘idan. Ismining ''Avs'' yoki ''Salama'' bo‘lgani ham rivoyat qilingan. Payg‘ambar sotib olib ozod qilgan o‘ttizga yaqin qullardan biri bo‘lgan Abu Kabshaning nima sababdan qul bo‘lgani nomaʼlum.

== Janglardagi ishtiroki ==
Abu Kabsha [[Madina (shahar)|Madinaga]] [[hijrat]] qilganida, avval [[Qubo|Qubodagi]] uyida [[Rasululloh|Rasulullohni]] bir necha kun mehmon qilgan Madina ashroflaridan Kulsum ibn Hidmning uyida qoladi. Payg‘ambar bilan birga [[Badr jangi|Badr]], [[Uhud jangi|Uhud]] va boshqa g‘azotlarda qatnashgan. [[Ibn Hisham|Ibn Hishomning]] bergan maʼlumotiga ko‘ra, Badr g‘azotida [[Musulmonlar|musulmonlarning]] faqatgina yetmishta [[Tuya|tuyasi]] bo‘lgani sababli Hamza bilan Zayd ibn Horisa va Abu Kabsha bilan Payg‘ambar ozod etgan asli habash qul [[Anasa]] ([[Unaysa]]) bitta tuyaga navbat bilan minganlar.

== Vafoti ==
Abu Kabshaning [[hadis]] rivoyat etgani manbalarda zikr qilinmagan. U [[Umar]] [[xalifa]] etib saylangan kun (13-hijriy yil, 22 [[Jumoduloxir|jumodul-oxir]], milodiy 634-yil, 23-avgust) vafot etgan.

== Boshqa kishilar bilan adashtirilishi ==
[[Sahoba|Sahobalar]] orasida Abu Kabsha al-Anmoriy al-Mazhijiy ismli shaxs bo‘lib, uning Rasululloh bilan [[Abu Bakr|Abu Bakrdan]] rivoyatda bo‘lgani zikr qilingan. Ibn Abdulbar bu ikki shaxsni bir-biri bilan adashtirib yuborgani sababli Abu Kabsha al-Anmoriyning roviylarini Abu Kabshaning roviylari sifatida ko‘rsatgan. [[Tobeʼinlar|Tobeʼin]] [[Muhaddis|muhaddislar]] orasida ham Abu Kabsha [[Kunya|kunyasi]] bilan tanilgan ikki kishi bor. Ulardan biri Abu-d-Dardo, Savbon va Abdulloh ibn Amr kabi sahobalardan hadis rivoyat qilgan Abu Kabsha as-Saluliy, ikkinchisi esa, Abu Muso al-Ash’ariydan rivoyatda bo‘lgan Abu Kabsha as-Sadusiy al-Basriylardir. Bularning Abu Kabsha bilan bog‘liqligi yo‘q.

Payg‘ambarni emizgan onalari Halimaning eri va ona tomonidan bobosining kunyalari ham Abu Kabsha bo‘lgan. [[Quraysh|Qurayshlik]] [[Mushrik|mushriklar]] Rasulullohni butparast [[Arablar|arablardan]] farqli eʼtiqodga ega bo‘lgan hamda yulduzga ibodat qilgan Abu Kabsha al-Xuzoiyga o‘xshatganlari bois, Ibn Abu Kabsha der edilar<ref>{{Kitob manbasi|title=Ислом энциклопедияси|year=2020-yil|language=[[oʻzbek tili|oʻzbekcha]],|isbn=978-9943-59-267-4}}</ref>.

== Adabiyotlar ==

# Ibn Hishom. As-Sӣra. II, 122, 264, 334; 
# Ibn Saʼd. At-Tabaqāt. III, 49; 
# Ibn al-Asir. Usd al-g‘āba. II, 448; VI, 261-262; 
# Ibn Hibbon. As-Siqāt. II, 159-160; 
# Ibn Hajar. Tahzӣb at-tahzӣb. XII, 209; 
# Al-Omiriy. Bahja al-maxāfil va bug‘ya al-amāsil. — Qohira: 1330-31. II, 150; 
# Ali Yardım. „Ebû Kebşe“. TDV İA. — İstanbul: 1994. X, 176.

== Manbalar ==
{{manbalar}}
{{Islom ensiklopediyasi}}
{{Islom-shaxsiyat-stub}}

{{no iwiki}}