Aleksandr Deyneka

Александр Александрович Дейнека [1899.8(20).5, Курск - 1969.12.6, Москва] — рус рассоми. Ҳарков рассомлик билим юртида (1915—17) ва Москва Олий бадиий техика устахонасида (1920—25) таълим олган. Ижодида давр руҳи, жўшқин ҳаёт, фидокорона меҳнат, спорт, лирик мавзулар етакчи ўрин тутади. Асарлари: "Янги сехлар қурилишида" (1926), "Она" (1932), "Бўлажак учувчилар" (1938), "Севастопол мудофааси" (1942) ва б.; Москва метрополитенининг "Маяковский" (1938—39) ва "Новокузнецкая" (1943) бекатлари ва б.га ишланган асарлари, кошинлари машҳур.

Адабиёт

• ЎзМЕ. Биринчи жилд. Тошкент, 2000-йил