Al-Hasan bin Vahhas sahifasining manbasini koʻrish

'''Al-Hasan bin Vahhas''' (vafoti fevral, 1285) – [[Imom|imom]] boʻlib, [[Yaman]]dagi [[Zaydiylar|Zaydiy]] davlatini 1258–1260-yillar davomida boshqargan.

Oldingi imom [[al-Mahdiy Ahmad bin al-Husayn]] umrining oxirlarida zaydiy zodagonlari orasida koʻplab dushmanlar orttirgan edi, bu esa yakunda 1258-yilda Shuaba jangida zoʻravonlik bilan oʻldirilishiga sabab boʻlgan. [[Imomat]] uchun daʼvogarlardan biri Hamzaviy shariflar sulolasiga mansub, imom [[Al-Muhtasib al-Mujohid Hamza|al-Muhtasib al-Mujohid Hamza]] (vafoti 1066) avlodi Abu Muhammad al-Hasan bin Vahhas edi. Uning imomligi zaydiyning bir qismi tomonidan tan olingan. Shaxsan u janglarda shijoatli va aʼlo darajadagi otchi sifatida tasvirlangan. Yana bir daʼvogar Shamsiddin Ahmad boʻlib, u oʻsha vaqtdagi Yamandagi asosiy kuch sanalgan Rasuliy sultonining [[suzerenitet]]ini rasmiy ravishda tan olgan edi<ref>H. C. Kay, ''Yaman; Its Early Medieval History''. London 1892, p. 321.</ref>. Ikki daʼvogar imom zaydiy yerlari tarkibidagi mulk va qal’alarni oʻzaro boʻlib olishgan. Oʻsha yili Shamsiddin va uning ikki ukasi [[Epidemiya|epidemiya]] tufayli halok boʻlib, imomat toʻliq al-Hasan bin Vahhas qoʻlida qoladi. Biroq u tez orada Shamsiddinning ukasi Sarimiddin Davud (vafoti 1290) bilan kelisha olmay qoladi. Sarimiddin Rasuliy shahzodasi [[Asadiddin Muhammad]] bilan til biriktirib, 1260-yilda Asafirda al-Hasan bin Vahhas bilan jangga kirishgan. Imom lashkari qochib ketgan bir paytda al-Hasan jang maydonida oxirigacha kurashib, asirga olinadi<ref>El-Khazreji, ''The Pearl-Strings; A History of the Resuli Dynasty'', Vol. I. Leiden 1906, pp. 154-5.</ref>. Sarimiddin imomni 1269-yilgacha zindonda saqladi. Ancha keyin, 1284-yilda Sarimiddin Rasuliylarga qarshi kurashishda al-Hasan yordamidan foydalanmoqchi boʻladi, biroq bu omadsiz yakunlanadi. Sobiq imom koʻp oʻtmay, 1285-yil fevral oyida vafot etadi<ref>El-Khazreji, 1907, p. 208.</ref>.

== Yana qarang ==

* [[Yaman imomlari]]
* [[Yaman tarixi]]

== Manbalar ==

{{Manbalar}}

{{Start box}}
{{Succession box|
 before=[[al-Mahdiy Ahmad bin al-Husayn]]|
 title=[[Zaydiylar|Zaydiy]] [[Yaman imomi]]|
 years=1258&ndash;1260|
 after=[[Yahyo ibn Muhammad as-Sirojiy|Yahyo bin Muhammad as-Sirojiy]]
}}
{{S-end}}

{{Tashqi havolalar}}
{{DEFAULTSORT:Hasan}}
[[Turkum:Yaman Zaydiy imomlari]]
[[Turkum:1285-yilda vafot etganlar]]
[[Turkum:Tugʻilgan yili nomaʼlum boʻlgan kishilar]]
[[Turkum:13-asrda Yaman]]
[[Turkum:XIII asr arablari]]
[[Turkum:13-asr Zaydiya vakillari]]