Aitu SuperApp
Aitu SuperApp (asosan Aitu) – qozogʻistonlik superilova va messenjer[1].
| Aitu SuperApp | |
| Muallif | Kazdream Technologies |
|---|---|
| Turi | superilova |
| Yozilgan til(lar)i | qozoqcha, ruscha, inglizcha |
| Status | faol |
| Vebsayt: | aitu.io |
Biznes uchun qoʻllaniladigan bu ilovaga sunʼiy intellekt ham joriy qilingan. Aitu BTS kompaniyasining BTS Digital raqamli ekotizimiga kiradi[1].
Tarixi
2019-yil Aitu ilovasini qozogʻistonlik Kazdream Technologies IT-xoldingi ishlab chiqqan[1][2].
2021-yil may oyidan boshlab Aitu ilovasida foydalanuvchilar COVID-19 pandemiyasi davrida dolzarb boʻlgan Ashyq xizmatidan ham foydalana olishdi. Buni Raqamli rivojlanish, innovatsiyalar va aerokosmik sanoat vazirining oʻrinbosari Aset Turisov maʼlum qilgan[3]. Oʻsha yilning iyul oyida ilovaga egov.kz elektron hukumat xizmati ham qoʻshilib, shu jumladan turli davlat maʼlumotnomalariga ham kirish imkoni paydo boʻldi[4].
Qozogʻiston aholisi Aitu ilovasi orqali 2021-yilgi aholi roʻyxatida ishtirok etish imkoniga ega boʻldi[5].
2025-yil avgust oyida Qozogʻiston hukumatining rasmiy sayti Qozogʻiston davlat organlari Aitu ilovasiga oʻtishini eʼlon qildi. Hukumat huzuridagi, prezident Toqayev boshchilik qiladigan sunʼiy intellekt boʻyicha kengash ushbu qarorni qabul qilgan edi. Qaror qabul qilishda hukumat ilovaning „zamonaviyligi, xavfsizligi va qulayligi“ga eʼtibor qaratdi.[1] Qarorni Toqayevning oʻzi ham qoʻllab-quvvatlab, topshiriq bergan[6].
Xizmati
Foydalanuvchilar Aitu SuperApp ilovasini Google Play va App Store orqali yuklab olishlari, ilovada oʻzlarini telefon raqami orqali roʻyxatdan oʻtkazishlari mumkin[5]. Qozoq tilini oʻrganish uchun ham foydalansa bo'ladi.[7]
Yana qarang
Manbalar
- ↑ 1,0 1,1 1,2 1,3 Әbіtay, Aqsәule „Memlekettіk mekemeler ұlttыq Aitu messendjerіne өtedі, ol qanday qosыmsha?“ (kk). kz.kursiv.media (2025-yil 12-avgust). Qaraldi: 2025-yil 12-avgust.
- ↑ Dana Askar. „Po kakim produktam IT-kompaniya iz RK planiruet konkurirovatь s mirovыmi korporatsiyami“ (ruscha). kapital.kz (2023-yil 26-aprel). Qaraldi: 2025-yil 13-avgust.
- ↑ „Aitu qosыmshasыn da paydalanugʻa boladы“ (kk). Egemen Qazaqstan (2021-yil 26-may). Qaraldi: 2025-yil 12-avgust.
- ↑ „Qazaqstandыqtar memlekettіk kөrsetіletіn qыzmetterdі Aitu qosыmshasыnan ala aladы“ (kk). egov.kz (2021-yil 30-iyul). Qaraldi: 2025-yil 12-avgust.
- ↑ 5,0 5,1 Әdіlbekov, Aqjіgіt „Xalыq sanagʻыna onlayn qatыsudың qanday qiыndыgʻы bar?“ (kk). kz.kursiv.media (2021-yil 16-sentyabr). Qaraldi: 2025-yil 12-avgust.
- ↑ „Pravitelьstvu Kazaxstana prezident poruchil pereyti na natsionalьnыy messendjer“ (ru). zakon.kz (2025-yil 12-avgust). Qaraldi: 2025-yil 12-avgust.
- ↑ „10 prilojeniy dlya izucheniya kazaxskogo yazыka“ (ruscha). weproject.media (2024-yil 30-oktyabr). Qaraldi: 2025-yil 13-avgust.