Ahmad Abdullayev
Аҳмад Абдуллаев (1936-йил 15-март, Бибиширин қишлоғи, Бойсун тумани — 2022-йил 24-июн, Ўзбекистон) — тожик адабиёцҳуноси, филология фанлари доктори (1984). Тожикистон Фанлар академиясининг Рудакий номидаги тил ва адабиёт институти профессори.
| Аҳмад Абдуллаев | |
|---|---|
| Таваллуди |
1936-йил 15-март Сурхондарё вилояти Бойсун тумани |
| Касби | профессор |
| Соҳаси | филология |
| Институтлар | Тожикистон ФА нинг Рудакий номидаги тил ва адабиёт институти |
| Таълими | олий |
| Илмий даражаси | филология фанлаэи доктори |
| Машҳур ишлари | Адиб Собир Термизий ҳаёти ва ижодиёти |
Ҳаёти
Аҳмад Абдуллаев 1936-йил 15-мартида Сурхондарё вилояти Бойсун туманидаги Бибишир участкасида туғилган.
Таълими
1953-йил Аҳмад Максим Горкий номидаги ўрта мактабни тугатади. Кейинчалик эса Душанбега боради ва у ерда Т.Шевченко номли Тожикистон давлат педагогика институтининг филология факуктетига ўқишга киради. Ўқишни тугатгач 1957-йилдан 1959-йилга қадар Бойсун туманидаги ўзи таълим олган Максим Горкий номли мактабда аввал илмий бўлим мудири лавозимида фаолият юритади. Сўнгги икки йилда эса ўқтувчи сифатида фаолият юритади.
1959-йил Тожикистон Фанлар академияси қошидаги аспирантурага ўқишга киради ва „Адиб Собир Термизий Ҳаёти ва ижодиёти“ мавзусидаги номзодлик диссертацияси билан шуғулланади.
Фаолияти
Аҳмад Абдуллаев 1963-йилда Тожикистон Фанлар академиясининг Рудакий номидаги тил ва адабиёт институтида иш фаолияти бошлаган. Шу ерда юздан ортиқ илмий ишлар қилган ва форс-тожик адабиёти тарихига алоқадор бир неча ўнлаб мақолалари ўзбек, рус ва тожик тилларидаги газеталарда чоп этилган.
Асарлари
Аҳмад Абдуллаевнинг 3 та монографик асари мавжуд. Булар: „Адиб Собир Термизий ҳаёти ва ижодиёти“, „Зоҳид Фарёбий ҳаёти ва ижодиёти“. „Форс-тожик адабиёти ХИ асрнинг биринчи ярмида“ номли китобларидир. Шунингдек, унинг форс-тожик тилидаги мақолалари „Садои шарқ“, „Ахборот“, „Помир“ ва „Совет мактаби“ журналларида босиб чиқилган. Адиб томонидан 165-йилда Собир Термизийнинг асарлари тўпланиб Тожикистонда босмадан чиқарилган[1].
2003-йилда Аҳмад Абдуллаевнинг ўзбек тилидаги „Адиб Собир термизий“ номли китоби ўзбек тилида босмадан чиқди[2]
Манбалар
- ↑ Б.Қодиров. Сурхондарё олимлари, Меҳнат, Тошкент, 1990-йил — 9-10-бет.
- ↑ Абдуллаев, Аҳмад. Адиб Собир Термизий. Тошкент: Янги аср авлоди, 2003-йил — 124-бет. ИСБН 5-633-01483-9.