Albert Michelson
 | Бу мақолада ички ҳаволалар жуда кам. |
Алберт Абраҳам Мичелсон (талаффузи: Алберт Абраҳам Майкелсон) (1852.19.12, Стрелно, ҳозирги Сцҳелно, Полша — 1931-йил, 5-сентябр, Пасадена, Калифорния) — америкалик физик, АҚСҲ Миллий Фанлар академияси аъзоси (1923—27 президенти). АҚСҲ Ҳарбий денгиз академиясини тугатган (1873). 1889—92 йилларда Массачусец штатидаги Вустер университети, 1892—1929-йилларда Чикаго университети профессор Асосий илмий ишлари физик оптикага оид. 1878—82 йиллар ва 1924—26 йилларда ёруғлик тезлигини аниқлаш устида иш олиб борган. Натижада 1927-йилда у топган ёруғлик тезлигининг қиймати аниклиги бўйича узоқ вақт давомида энг мукаммал ҳисобланган: с=299796 ± 4 км/с. Оптик техниканинг ривожланишига катта ҳисса қўшган интерферометрия ихтиро қилган (1881). Ўзи ихтиро қилган интерферометрии қўллаб, ёруғлик тезлигининг Ер ҳаракати тезлигига боғлиқ эмаслигини тажрибада исботлаган (қаранг Майкелсон тажрибаси), узунлик бирлиги метр билан ёруғликнинг тўлқин узунлигини таққослаган, спектрал чизиқларнинг ўта юпқа тузилишини текширган. Жуда юқори ажрата олиш қобилиятига эга бўлган спектрал ас-боб (Майкелсон эшелони)ни ихтиро қилган. Юлдузларнинг бурчак диа-метрларини аникдаган. Нобел мукофоти лауреати (1907)[1].
Адабиётлар
- Джефер Б., Майкелсон и скорост света [пер. с англ.], М., 1963.
Манбалар
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Шахсият ҳақидаги уşбу мақола çаладир. Сиз уни бойитиб, ЗиёСферага ёрдам бериşингиз мумкин. |