Akbar Toshqulov
Тошқулов Акбар Жўрабоевич (1971-йил 21-сентябрда Жиззах вилоятида туғилган) — Ўзбекистон Республикаси Адлия вазири[1], ҳуқуқшунос, адлия катта маслаҳатчиси[2]. Маълумоти бўйича мутахассислиги – олий даражадаги ҳуқуқшунос.
| Тошқулов Акбар Жўрабоевич | |
|---|---|
|
Мансаб даври 2022-йил 16-ноябр | |
| Ҳукумат бошлиғи | Абдулла Орипов (сиёсатчи) |
| Президент | Шавкат Мирзиёев |
| Ўтмишдоши | Русланбек Давлетов |
| Шахсий маълумотлари | |
| Таваллуди |
1971-йил 21-сентябр Жиззах вилояти |
| Фуқаролиги |
|
| Маълумоти | Тошкент давлат юридик университети |
| Мукофотлари |
|
Фаолияти
1994-йилда Тошкент давлат юридик институтини тамомлаган. У ўз меҳнат фаолиятини 1994-1995-йилларда Ўзбекистон Республикаси Адлия вазирлиги Халқаро-ҳуқуқий бошқармасининг катта маслаҳатчиси лавозимидан бошлаган.
1995-1997-йилларда Ўзбекистон Республикаси Адлия вазирлигининг Қонунчилик ва норматив-ҳуқуқий ҳужжатлар лойиҳаларини тайёрлаш ва ҳуқуқий экспертизадан ўтказиш бошқармаси бош маслаҳатчиси.
1997-2000-йилларда бошқарма бошлиғи лавозимларида ишлаган.
2000-2002-йилларда Қонунчилик ва ҳуқуқий ахборотни таснифлаш бўлими бошлиғи.
2002-2003-йилларда – Халқ хўжалигида юридик ишлар бўлими бошлиғи.
2003-2005-йилларда хорижий инвестициялар ва хорижий инвестициялар иштирокидаги корхоналарни ҳуқуқий ҳимоя қилиш бошқармаси бўлим бошлиғи бўлиб фаолият юритган.
2005-2017-йилларда Сурхондарё вилояти адлия бошқармаси бошлиғи лавозимларида ишлаган.
Ўзбекистон Республикаси Президентининг 2015-йил 28-августдаги фармонига асосан Акбар Тошқуловга „Ўзбекистон Республикасида хизмат кўрсатган ҳуқуқшунос“ фахрий унвони берилган.
Ўзбекистон Республикаси Президентининг 2017-йил 19-апрелдаги қарори билан Акбар Тошқулов Адлия вазирининг ўринбосари этиб тайинланган[3].
Акбар Тошқулов бошчилигида 2019-йил 24-январ куни Адлия вазирлиги томонидан Ўзбекистон бешинчи сиёсий Экологик партияси давлат рўйхатидан ўтказилди[4].
Акбар Тошқулов 2021-йил 9-декабр куни Адлия вазири ўринбосари лавозимидан озод этилди[5].
Юридик университетнинг аввалги ректори Раҳим Ҳакимов 2021-йилнинг июнида Олий ва ўрта махсус таълим вазирининг фан ва инновациялар бўйича ўринбосари этиб тайинланди. Акбар Тошқулов 2021-йил 10-декабр куни Тошкент давлат юридик университети ректори этиб тайинланди[6].
2022-йил 15-ноябр куни адлия вазири Русланбек Давлетов президентнинг ижтимоий-сиёсий ривожланиш масалалари бўйича маслаҳатчиси лавозимига тайинлангач, унинг ўрнига 2022-йил 16-ноябрда Ўзбекистон Республикаси Адлия вазири этиб тайинланди[7][1][8].
Манбалар
- ↑ 1,0 1,1 „Акбар Тошқулов адлия вазири этиб тайинланди“. газета.уз. Қаралди: 16.11.22.
- ↑ „Акбар Тошқулов“.
- ↑ „Акбар Тошқулов Адлия вазирининг ўринбосари этиб тайинланди“.
- ↑ „Ўзбекистонда бешинчи сиёсий партия рўйхатга олинди“.
- ↑ „Акбар Тошқулов Адлия вазири ўринбосари лавозимидан озод этилди“.
- ↑ „Акбар Тошқулов Тошкент давлат юридик университети ректори этиб тайинланди“.
- ↑ „Тошкент давлат юридик университети ректори вазир бўлди.“ (уз). кун.уз. Қаралди: 16.11.22.
- ↑
ПМК(ўзб.) Телеграм месенжерида

