Ziyosfera

Al-Bidya masjidi

Al-Bidya masjidi (arabcha: مَسْجِد ٱلْبِدْيَة‎‎; baʼzan Al-Bidiyah (ٱلْبِدِيَة) yoki Al-Badiyah (ٱلْبَدِيَة) tarzida transliteratsiya qilinadi) – Birlashgan Arab Amirliklarining Fujayra amirligida joylashgan tarixiy masjid. 2018-yil sentyabr oyida Islom oltin davriga oid 1000 yillik masjid xarobalari topilguniga qadar ushbu masjid mamlakatdagi eng qadimiy masjid sifatida tanilgan[2]. Ushbu yangi topilma Abu Dabi amirligining al-Ayn shahrida joylashgan Shayx Xalifa bin Zayd al-Nahyon masjidi yaqinidan aniqlangan[3][4]. Masjid hozirgacha faoliyat yuritib kelmoqda, bino kichik Al-Badiyah yoki Al-Bidiyah qishlogʻida joylashgan boʻlib, amirlik poytaxtidan taxminan 40 km (25 mi) shimolda joylashgan[5]. Shuningdek, inshoot Usmoniylar masjidi nomi bilan ham tanilgan[1][6].

Masjid
Al-Bidya masjidi
Usmoniylar masjidi[1]
Masjid Al-Bidyah (مَسْجِد ٱلْبِدْيَة)
Mamlakat  Birlashgan Arab Amirliklari
Joylashuvi Al-Bidiyah, Fujayra amirligi, Birlashgan Arab Amirliklari
Koordinatalar 25°26′20.65″N 56°21′14.08″E / 25.4390694°N 56.3539111°E / 25.4390694; 56.3539111
Binokorlik sanasi XV asr
Gumbazlar soni 4
Gumbazlar soni 4

Tarixi

Masjidning qurilgan sanasi aniq emas[1]. Inshoot loy va toshdan qurilgani, qurilish ishlarida yogʻochdan foydalanilmagani bois radiokarbon tahlil oʻtkazib boʻlmaydi. Masjidning qurilish davri taxminan milodiy XV asrga toʻgʻri keladi[7]. Biroq undan ham qadimiyroq davrlarga oid taxminlar mavjud. 1997–1998-yillarda bu hudud Fujayra arxeologiya markazi va Sidney universiteti bilan hamkorlikda oʻrganilgan[5]. Fujayra arxeologiya va meros departamenti masjid 1446-yilda qurilgan deb hisoblaydi. Masjid bilan bir paytda uni kuzatib turuvchi ikkita qoʻriqlash minorasi ham bunyod etilgan[1].

Tuzilishi

Ichki koʻrinishi

Kichik, kvadrat shakldagi inshootning maydoni 53 square metre (570 kv ft) boʻlib, mahalliy materiallardan, turli oʻlchamdagi toshlar va oq suvoq qatlami bilan qoplangan loy gʻishtlardan qurilgan. Tomi spiral shaklidagi gumbazdan iborat, gumbazni markazda joylashgan bitta ustun koʻtarib turadi. Masjidga ikki qanotli yogʻoch eshik orqali kiriladi[5].

Namozxona ichiga yorugʻlik va havo kirishiga imkon beruvchi bir nechta kichik bezakli derazalar bor.

Masjid hozirgacha kundalik namozlar uchun ochiq boʻlib, sayyohlar uchun ham diqqatga sazovor maskan hisoblanadi[5].

Yana qarang

Manbalar

  1. ↑ 1,0 1,1 1,2 1,3 „Designs on the past“ (2001-yil 10-dekabr). Qaraldi: 2011-yil 1-avgust.
  2. ↑ „Bidya oldest known mosque in Fujairah or UAE“ (2009-yil 6-avgust). Qaraldi: 2011-yil 1-avgust.
  3. ↑ „Remains of 1,000-year-old mosque reveal a rich past“. The National. Emirates 24/7 (2018-yil 10-sentyabr). Qaraldi: 2018-yil 10-oktyabr.
  4. ↑ Power, Timothy. „How a 1,000-year-old mosque in Al Ain anchors the UAE in human history“ (2018-yil 13-sentyabr). Qaraldi: 2018-yil 10-oktyabr.
  5. ↑ 5,0 5,1 5,2 5,3 „The oldest mosque in the country“ (2010-yil 4-dekabr). Qaraldi: 2011-yil 18-aprel.
  6. ↑ „11 Top-Rated Tourist Attractions in Fujairah“. www.planetware.com. 2012-yil 14-oktyabrda asl nusxadan arxivlangan. Qaraldi: 2025-yil 28-noyabr.
  7. ↑ Eugene Harnan.. „Oldest UAE mosque holds onto its secrets“.

Havolalar

"https://new.ziyosfera.uz/ziyo/Al-Bidya_masjidi" dan olindi