Akmal Nuriddinov

Нуриддинов Акмал Вохобжонович

Нуриддинов Акмал Ваҳобович – Ўзбекистон Бадиий академияси раиси, рангтасвир устаси. 1959-йил 27-февралда Наманган вилояти, Наманган шаҳрида туғилган. Маълумоти олий.

Ўзбекистон Бадииёт акадимяси академиги (1997), Ўзбекистон халқ рассоми (2003), Давлат мукофоти лауреати (2001), Фидокорона хизматлари учун ордени сохиби (2019). Япония императорининг Чиқаётган қуёш ордени, Олтин нурли бўйин тасмаси ордени билан тақдирланган (2024).

Меҳнат фаолияти

• 1974 – 1978 йилларда П.Бенков номли Республика рассомлик билим юрти талабаси.
• 1984 – йилда Тошкент театр ва рассомлик институтини тамомлаган.
• 1984 – 1989 йилларда Бадиий академия ижодий устахонаси рассоми.
• 1985 – 1986 йилларда ҳарбий хизматни ўтаган.
• 1989 – 2002-йиллар – Ўзбекистон Бадиий ижодкорлар уюшмаси аъзоси, рангтасвирчи рассом.
• 2002 – 2004 йилларда Ўзбекистон Миллий банки галереяси директори лавозимида фаолият юритган.
• 2004 – 2012 йилларда Ўзбекистон Бадиий ижодкорлар уюшмаси аъзоси, рангтасвирчи рассом
• 2012-йилдан ҳозирги вақтга қадар Камолиддин Беҳзод номидаги Миллий рассомлик ва дизайн институти профессори (ўриндошлик асосида).
• 2012-йилдан бери Ўзбекистон Бадиий академияси раиси лавозимида фаолият юритади.

Ижоди

Акмал Нуриддиновр лирик-романтик ва фалсафий-таҳлилий услубда таъсирчан картиналар яратган мамлакатимизнинг етакчи рассомларидан биридир. 1990-йиллардан бошлаб севги мавзуси Акмал Нуриддинов ижодида асосий мавзуга айланди. Бу вақтда унинг услубида ўзгаришлар юз бера бошлади. 1980-йилларнинг охиридаги маъюс расмларнинг эстетикаси ўз ўрнини лирик оҳангдаги расмларга беради. Шарқ классиклари ҳам, замонавий ўзбек адибларининг лирикаси ҳам унинг асарларидаги гўзал пластиклик билан бирга келади. Уларнинг интонацион спектрида бахтиёрлик кайфияти ва жавобсиз севги ҳамда ажралиш ҳақидаги анъанавий „нола“ бирга яшайди. Рассом Шарқ шеърияти ва халқ оғзаки ижодининг турли рамзий ва аллегорик образларидан фойдаланади – булар анор ва олма мевалари, ой ёки яримой, дарё, балиқ, қайиқ ва ҳоказо.

Акмал Нур ижодида эз-гулик ва ёвузлик, ёруғлик ва зулмат тўқнашуви ва бунда эзгулик ва ёруғликнинг тантанаси, маънавий қадри-ятлар тараннум этилади, мустақиллик олиб келган ўзгаришлар, муҳаббат, оилавий бахт-саодат, инсоф ва диёнат ўз аксини топди.

Асарлари:

"Ҳаёт бошланмоқда" учлиги, „Умид булоғи“, „Аждодлар назари“ (1987); „Кушан қишлоғи“, „Тонг“, „Кушан афсонаси“ (1988); „Оила“ (1990); „Дарвиш“, „Шаҳар тақдири“, „Тун ва кун“, „Унутилган қадриятлар“, „Ширин туш“ (1992); „Тожмаҳал“, „Муҳаббат боғи“ (1993); „Ишқ олмаси“, „Тун ва кун. Зулмат ва Зиё“ (1995); „Жайхун“, „Фикр парвози“ (1996); „Тавҳид“ (1997); „Риштон натюрморти“, „Илҳом парией“ (1998); „Муҳаббат водийси“, „Армон“ (2000); „Ой устидаги пари“ (2001); „Жаннат учлиги“, „Она“ (2003) ва бошқа

Кўргазмалари

Йил	Номи	Шаҳар	Давлат
1987	Бутуниттифоқ бадиий кўргазмаси	Москва	Россия
1988	СССР Бадиий академиясининг кўргазмаси	Тошкент	Ўзбекистон
1988	СССР Бадиий академиясининг кўргазмаси	Ленинград	Россия
1988	"23 лар уюшмаси" кўргазмаси	Тошкент	Ўзбекистон
1989	"23 лар уюшмаси" кўргазмаси	Тошкент	Ўзбекистон
1989	"23 лар уюшмаси" кўргазмаси	Самарқанд	Ўзбекистон
1989	Халқаро кўргазма	Скопле	Югославия
1990	Шахсий кўргазма	Тошкент	Ўзбекистон
1990	Ўзбекистон рассомларининг гуруҳ кўргазмаси,Девидсон галереяси	Сиэтл	АҚСҲ
1991	шахсий кўргазма	Рабат	Марокаш
1991	шахсий кўргазма	Гаага	Голландия
1992	"23-лар уюшмаси" кўргазмаси	Тошкент	Ўзбекистон
1992	шахсий кўргазма	Тошкент	Ўзбекистон
1992	Шахсий кўргазма, Санъат мероси галереяси	Деҳли	Ҳиндистон
1995	Шахсий кўргазма, „Илҳом“ театр-студияси	Тошкент	Ўзбекистон
1995	Шахсий кўргазма	Мюнхен	Германия
1996	Республика кўргазмаси	Тошкент	Ўзбекистон
1996	"Ҳабитат-2" Халқаро кўргазмаси	Истанбул	Туркия
1997	Ўзбек рассомларининг гуруҳ кўргазмаси	Детинхайм	Голландия
1998	Ўзбекистон рассомларининг гуруҳ кўргазмаси	Кёлн	Германия
1999	"Мен севги динига эътиқод қиламан" шахсий кўргазмаси	Тошкент	Ўзбекистон
2000	Жаҳон банкида ўзбек рассомларининг гуруҳ кўргазмаси	Вашингтон	АҚСҲ
2001	Шахсий кўргазма	Детинхайм	Голландия
2006	ШҲТ мамлакатлари Халқаро кўргазмаси	Ханчжоу	Хитой
2007	шахсий кўргазма, Совком галереяси	Москва	Россия
2014	"Туйғулар ва орзулар" шахсий кўргазмаси	Тошкент	Ўзбекистон

Асарлари Ўзбекистонда – Тошкент шаҳрида: Ўзбекистон Давлат санъат музейида, Ўзбекистон Бадиий академияси Кўргазмалар дирекциясида, Ўзбекистон Республикаси Миллий банкида, Ўзбекистон Инвест банкида; А.Икромов номидаги Самарқанд давлат тарихий-ме’морчилик музей-қўриқхонасида, Урганч расм галереясида; хорижда – Замонавий санъат музейида (Югославия), Сиэтлдаги Девидсон галереясида (АҚШ), Арт Ҳеритаге галереясида ва Лалит Кала академиясида, Деҳлида (Ҳиндистон), Cредит Суиссе Банкда (Швейсария), шунингдек Голландия шахсий коллексияларида, Германия, Белгия, Австралия, АҚШ, Исроил, Канада, Марокаш, Ҳиндистон, Туркия, Швейсарияда жойлашган.

Акмал Нур 1987-йилдан республика ва халқаро кўргазмаларда асарлари билан иштирок этади. Асарлари республика ва хорижий мамлакатлар музейлари ва хусусий тўпламларда сақланади.