Akram Asqarov
Асқаров Акрам (?-Тошкент- 1891.15.10) — биринчи тажик ҳаваскор археологи. Акрамполвон номи билан машҳур. Савдогар оиласидан. Акрам Асқаров ўз даврининг машҳур коллексионери сифатида турли-туман археологик буюмлар ва қадимги тангаларни тўплаган. Унинг биргина нумизматика коллексияси 15 мингдан ортиқроқ (17 олтин, 1498 кумуш ва 13537 мис) қадимги пуллардан иборат бўлган. Шулардан 504 таси Санкт-Петербург Эрмитажида сақланмоқда. 1890-йил Тошкентда очилган қишлоқ хўжалиги ва саноат моллари кўргазмасида Акрам Асқаров ўзининг археологик ва нумизматик коллексиялари билан иштирок қилди. Акрам Асқаров рус олимларининг Ўрта Осиё бўйлаб олиб борган илмий кузатишларида, жумладан, 1884-йилда рус тарихчиси Н. И. Веселовскийнинг Сурхондарё, Фарғона ва Зарафшон водийлари ҳамда Бухорода ўтказган илмий сафарида ҳамроҳлик қилди. Россиянинг археология жамияти Акрам Асқаровнинг археология соҳасида қилган хизматларини тақдирлаб, уни 1887-йилда кумуш медал билан мукофотлаган[1].
Манбалар
|
Бу мақолада бошқа тил бўлимларига ишорат йўқ. Сиз уларни топиб ва ушбу мақолага қўшиб, лойиҳага ёрдам беришингиз мумкин. |
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |