Aleksandr Gulyayev
Александр Лазаревич Гуляев (1845 – 1906) – рус ҳарбий ёзувчиси, Россия империясининг Ўрта Осиёга юришларида иштирок этган.
| Александр Гуляев | |
|---|---|
| Таваллуди |
1845-йил Уралск, Россия империяси |
| Вафоти | 1906-йил |
| Фуқаролиги |
 Россия империяси |
| Таълими | Оренбург Неплюэвский кадет корпуси |
| Касби | ёзувчи, ҳарбий |
| Унвони | генерал-лейтенант |
1845-йил 21-ноябрда туғилган. Урал казак армияси зодагонларидан. У Оренбург Неплюэвский кадет корпусини тамомлаган. Урал ҳарбий мактабида дарс берган ва Урал ўқув юзлигида хизмат қилган. 1867-йилдан Туркистон ҳарбий округида хизмат қилган, 1868–1869-йилларда Сирдарё вилояти қўшинлари қўмондони, 1868-йилдан Туркистон ҳарбий округидаги 4-Урал юзлиги қўмондони, юзбоши. Александр Гуляев 1868-йилда Бухоро армиясига қарши бир қанча жангларда, жумладан, Самарқанд ва Зирабулоқ ёнидаги жангларда, Чўпонота тепаликлари бўлган жангда қатнашган. 4-даражали авлиё Анна ордени, „Жасорат учун“ ёзувли ордени[1] билан тақдирланган. Капитан унвонига кўтарилган. 1870-йилда Урал казак армияси ҳудудига қайтиб келган. 1871-йилда Гурев қишлоғининг бошлиғи бўлган. 1873-йилда 1-Урал юзлигига қўмондонлик қилган. Генерал Верёвкиннинг отряди таркибида Хива экспедициясида қатнашган. Хива босиб олингач, Санкт-Петербург ордени билан тақдирланган[2]. 1874–1878 йилларда у Урал ўқув юзлигига, 1879-йилда карантин туфайли қўшинларнинг ғарбий чегарасида жойлашган казак полкига қўмондонлик қилган[3]. Ўша йили у подполковник унвонига кўтарилган. 1879-йил охиридан бошлаб яна Туркистон ҳарбий округида хизмат қилади. 1880-йилда бирлашган Оренбург-Урал казак дивизиясининг қўмондони бўлиб, 1880–1881-йилларда генерал Скобелевнинг Аҳал-Текин экспедициясида қатнашган. У „Гўктепани қўлга киритгани учун“ кумуш медали билан тақдирланган. 1881-йил декабрдан полковник унвони билан 1882-йилда Эроннинг 3-даражали Арслон ва Қуёш ордени билан тақдирланган. 1882–1887-йилларда 2-Урал казак полкининг командири, 1887–1888-йилларда 3-Урал казак полкининг командири. 1889–1893-йилларда Гурев округи бошлиғи, 1894–1898-йилларда Урал ҳарбий хўжалик бошқармаси маслаҳатчиси бўлган. 1898-йилда у касаллик туфайли хизматдан бўшатилган ҳолда генерал-маёр унвонига кўтарилди.
У Уралскда яшаган. Мария исмли қизи бор эди. Александр Лазаревич 1906-йил 1-январда Уралскда вафот этди.
Манбалар
- ↑ „Кавалеры золотого оружия «За храбрость» начиная с буквы Г“. Қаралди: 2023-йил 1-октябр.
- ↑ „Гуляев Александр Лазаревич“. Қаралди: 2023-йил 1-октябр.
- ↑ „Гуляев Александр Лазаревич“. Қаралди: 2023-йил 1-октябр.