Akrom Xoʻjayev
Акром Хўжаев (1927-йил 13-январ, Фарғона вилояти, Қўқон шаҳри – 2009-йил) – совет давлат ва партия арбоби, геоглогия-минералогия фанлари доктори (1969), Ўзбекистон ССРда хизмат кўрсатган геолог (1977). 1950-йилдан КПСС аъзоси[1][2].
| Акром Хўжаев | |
|---|---|
| Андижон вилояти Ижроия қўмитаси раиси | |
|
Мансаб даври 1964-йил – 1965-йил | |
| Ўтмишдоши | Пўлат Қаюмов |
| Вориси | Пўлат Қаюмов |
| Шахсий маълумотлари | |
| Таваллуди |
1927-йил 13-январ Қўқон шаҳри |
| Вафоти | 2009-йил |
| Фуқаролиги |
 СССР  Ўзбекистон |
| Сиёсий партияси | КПСС |
| Илмий унвони | Геология-минерология фанлари доктори |
| Мукофотлари |
    |
| Унвони | Ўзбекистон ССРда хизмат кўрсатган геолог |
Таржимаи ҳоли
Акром Рустамович Хўжаев 1927-йил 13-январда Фарғона вилояти, Қўқон шаҳрида таваллуд топган. 1962-йилда И. М. Губкин номидаги Москва Нефт кимёси ва газ саноати институтини тугатган[2]. 1948—1961-йилларда Ўзбекистон ССР Халқ хўжалиги кенгашининг газ ва нефт саноати бошқармасида ишлаган. 1961—1965-йилларда Андижон вилояти партия қўмитаси котиби, Ўзбекистон Халқ хўжалиги кенгаши раисининг биринчи ўринбосари, Андижон вилояти саноат партия қўмитаси биринчи котиби, Андижон вилояти ижроия қўмитаси раиси[3], Ўзбекистон Халқ хўжалиги кенгаши раиси лавозимида фаолият юритган. 1965—1985-йиллари Ўзбекистон ССР Министрлар Совети раиси ўринбосари[3], 1985—1988-йилларда Ўзбекистон ССР Минералогия министрлиги тасарруфидаги Нефт ва газ конлари геологияси ҳамда қидируви институти катта илмий ходими, 1988—2009-йиллари мазкур институтнинг бош илмий ходими вазифасида ишлаган. Ўзбекистон Компартияси Марказий Комитети аъзоси. 6—9-чақириқ Ўзбекистон ССР Олий Совети депутати (1963—1979-йиллар)[1].
Акром Хўжаев 2009-йилда вафот этган.
Илмий фаолияти
Акром Хўжаевнинг илмий ишлари, асосан, Ўзбекистондаги нефт-газ конларининг пайдо бўлиши, минерал ёқилғи ресурслари, уларни қидириб топиш ва фойдаланишнинг иқтисодий самарадорлиги масалаларига бағишланган. 1969-йилда Акром Хўжаев „Фарғона водийси шимолий қисмининг геологик тузилиш хусусиятлари ва нефт-газлилик истиқболи“ мавзусида докторлик диссертациясини ёқлаган[1]. Акром Хўжаев Ўрта Осиёдаги нефт-газ ва ёқилғи ресурслари ҳамда геология бўйича 50 дан ортиқ илмий ишлар, жумладан, 6 та монография муаллифи ҳисобланади[2]. Акром Хўжаев Москва (1971, 1976), Ниcе (1973), Лондон шаҳарларида (1976) ўтказилган нефт-газ конгресслари ичтирокчиси.
Асарлари
- Геология и нефтегазоносност Северной Фергани. (русча: Геология и нефтегазоносность Северной Ферганы.) (1969);
- Минералние топливние ресурси Узбекистана и экономика их исползования. (русча: Минеральные топливные ресурсы Узбекистана и экономика их использования.) (1972);
- Нефтяние и газовие месторождения Узбекистана. (русча: Нефтяные и газовые месторождения Узбекистана.) (2 томлик, 1973—1974);
- Топливно-энергетическиэ комплекси Среднеазиацкого экономического раёна. (русча: Топливно-энергетические комплексы Среднеазиатского экономического района.) (1974);
- Экономическая эффективност поискових и разведочних работ на нефт и газ в Узбекской ССР. (русча: Экономическая эффективность поисковых и разведочных работ на нефть и газ в Узбекской ССР.) (1976)[1].
Унвон ва мукофотлари
- Ўзбекистон ССРда хизмат кўрсатган геолог (1977);
- ЧССР Энергетика ва ёқилғи вазирлиги фахрий ходими;
- Ленин ордени (1959);
- "Ҳурмат белгиси" ордени (1981);
- Октабр инқилоби ордени (1981);
- Меҳнат Қизил Байроқ ордени (1965, 1971, 1973);
- „Ерости бойликлари қидирувидаги хизмати учун“ медали[2].
Манбалар
- ↑ 1,0 1,1 1,2 1,3 ЎзСЕ 1979, с. 413
- ↑ 2,0 2,1 2,2 2,3 „Акром Хўжаев“ (рус тилида). 2015-йил 19-апрелда асл нусхадан архивланган. Қаралди: 2022-йил 13-сентябр.
- ↑ 3,0 3,1 „Акром Хўжаев“ (рус тилида). 2022-йил 12-сентябрда асл нусхадан архивланган. Қаралди: 2022-йил 13-сентябр.
Адабиётлар
- Ўзбек Совет Энсиклопедияси, ХИИ том, Тошкент: ЎзСЕ Бош редаксияси, 1979 — 656-бет.