Ziyosfera

Ahmet Hakan

Аҳмет Ҳакан Жошкун (1967-йил 11-августда туғилган, Соргун) — турк журналисти ва телевбошловчиси. У „Ҳуррият“ газетаси учун мақола ёзмоқда ва CНН Турк телеканалида Тарафсиз бўлге деб номланган дастурни олиб бормоқда. 2019-йил 6-ноябрдан буён "Ҳуррият" газетаси бош муҳаррири лавозимида ҳам ишлаб келмоқда[1].

Аҳмет Ҳакан
Таваллуди 11-август, 1967-йил (65 ёшда)
Фуқаролиги Туркия
Касби Журналист, Ёзувчи, Мухбир, Телебошловчи
Фаолият йиллари 1993-бугун
Миллати турк

Ҳаёти

Ёзгатнинг Соргун шаҳарчасида туғилган. Отасининг давлат хизмати туфайли Онадўлининг турли шаҳарларида яшади. Болалиги Ағри, Амася, Чаноққалъа, Балıкесир каби вилоятларда ўтган. Имом Ҳатип ўрта мактабини тамомлаган. У бир муддат Улудаг университетининг илоҳиёт факултетида таҳсил олади. Кейин Истанбулга келиб, бир муддат шу ерда таҳсил олади. Бир муддат Буюкчекмежеда чиқадиган „Ҳурбакиш“ газетасида ишлади[2].

У коллежда ўқиб юрган кезларида ҳикоялар ёзарди; улардан бир нечтаси "Еди иклим" журналида чоп этилган. У 1993-1994-йилларда ТГРТ Ана Ҳабер телеканалини бошловчиси сифатида фаолият юритади. Канал 7 ташкил қилинаётганда Бош директор Мустафо Челик билан боғланиб, ходимлар сафидан жой олди. Бир муддат мухбир бўлиб ишлаганидан сўнг, 1994-2005-йилларда „Канал 7“ нинг янгиликлар директори ва „Канал 7“ хабарлар бошловчиси бўлган. Канал 7 да Искеле Санcак дастурини тайёрлаб, баъзи қисмларини китоб ҳолида нашр эттирди. 2005-йилда Канал 7 билан келиша олмай, истеъфога чиқди. У биринчи марта Янги Шафакда кичик мақолалар ёзишни бошлади. Кейинчалик, у Сабаҳ газетасида ишлаган ва ҳозирда Ҳуррият газетасида фаолият олиб бормоқда. У CНН Турк телеканалида Тарафсиз бўлге дастурини олиб бормоқда. У 2017-йил 16-январдан бошлаб Канал Д Неwсда бошловчилик қила бошлади, шунингдек, Канал Д янгиликлар бўлими бошлиғи вазифасини ҳам ўз зиммасига олди[3]. 45-Олтин капалак мукофоти маросимида у Тарафсиз бўлге дастури учун „Энг яхши янгиликлар дастури“ мукофотини олди. Радио ва телевидение журналистлари ассоциацияси 2019-йилги Медиа Оскар мукофотларини топшириш маросимида худди шу дастур билан мукофот олди[4].

Аҳмет Ҳаканга қарши таҳдидлар ва ҳужумлар

Стар газетаси шарҳловчиси Жем Кучук, 2015-йил 9-сентябр кунги рукнида Аҳмет Ҳаканни қуйидаги сўзлар билан таҳдид қилди: „ Сен ҳали ҳам шизофрения билан оғриган одамлар каби Ҳуррият Туркияни бошқарган кунларда эканингни ўйлаяпсан. Хоҳласак, сени пашшадек эзиб юборамиз. Шу кунгача биз раҳм-шафқат кўрсатганимиз учунгина сен ҳали ҳам яшаяпсан“[5]. Аҳмет Ҳакан ўша куни Жем Кучук устидан судга мурожаат қилди.

