Ziyosfera

Aleksandr Butkov

Александр Яковлевич Бутков (1911-йил 25-март, Горчакова стансияси, Фарғона вилояти, Россия империяси — 1981-йил 2-июл, Тошкент, Ўзбекистон ССР) — совет ботаник олими, систематик ва геоботаник, Ўзбекистон ўсимликлари ва флораси бўйича мутахассис[1]. Кўп томли „Ўзбекистон флораси“ (русча: Флоры Узбекистана) монографияси муаллифларидан бири.

Александр Яковлевич Бутков
русча: Александр Яковлевич Бутков
Файл:Александр Бутков.жпг
Таваллуди 11-март 1925-йил
Горчакова стансияси, Фарғона вилояти, Туркистон генерал-губернаторлиги
Вафоти 2-июл 1981-йил(1981-07-02)
(56 ёшда)
Тошкент, ЎзССР
Истиқомат жойлари Марғилон, Тошкент
Фуқаролиги SSSR bayrogʻi СССР
Касби Ботаника олими
Соҳаси Ботаника
Иш жойлари

Ўрта Осиё давлат университети

Ўзбекистон ССР ФА Ботаника институти
Таълими Ўрта Осиё давлат университети
Илмий даражаси Биология фанлари номзоди
Илмий унвони Доцент
Мукофотлари

Таржимайи ҳоли

Александр Бутков 1911-йил 25-март куни Горчакова (ҳозирги Марғилон) стансияси темирйўл ишчиси оиласида таваллуд топган[2]. 1934-йилда Ўрта Осиё давлат университети физик-математика факултетининг биология бўлимини тугатади. Талабалик давриданоқ Ботаника боғида дори тайёрловчи, сўнгра кичик илмий ходим, ассистент бўлиб фаолият кўрсата бошлайди. 1934-йили Бутков Хўжа Ғур-Ғур ота ғорига қилинган экспедицияда иштирок этиб, ушбу ҳудуднинг биринчи ботаник тавсифини тузиб чиқади[2][3]. 1944-йилдан бошлаб Ўрта Осиё давлат университетининг Ботаника боғига раҳбарлик қила бошлайди. 1946-йилда зарпечак ўсимлик туркуми бўйича диссертацияни ёқлаб, биология фанлари номзоди илмий унвонини олади. 1949-йилдан Ўрта Осиё давлат университетида катта ўқитувчи, сўнгра дарвинизм кафедраси доценти бўлиб ишлаган. 1952-йилда Ўзбекистон ССР ФА Ботаника институти Геоботаника лабораториясини бошқара бошлайди[3]. Олим ёнғоқли-мевали ўрмонларнинг ҳосилдорлигини ўғитлар ёрдамида ошириш ғоясини илгари суриб, уларни экологик ва фитоценологик жиҳатдан ўрганиш билан шуғулланган. Кўп томли „Ўзбекистон флораси“ (русча: Флоры Узбекистана) монографияси ёзилишида иштирок этган[3]. Адонис ўсимлиги бўйича монографик тадқиқот олиб борган[2][3]. Ўзбекистоннинг манзарали ўсимликлари ҳақида китоб ёзган. 1981-йил 2-июл куни Тошкент шаҳрида 56 ёшида вафот этган[1].

Манбалар

  1. ↑ 1,0 1,1 „Бутков, Александр Яковлевич“ (рус тилида). 2023-йил 7-февралда асл нусхадан архивланган. Қаралди: 2023-йил 8-июн.
  2. ↑ 2,0 2,1 2,2 Майлун, З.А.; Ҳамидов, Г. (1971). „Александр Яковлевич Бутков. К 60-летию со дня рождения“. Узбекский биологический журнал (рус тилида). № 4. 79—80-бет.{{cите магазине}}: CС1 маинт: унреcогнизед лангуаге ()
  3. ↑ 3,0 3,1 3,2 3,3 Сергей Юлевич Липшис. Русские ботаники. Биографо-библиографический словар, масъул муҳаррир академик Владимир Николаевич Сукачёв, 1-том (рус тилида), Москва: издателство Московского обшества испитателей природи, 1947 — 335-бет.  
"https://new.ziyosfera.uz/ziyo/Aleksandr_Butkov" dan olindi