Aleksandr Kochetkov

Александр Кочетков
Шахсий маълумот
Тўлиқ исми	Александр Кочетков Петрович
Таваллуд санаси	28-октябр 1933-йил
Таваллуд жойи	Москва, СССР
Вафот санаси	1-июл 2015-йил; (81 ёшда)
Вафот жойи	Москва, Россия
Амплуаси	ҳужумчи
Ёшлигида аъзо бўлган клублар
	Спартак (Москва)
Профессионал фаолияти*
Йиллар	Жамоа
1957-1960; 1961-1963	СКА (Хабаровск) ; Луч (Владивасток)
Бошқарган клублари
1963-1966; 1967-1968; 1969; 1970 ; 1971-1972; 1972 ; 1977-1979; 1981-1982; 1983-1985; 1989-1990	Луч (Владивасток); Луч (Владивасток) ; Луч (Владивасток)) ; Химик (Дзержинск) ; Амур ; Алга ; Пахтакор ; Спартак (Орджоникидзе) ; Кубан ; Сокол
	*Профессионал клублардаги голлари (ички чемпионат)

Александр Петрович Кочетков (1933-йил 28-октабрда Москва шаҳрида туғилган. 2015-йил 1-июл куни шу ерда вафот этган.) — Совет футболчиси, ҳужумчи ва мураббийи сифатида фаолият олиб борган. РСФСР ва Ўзбекистон ССРда хизмат кўрсатган футбол мураббийи.

Футболчилик фаолияти

Москванинг „Спартак“ футбол мактаби тарбияланувчиси. Александр ўзининг моҳирона ўйинларини 1957—1960-йилларда Россиянинг „СКА-Хабаровский“ футбол клубида ўтказган. Ушбу жамоа таркибида у 100 га яқин ўйинда иштирок этган. 1961-йилда футболчи Владивостокдаги „Луч“ клубига ўйинчи мураббий сифатида ўтган.

Мураббийлик фаолияти

1960-йилларда Кочетков Владивостокнинг „Луч“ клуби мураббийлари штабининг аъзоси бўлган. У ерда бир неча бор бош мураббий сифатида ишлаган. 1963-йилда Александр илк марота бош мураббий этиб тайинланади ва шу билан футболчилик фаолиятини якунлайди. 1965-йилда „Б“ тоифасидаги ҳудуд турнирида унинг жамоаси ғалаба қозониб, „А“ тоифасининг иккинчи гуруҳига (биринчи лига) чиқади^[1].

Александр 1970-йилда Владивостокни тарк этади. Мураббийлик фаолиятининг кейинги йилларда у „Химик“ (Дзержинск), „Амур“ (Благовешченск), „Алга“ (Бишкек) жамоаларида фаолият олиб боради. Унинг бошчилигидаги „Амур“ клуби 1972-йилда иккинчи лиганинг Еттинчи (Шарқий) ҳудуд ғолибига айланади ва ҳудудлар ғолиблари ўртасидаги финалда жамоа тўртинчи ўринни эгаллайди.

1977-йилда Тошкентнинг „Пахтакор“ клубини бошқарган. Икки мавсум мобайнида жамоага устозлик қилган. 1977-йилда Кочетков жамоани биринчи лигада ғалабага олиб чиқиб, уни олий лигага қайтаради, бироқ кейинги мавсумда „Пахтакор“ муваффақияциз ўйнаб, жамоага Кочетков ўрнига Олег Базилевич мураббий этиб тайинланади^[2]. Кочетков „Пахтакор“ни тарк этгач, 1977—1981-йилларда Москванинг „Спартак“ мактабини бошқарган. Сўнгра „Спартак Оржоникидзе“ жамоасига устозлик қилган. 1983-йилда у яқинда олий лигадан тушиб кетган „Кубан“ жамоасига мураббий этиб тайинланган. Жамоа билан турнир жадвалининг юқори ярмидаги ўринларни банд этган, аммо уни олий лигага қайтара олмаган. Кочетковнинг мураббийлик фаолиятидаги сўнгги клуби Саратовнинг „Сокол“ жамоаси бўлиб, у бу клубни бир ярим йил (1989—1990-йилларда) бошқарган. 1989-йилги иккинчи лига ҳудуд турнирида жамоани иккинчи поғонага олиб чиқишга эришган.

Умрининг сўнгги йилларида Кочетков оғир касалликка чалиниб, 2015-йилнинг 1-июл куни Москвада, 82 ёшида вафот этган^[3].

Мураббий сифатидаги ютуқлари

1965 — „Б“ тоифасидаги ҳудудлар турнири ғолиби („Луч“ Владивосток)
1972 — Иккинчи лиганинг „Шарқ“ ҳудуди ғолиби („Амур“, Благовешченск)
1977 — Биринчи лига ғолиби („Пахтакор“, Тошкент)

Манбалар

↑ „Бывший тренер футбольного клуба «Амур» Александр Кочетков скончался в Москве“. 19-январ 2016-йилда асл нусхадан архивланган. Қаралди: 23-июл 2015-йил.
↑ „Олег Базилевич. Мой «Пахтакор»…“. 3-октабр 2017-йилда асл нусхадан архивланган. Қаралди: 23-июл 2015-йил.
↑ „Ушел из жизни бывший главный тренер «Сокола»“. 4-июл 2015-йилда асл нусхадан архивланган. Қаралди: 23-июл 2015-йил.

[1] „Бывший тренер футбольного клуба «Амур» Александр Кочетков скончался в Москве“. 19-январ 2016-йилда асл нусхадан архивланган. Қаралди: 23-июл 2015-йил.

[2] „Олег Базилевич. Мой «Пахтакор»…“. 3-октабр 2017-йилда асл нусхадан архивланган. Қаралди: 23-июл 2015-йил.

[3] „Ушел из жизни бывший главный тренер «Сокола»“. 4-июл 2015-йилда асл нусхадан архивланган. Қаралди: 23-июл 2015-йил.

[1]

[2]

[3]