CҲП депутати Эрен Эрдем, ушбу воқеа юзасидан Туркия Олий Миллат Мажлиси Раислигига саволи берди[6]. Ени Шафак газетаси ёзувчиси Абдулқодир Селви ҳам ўз рукнида бу воқеа ҳақида шундай ёзди: „Булар тўғри эмас. Туркия ва АК Партия буларга лойиқ эмас“, — дея танқид қилди у[7]. Замонавий Журналистлар Уюшмаси президенти Аҳмет Абакай, „ Ҳрант кўп таҳдидлардан кейин ўлдирилди. Худди шу нарса Метин Гöктепеда ҳам. Бундай қотилликлар шу кўринишда бошланяпти“деди[8]. Туркия Журналистлар жамияти, Матбуот кенгаши ва бошқа кўплаб журналистлар бу таҳдидни қоралади[9].


Ҳакан 2015-йил 1-октябр куни уйи олдида 4 киши томонидан ҳужумга учрайди. Маълум бўлишича, бурни ва қовурғалари синган Ҳакан аввалроқ ҳимоя сўраган, аммо аризасига ҳеч қандай жавоб берилмаган. Ҳужум қилганларнинг икки нафари Адолат ва тараққиёт партияси Фотиҳ туман ташкилоти аъзоси экани маълум бўлди.

Фаолият олиб борган телеканаллари

  • 1993-1994: ТГРТ
  • 1994-2004-йиллар: Канал 7
  • 2005-йилдан ҳозиргача: CНН Турк
  • 2017-2018: Канал Д

Китоблари

  • 1997-йил: Фуқаролик, чидаб бўлмас юрак (алоҳида нашрлар)
  • Меҳмет Эймур : Тўдалар, мафия ва сиёсат
  • Дениз Байкал : CҲП ва Анадолу сўли
  • Аҳмет Кабакли : Нега миллатчилик?
  • Яşар Нури Ўзтурк : Қур’он номидан гапираман
  • Орхан Памук Қизил ва Қор
  • Октай Синаноғлу Турк даҳоси
  • Орхан Генcебай : Илтимос, мени сев
  • Ведат Туркали : Нега мен коммунист бўлдим?
  • Али Булаç Исломийлик ҳақида

Манбалар

  1. ↑ „Арşивленмиş копя“. 9 оcак 2020да асл нусхадан архивланган. Қаралди: 7 оcак 2020.
  2. ↑ „Çоcуклук аркадаşı Аҳмет Ҳакан'а кıздı“. Ода Тв (21 майıс 2019). 23 эким 2022да асл нусхадан архивланган. Қаралди: 23 эким 2022.
  3. ↑ „Арşивленмиş копя“. 8 март 2017да асл нусхадан архивланган. Қаралди: 7 март 2017.
  4. ↑ „"Осcар" öдüлüнü алдı“. одатв4 (13 оcак 2021). 18 оcак 2021да асл нусхадан архивланган. Қаралди: 14 оcак 2021.
  5. ↑ „Cем Кüçüк'тен Аҳмет Ҳакан'а кöşэден öлüм теҳдиди“. Ҳüрриет. 30 оcак 2018да асл нусхадан архивланган. Қаралди: 9 эйлüл 2015.
  6. ↑ „CҲП, Аҳмет Ҳакан’а япıлан теҳдиде илиşкин сору öнергеси верди“. Cумҳуриет. 30 оcак 2018да асл нусхадан архивланган. Қаралди: 10 эйлüл 2015.
  7. ↑ „Сокаклар текин деğилдир“. Ени Şафак. 30 оcак 2018да асл нусхадан архивланган. Қаралди: 10 эйлüл 2015.
  8. ↑ „Уста газетеcилер уярдı: Бир ерден сонра теҳдит этмекле калмайıп адам öлдüрüёрлар, öрнеğи Ҳрант'тıр“. Çаğдаş Газетеcилер Дернеğи. 3 şубат 2018да асл нусхадан архивланган. Қаралди: 9 эйлüл 2015.
  9. ↑ „Басıн Консейи ве Тüркие Газетеcилер Cемиети Аҳмет Ҳакан'а салдıрıйı кıнадı“. Ҳüрриет. 30 оcак 2018да асл нусхадан архивланган. Қаралди: 1 касıм 2015.

Ҳаволалар

"https://new.ziyosfera.uz/ziyo/Ahmet_Hakan" dan olindi