Ziyosfera

Aleksandr Borisovich

Александр Борисович Стефанович (13-декабр 1944-йил, Ленинград – 13-июл 2021-йил Москва) – совет ва рус кинорежиссёри, ёзувчи, ссенарий муаллифи, актёр, Россия Федерациясида хизмат кўрсатган артист (2003-йил)[1].

Александр Борисович Стефанович
Таваллуди 13-декабр 1944-йил
Ленинград, РСФСР, СССР
Вафоти 13-июл 2021-йил
Москва, Россия
Фуқаролиги SSSR bayrogʻi СССР Rossiya bayrogʻi Россия
Касби постановкачи режиссёр, кинорежиссёр, ёзувчи, актёр, рассом, драматург
Фаолият йиллари 1969–2019
Унвони Doʻstlik ordeni Rossiya Federatsiyasining xizmat koʻrsatgan artisti

Таржимаи ҳоли

Александр Борисович 1944-йил 13-декабрдаЛенинградда таваллуд топган. 1969-йилда ВГИК режиссёрлик бўлимини (Лев Кулешов устахонаси) тамомлаган. Талабалик чоғида „Все мои синовя“ номли ҳужжатли филми, маҳаллий телевидениедаги биринчи интервю филми, Бутуниттифоқ телекинофестивалининг Бош мукофоти ва бошқа мукофотлар билан тақдирланган. У мусиқали филм жанрида ҳам фаолият юритган. „Душа“ (58 миллион томошабин), „Начни сначала“ (46 миллион томошабин), „Диск“, „Барди“, „Осенний блуз“, „Кураж“ каби мусиқий филмларни яратди. Стефанович Андрей Макаревич ва „Машина времени“ рок гуруҳини, София Ротару, Александр Розенбаум, Сергей Мигицко, Алберт Филозов ва бастакор Давид Тухмановларни катта кинога олиб келди. 1974-йилда у „Дорогой малчик“ номли биринчи маҳаллий киностудияни бошқарган, шунингдек, СССРда биринчи мусиқий клипларни суратга олган. Александр Борисович Алла Пугачева ва бошқа бир қатор эстрада ижрочиларининг саҳна образини яратган. Россия бадиий академиясининг фахрий академиги. У Россия Рассомлар ижодий уюшмаси Москва бўлими вице-президенти, Россия Кинематографлар уюшмаси Москва ташкилотининг котиби лавозимларида фаолият олиб борган. Россия Ёзувчилар уюшмаси, Россия Журналистлар уюшмаси, Париж рус ёзувчилари ва рассомлари уюшмаси, АГЕССА Франсия Ёзувчилар жамияти аъзоси бўлган.

Миллий маданиятга қўшган ҳиссаси учун Россия Бадиий академиясининг олтин медали, ЮНЕСКО жамғармасининг олтин ордени, Россия Рассомлар ижодий уюшмасининг олтин медали, Россия Журналистлар уюшмасининг мукофоти билан тақдирланган. Маҳаллий ва халқаро кинофестиваллар лауреати. 2021-йил 13-июлда Москвада CОВИД-19 касаллигидан ўпкаси шикастлангани сабабли Бахрушин касалхонасида жонлантириш бўлимида 77 ёшида коронавирус[2] туфайли вафот этди. Видолашув маросими 2021-йил 16-июл куни Москвада Марказий кино уйида бўлган. У Троэкуровский қабристонига дафн қилинди[3].

Оиласи

Стефанович икки марта расмий турмуш қурган:

  • биринчи хотини (1968-йилдан 1974-йилгача) – Наталя Богунова (1948–2013) актриса.
  • иккинчи хотини (1977-йилдан 1981-йилгача) – Алла Пугачева (1949-йилда таваллуд топган), ашулачи. Бу ҳақида "Кураж" автобиографик романида ва шу номдаги телесериалда тасвирланган.

Филмографияси

  • 1972-йил – „Вид на жителство“, постановкачи режиссёр (О. Гвасалия билан бирга);
    • 1972-йил – „Мосфилма“ фестивалида энг яхши режиссёрлик дебюти учун мукофот (О. Гвасалия, А. Стефанович);
  • 1974-йил – „Дорогой малчик“, режиссёр, ссенарий муаллифи (С. Михалков);
    • 1975-йил – Бутуниттифоқ кинофестивалида болалар учун энг яхши филм учун томошабинлар мукофоти;
  • 1977-йил – „Диск“, режиссёр, ссенарий муаллифи;
  • 1979-йил – „Пена“, режиссёр, ссенарий муаллифи (С. Михалков);
  • 1981-йил – „Душа“, режиссёр, ссенарий муаллифи (А. Бородянский);
    • 1982-йил – энг яхши операторлик учун ҳакамлар ҳай'ати мукофоти, „Мосфилм“ фестивалида томошабинлар мукофоти;
  • 1985-йил – „Начни сначала“, режиссёр, ссенарий муаллифи (А. Бородянский);
  • 1988-йил – „Два часа с бардами“, ссенарий муаллифи ва режиссёр;
  • 2001-йил – „Осенний блюз“, постановкачи режиссёр;
  • 2004-йил – „Время жестоких“, постановкачи режиссёр (Всеволод Плоткин билан бирга);
  • 2011-йил – „Мечет Парижской Богоматери“, постановкачи режиссёр, Вилен Висилтер билан бирга (филм муаллифи Владимир Синелников[4]);
    • ХИИИ Халқаро Евроосиё телевидение форумида энг яхши режиссёр учун ҳакамлар ҳайъатининг махсус мукофоти;
  • 2014-йил – „Кураж“, режиссёр, ссенарий муаллифи, бош актёри.


Мукофотлари

  • Россия Федерациясининг хизмат кўрсатган артисти (2003) – санъат соҳасидаги хизматлари учун.
  • „Дўстлик“ ордени (2010) – миллий маданият ва санъатни ривожлантиришдаги хизматлари, кўп йиллик самарали фаолияти учун.

Манбалар

  1. ↑ „Почётное звание присвоено указом Президента России № 1232 от 24 октября 2003 года“. 2017-йил 4-апрелда асл нусхадан архивланган. Қаралди: 2020-йил 17-апрел.
  2. ↑ „Умер бывший муж Аллы Пугачёвой Александр Стефанович.“. 2021-йил 13-июлда асл нусхадан архивланган. Қаралди: 2021-йил 13-июл.
  3. ↑ „Режиссёра Стефановича похоронили на Троекуровском кладбище“. 2021-йил 16-июлда асл нусхадан архивланган. Қаралди: 2021-йил 16-июл.
  4. ↑ «Мечеть Парижской Богоматери», фильм 1. 
"https://new.ziyosfera.uz/ziyo/Aleksandr_Borisovich" dan olindi