Ziyosfera

Aleksandr Frolov

Александр Иосифович Фролов (1895-йил 26-декабр, Санкт-Петербург – 1938-йил 20-октябр, Тошкент – Бутуниттифоқ коммунистик партияси (болшевик) арбоби, Тожикистон ССР Коммунистик партияси (б) МҚ 2-котиби. СССР НКВД махсус учлиги (тройка) таркибига кирган.

Александр Иосифович Фролов
 Тожикистон КП (б) МҚ 2-котиби
Мансаб даври
1935-йил – 1937-йил 4-октябр
Шахсий маълумотлари
Таваллуди 26-декабр 1895-йил
Санкт-Петербург
Вафоти 20-октябр 1938-йил(1938-10-20)
(42 ёшда)
Тошкент, ЎзССР
Ўлим сабаби Сталин қатағонининг қурбони
Фуқаролиги SSSR bayrogʻi СССР
Сиёсий партияси ВКП (б)
Турмуш ўртоғи Анна Давидовна Язловская
Болалари Вера Александровна

Таржимаи ҳоли

Александр Иосифович Фролов 1895-йил 26-декабрда Санкт-Петербургда махсус имтиёзга эга оилада туғилган. Ота мусиқачи, онаси тикувчи.

1908—1914-йилларда Вишний волочёк реал мактабида ўқиган. Кейин, 1914-йилда Петроград университетига ўқишга кирди. 1915-йил апрел ойида талабалар тўгаракларида қатнашгани учун ҳибсга олинди ва маъмурий тартибда Вологдага, кейин эса Твер губерниясига сургун қилинди.

1918-йилда Қизил армия сафига қўшилади. 1919-йилда Бутуниттифоқ коммунистик (болшевиклар) партиясига аъзо бўлиб, Екатеринбургдаги Қизил Армиянинг 6 ойлик муҳандислик ва қўмондонлик курсларида ўқиган. Кейин электр дивизиясининг командири этиб тайинланади ва Жанубий (Деникин), Шарқий (Колчак) ва Ғарбий фронтлардаги жангларда қатнашади. 1921 ва 1922-йилларда Ҳарбий муҳандислик-техника академиясида ўқиган, бироқ академияни тамомламагна.

Коммунистик партиядаги карераси

  • 1923—1924-йиллар – Н. Э. Бауман номидаги Москва олий техник мактабининг РКП(б) бўлим котиби.
  • 1924—1925-йиллар – РКП (б) Бауман туман қўмитасининг тарғибот ва ташвиқот бўлими бошлиғи (Москва).
  • 1925—1926-йиллар – РКП (б) – Бутуниттифоқ болшевиклар коммунистик партияси Бауман туман қўмитаси ташкилий бўлими бошлиғининг ўринбосари (Москва).
  • 1926—1927-йиллар – Болшевиклар Бутуниттифоқ Коммунистик партияси Москва вилоят қўмитасининг мас’ул инструктори.
  • 1927—1928-йиллар – „Московский рабочий“ (ўзбекча: Москва ишчиси) нашриётининг мас’ул муҳаррири.
  • 1928—1929-йиллар – Болшевиклар бутуниттифоқ коммунистик партияси Москва вилояти қўмитаси ахборот бўлими бошлиғи.
  • 1929—1930-йиллар – Москва вилояти таълим ходимлари касаба уюшмаси раиси. Шу билан бирга, 1929—1932-йилларда – Бутуниттифоқ ишчи истиқболлари Марказий қўмитаси бюроси аъзоси, Бауман туман кенгаши аъзоси (1924—1927), Моссовет аъзоси (1929-1930), Болшевиклар бутуниттифоқ коммунистик партияси Москва қўмитаси аъзоси (1928—1930).
  • 1930—1931-йиллар – Болшевиклар бутуниттифоқ коммунистик партияси Марказий қўмитаси котибининг ёрдамчиси.
  • 1931—1934-йиллар – Ўзбекистон Коммунистик партияси Марказий қўмитаси Ташкилий-инструктив бўлими мудири.

1934-йил 20-февралдан – Ўзбекистон Компартияси Марказий қўмитаси Саноат ва транспорт бўлими мудири. Шу билан бирга, Ўзбекистон Компартияси Марказий қўмитаси Ижроия бюроси аъзоси, 1932-йилдан Болшевиклар бутуниттифоқ компартияси Тошкент шаҳар қўмитаси бюроси аъзоси.

  • 1935-йилда Тожикистон Компартияси Марказий қўмитасининг иккинчи котиби этиб тайинланди. Бу давр СССР Ички ишлар халқ комиссарлигининг (НКВД) 1937-йил 30-июлдаги 00447-сонли буйруғи билан тузилган махсус учликка қўшилиш[1] ва Сталин қатағонларида фаол иштирок этиши белгиланди[2].

Ҳаётининг якуний босқичи

1937-йил 4-октябрда ҳибсга олинган. СССР НКВД томонидан Тожикистон ССР бўйича СССР Қуролли кучлари Ҳарбий коллегияси томонидан судга тортилиши учун тақдим этилган шахслар рўйхатини 1938-йил 3-майда И.Сталин ва В.Молотов тасдиқладилар. Рўйхатда Фролов 1-тоифадаги (ВМН – олий жазо[3]) жазога тортилганлар сафида бўлган. 1938-йил 20-октябрда Тошкентда отиб ўлдирилган.

Оиласи

Александр Фролов 1921-йилда Анна Давидовна Язловская (1899—1957) билан турмуш қурган. 1922-йилда уларнинг қизи Вера (1922—1992) туғилади.

Манбалар

  1. ↑ „Составы троек в 1937−1938 годах // Сайт Нквд.мемо.ру“. 2020-йил 4-июлда асл нусхадан архивланган. Қаралди: 2023-йил 24-ноябр.
  2. ↑ „Сталинский план по уничтожению народа: Подготовка и реализация приказа НКВД № 00447 «Об операции по репрессированию бывших кулаков, уголовников и других антисоветских элементов» // Архив Александра Н. Яковлева“. 2017-йил 13-августда асл нусхадан архивланган. Қаралди: 2023-йил 24-ноябр.
  3. ↑ „АП РФ, оп.24, дело 416, лист 261“. 2017-йил 14-августда асл нусхадан архивланган. Қаралди: 2023-йил 24-ноябр.

Ҳаволалар

"https://new.ziyosfera.uz/ziyo/Aleksandr_Frolov" dan olindi