Akmaljon Qosimov

Акмалжон Қосимов (1937.20.2, Шаҳрихон шаҳри — 2004.23.6, Тошкент) — биокимёгар, Ўзбекистон Фанлар академияси академик (2000), биология фанлари доктори (1978), профессор (1978). ТошДУни тугатган (1961). ТошДУ биофизика кафедрасида ассистент (1964-66), катта ўқитувчи (1966), доцент, тупроқшунослик факултети декан ўринбосари (1969—73), ўсимликлар физиологияси кафедраси мудири (1973—76), Андижон педагогика институти ректори (1976—92), вилоят ҳокими ўринбосари (1992—93), Андижон университети ректори (1993—95), Ўзбекистон Республикаси Олий Мажлиси раиси ўринбосари (1995 — 2000). Ўзбекистон Республикаси Халқ таълими вазирлиги бош бошқармаси бошлиғи (2000—04). Илмий ишлари радиоактив нурланиш, металларнинг ултрадисперсияли кукуни. паст ҳарорат ва тузларнинг ҳужайра ҳамда организмдаги физиологик ва биокимёвий жараёнларга таъсирини ўрганишга бағишланган.

Манбалар

• Митохондрия и хлоропласти, Т., 1984 (в соавторстве); Влияние ралиации на энергитическую систему растений. Т.. 1985; Клетка и клеточнме структурн. Т., 1986; Биокимё [дарслик], Т., 1988 (ҳамкорликда); Биокимёдан амалий машғулотлар, Т, 1989 (ҳамкорликда); Биология [маълумотнома]. Т, 1998 (ҳамкорликда).