Alba partiyasi

Алба партияси (шотланд гал тилида: Пàртаидҳ Алба; Алба — Шотландиянинг шотланд гал тилидаги номи) — Шотландияда фаолият юритувчи шотланд миллатчиси ва мустақиллик тарафдори сиёсий партиядир. Партия 2021-йил феврал ойида ташкил этилган. У Шотландиянинг собиқ биринчи вазири ва Шотландия Миллий партияси (СНП) собиқ етакчиси Алекс Салмонд томонидан бошқарилган ва у 2024-йилда вафотигача партия раҳбари бўлиб қолган. Алекс Салмонд 2021-йил март ойида Алба партиясининг Шотландия парламенти сайловлари учун сайловолди кампаниясини расман бошлаган. Ушбу сайловда партия фақат минтақавий (партия рўйхати) бўйича номзодлар кўрсатган, бироқ бир мандатли сайлов округларида номзодлар илгари сурмаган. 2021-йил 27-март куни Буюк Британия Жамоатлар палатасининг икки нафар а’зоси Шотландия Миллий партиясидан (СНП) чиқиб, Алба партиясига қўшилди. Шунингдек, Шотландия парламенти а’зоси Аш Реган 2023-йил 28-октабрда Алба партиясига ўтди, бироқ у 2025-йилда партияни тарк этди. Бундан ташқари, СНПнинг бир қатор собиқ депутатлари ҳам Алба партиясига қўшилган. 2024-йилги Буюк Британия умумий сайловларида Алба партияси Шотландия бўйлаб 19 та сайлов округида номзодлар кўрсатди, бироқ атиги 11 784 та овоз тўплади ва бирорта ҳам ўринни қўлга кирита олмади. Натижада, партиянинг барча номзодлари сайлов гаров пулидан (депосит) айрилди.

Вакиллар

Партия ҳозиргача тўғридан-тўғри сайланган номзодларга эга бўлмаган. Қуйида келтирилган вакилларнинг барчаси дастлаб Шотландия Миллий партияси (СНП) номзодлари сифатида сайланган, кейинчалик эса Алба партиясига ўтган.