Akbarsho Iskandarov
- Википедияда исми Акбар ва фамилияси Искандаров бўлган бошқа кишилар ҳақида ҳам мақолалар мавжуд.
Акбаршо Искандаров (1-август 1951)[1] – Тожикистоннинг 2 марта муваққат Президенти. Тожикистоннинг Қозоғистон ва Туркманистондаги элчиси бўлган[2][3].
| Акбаршо Искандаров | |
|---|---|
| Тожикистон Президенти в.б. | |
|
Мансаб даври 1992-йил 7-сентябрдан – 1992-йил 20-ноябргача | |
| Ҳукумат бошлиғи |
Акбар Мирзоев Абдумалик Абдуллажонов |
| Ўтмишдоши | Раҳмон Набиев |
| Вориси | Эмомали Раҳмон |
|
Мансаб даври 1991-йил 6-октябрдан | |
| Ҳукумат бошлиғи | Иззатулло Ҳаёев |
|
Мансаб даври – 2-декабр 1991-йилгача | |
| Ўтмишдоши | Раҳмон Набиев |
| Вориси | Раҳмон Набиев |
| Шахсий маълумотлари | |
| Таваллуди |
1951-йил 1-август Кеврон |
Биографияси
1951-йил 1-августда Тожикистоннинг Тоғли Бадахшон мухтор вилоятининг Қалайхум тумани (ҳозирги Дарваз тумани) Кеврон қишлоғида туғилган. 1966—1970-йилларда (бошқа маълумотларга кўра, 1973-йилгача) Душанбе политехника техникумида ўқиган, муҳандис-қурувчи мутахассислиги бўйича диплом олган. 1974-йилда Ленин номидаги Тожикистон давлат университетининг иқтисод факултетига ўқишга кирди ва 1979-йилда иқтисодчи мутахассислиги бўйича тамомлади. 1989-йилда Тошкент олий партия мактабини тугатди.
1970-1980-йилларда Қалайхум туман қишлоқ хўжалиги бошқармасида катта ер тузувчи, катта иқтисодчи лавозимларида ишлаган. 1980-1981-йилларда Қалайхум туман халқ назорати қўмитаси инспектори, 1982-йилгача Марказий статистика бошқармаси инспектори лавозимларида ишлаган. 1982-йилдан – Тожикистон Коммунистик партияси Қалайхум туман қўмитаси ташкилий бўлими инструктори. 1984-йилдан Тоғли Бадахшон вилоят партия қўмитасида инструктор бўлиб ишлаган[4].
1986-йилда Ишкашим тумани ижроия қўмитаси раисининг ўринбосари, туман агросаноат бирлашмаси раиси лавозимларида ишлаган. 1987—1990 – Тожикистон Коммунистик партияси Ванж тумани қўмитаси 1-котиби. 1990-йил 29-мартда Тожикистон Олий Кенгашининг 12-чақириқ депутати бўлди. 1990-1993-йилларда Тоғли Бадахшон вилоят кенгаши раиси. Шу билан бирга, 1990-1992-йилларда Тожикистон Олий Кенгаши раисининг ўринбосари[5].
1991-йил ноябр ва 1992-йил апрел-май ойларида Искандаров Тожикистон Олий Кенгаши раиси вазифасини бажарувчи, 1992-йил 11-августда эса республика Олий Кенгаши раиси лавозимига сайланган. Айни пайтда Искандаров бу лавозимда Тожикистоннинг 2-президенти Раҳмон Набиев ўрнига Тожикистон президенти вазифасини бажарувчи бўлган. 1992-йил 7-сентябрда Искандаров Тожикистон вақтинча президенти лавозимини эгаллади[6].
1993-йил мартидан 2001-йилгача Искандаров Тожикистоннинг Туркманистондаги муваққат ишлар вакили, сўнгра Фавқулодда ва мухтор элчиси бўлиб ишлаган. 2001-йилдан Қозоғистонда ва Мўғулистонда элчи бўлган. 2008-йилдан буён Искандаров Тожикистон Республикаси Ташқи ишлар вазирлигида алоҳида топшириқлар бўйича элчи лавозимида ишлаган.
2000-йилда Акбаршо Искандаровнинг хотиралар китоби нашр этилди. Искандаров оилали, беш фарзанди бор.
Манбалар
- ↑ „ИСКАНДАРОВ Акбаршо“. cентрасиа.ру. 2016-йил 25-июнда асл нусхадан архивланган. Қаралди: 2018-йил 7-июн.(Wайбаcк Мачине сайтида 2016-06-25 санасида архивланган)
- ↑ Чронологй фор Узбекс ин Тажикистан. УНҲCР wебсите.
- ↑ Тадзҳикистан: Феар оф Тортуре.... Амнестй Интернатионал wебсите.
- ↑ „Родники дружбы; А. И. Искандаров; Междунар. Отношения, 2000; ИСБН 5713310132, 9785713310134“. 2014-йил 18-декабрда асл нусхадан архивланган. Қаралди: 2013-йил 25-март.
- ↑ „Акбаршо Искандаров: С Туркменистаном у нас нет проблем“. 2016-йил 4-мартда асл нусхадан архивланган. Қаралди: 2024-йил 27-феврал.
- ↑ Акбаршо Искандаров (Wайбаcк Мачине сайтида 2023-10-21 санасида архивланган), сентр „Панорама“, база данних „Лабиринт“