Ziyosfera

Aleksandr Galkin

Александр Семёнович Галкин (1855 — 1920) — Россия императорлик армияси генерал-лейтенанти, Сирдарё вилояти ҳарбий губернатори, шарқшунос, Хитой ва Шарқий Туркистон тадқиқотчиси.

Александр Семёнович Галкин
А.С. Галкин
Таваллуди 23-август 1855-йил
Вафоти 1920
Сочи, Россия империяси
Унвони Генерал-лейтенант
Мукофотлари

Ҳаёти

Александр Галкин 1855-йил 23-августда туғилган.

Михайловский артиллерия мактабини (1874) ва Михайловский артиллерия академиясини (1879), кейин эса 1884-йилда Николаев Бош штаб академиясини тамомлаган. Артиллерия мактабидан сўнг у 6-отлиқ артиллерия бригадасида хизмат қилди. Бош штаб орқали у Омск ҳарбий округида хизмат қилган. 1884-йилдан округ штаб-квартирасида топшириқлар бўйича офицер бўлиб хизмат қилган.

1885-йилнинг ёзида Россия империяси билан чегарадош вилоятлардаги Хитой қуролли кучларининг ҳарбий салоҳияти ҳақида маълумот тўплаш учун Шарқий Туркистонга юборилади. 1887-йил июл—декабр ойларида Хитойнинг Россияга туташган Шинжон вилоятларидаги қуролли кучлари ва ҳарбий воситалари тўғрисида маълумот тўплаш ҳамда Тян-Шанда илмий изланишлар олиб бориш учун Шарқий Туркистонга иккинчи сафарини амалга оширди. У тўплаган маълумотлар биринчи марта 1886-йилда „Осиё бўйича географик, топографик ва статистик материаллар тўплами“да (Хитой қуролли кучларининг Шарқий Туркистондаги ҳозирги ҳолати, 1885) нашр этилган. 1888-йили ушбу тўплам янгиланган (Россияга туташ Жунғария ва Шарқий Туркистон ҳудудларида Хитой қуролли кучларининг ҳозирги ҳолати, 1887-йил. — ХХХВ).

У 22-маҳаллий бригада бошлиғи қўмондонлиги остида штаб офицери сифатида ишлаган. 1888-йилда подполковник унвонини олган. Ўша йилнинг июл ойида у Туркистон ҳарбий округининг катта ад’ютанти лавозимини эгаллади. 1889-йилда Туркистон ҳарбий доираси қўшинлари қўмондони қўлида махсус топшириқлар бўйича штаб офицери бўлиб, Россия Бош штаби офицерларининг Бухоро бўйлаб саёҳатида қатнашади. У Помирдаги Россия ва Афғонистон мулкларини чегаралаш бўйича ҳукумат комиссари бўлиб ишлаган. Бу иш учун унга 2250 рубл миқдорида пул мукофоти берилган.

1891-йилда Самарқанд вилояти қўшинлари штаб бошлиғи бўлиб ишлаган ва 1892-йилда бу лавозимга қайта тайинланган. 1893-йилда Бош штабнинг Осиё бўлими котиби, 1896-йилда Амударё бўлими бошлиғи бўлди.

У Туркистонда чорак асрга яқин хизмат қилган. Туркистон генерал-губернаторлиги ва қўшни мамлакатларга кўплаб саёҳатлат қилган, атоқли ҳарбий шарқшунос ҳисобланган. Ўрта Осиё ҳудудлари тарихи ва археологиясига оид қатор географик асарлар муаллифи[1][2].

1917-йилдан кейин хотини ва ўғли билан Сочида яшади. 1920-йилда қароқчилар томонидан оиласи кўз ўнгида ўлдирилган.

Мукофотлари

Манбалар

  1. ↑ Басханов М. К. „Галкин Александр Семёнович“, . Русские военные востоковеды до 1917 года. Биобиблиографический словарь. Андоза:М.: «Восточная литература», 2005 — 57-бет. 
  2. ↑ Керсновский А. А. „Галкин Александр Семёнович“, . История Русской армии. Андоза:М.: «Голос», 1994 — 347-бет. ИСБН 5-7117-0014-6. 

Адабиётлар

  • РГВИА. Ф. 409. Оп. 1. Д. 133. Л. 706 (Послужный список начальника Аму-Дарьинского отдела полковника Галкина А. С. по сост. на 26 января 1900 г.).
  • РГВИА. Ф. 409. Оп. 1. Д. 249. Л. 382 (Полный послужный список военного губернатора Сыр-Дарьинской области генерал-лейтенанта ГШ Галкина по сост. на август 1916 г.).

Ҳаволалар

  • Галкин, Александр Семёнович  (рус.). // Проэкт „Русская армия в Великой войне“.
  • Галкин, Александр Семёнович // Список генералам по старшинству. Составлен по 15-э апреля 1914 года. — СПб.: Воэнная типография в здании Главного Штаба, 1914. — С. 222.
"https://new.ziyosfera.uz/ziyo/Aleksandr_Galkin" dan olindi