Ahmad Amin
Аҳмад Амин (1878-йил 1-октабр — 1954-йил 30-май) — мисрлик тарихчи, филолог ва ёзувчи. Халифалик тарихи ва унинг ижтимоий фикр тарихига оид асарлар, жумладан, ислом сивилизацияси тарихига оид кўп жилдли китоблар туркуми (1928-1953), машҳур автобиография (“Менинг ҳаётим”, 1950) муаллифи.
Биографияси
Ал-Азҳар университетида анъанавий диний таълим олгач, 1926- йилгача қози бўлиб ишлади. Кейин Қоҳира университетида араб адабиётидан дарс берган, у ерда Сан’ат факултети декани этиб тайинланган ва 1946- йилгача бу лавозимда ишлаган.
Аҳмад Амин ўз даврининг энг ёрқин зиёлиларидан бири эди: у “ар-Рисола” (1933) ва “ас-Сақаф” (1939) адабий журналларига муҳаррир бўлган, Адабиёт, таржима ва нашрлар қўмитасига асос солган. У Миср таълим вазирлигида маданият бўлими бошлиғи бўлиб ишлаган, кейин эса Араб Лигаси маданият бўлимига раҳбарлик қилган.
Илмий ҳиссаси
Унинг энциклопедия луғатида тарих, иқтисодиёт, адабиёт, мисрликларнинг урф-одатлари ҳақида жуда кўп ма'лумотлар мавжуд ("Миср урф-одатлари ва иборалари луғати", 1953). У ўз таржимаи ҳолини ҳам қолдирган ва асосий мақолалари “Файд ал-Хотир” номи билан чоп этилган. Амин 1939 -йилдан 1946- йилгача Миср адабиёти тарихидан ма’руза ўқиди. Айнан ўша пайтда Амин мисрликлар ўрта асрларда араб шеърияти ривожига бошқа араб халқлари сингари унчалик ҳисса қўшмаганлигини таъкидлаган эди.
Адабиёт
- Шарбатов Г.Ш.Аҳмед Амин ва унинг Миср энсиклопедияси // тўпламда: Шарқшунослик институтининг қисқача ма'рузалари. Арабча тўплам, [жилд] 32, М., 1958.
Ҳавола
ҳттпс://ру.wикипедиа.орг/wики/%Д0%90%Д0%БC%Д0%Б8%Д0%БД,_%Д0%90%Д1%85%Д0%БC%Д0%Б5%Д0%Б4