Ziyosfera

Aleksandr Ogloblin

Александр Алексеевич Оглоблин (1891-йил 29-июл, Самарқанд – 1967-йил 18-сентябр, Буэнос-Айрес) Аргентинада фаолият юртиган рус энтомологи. Буэнос-Айрес университети зоология профессори, чигирткалар тадқиқот институти директори (1937). Аргентина фанни ривожлантириш ассоциацияси президенти (1950)[1].

Александр Оглоблин
Таваллуди 29-июл 1891-йил,
Самарқанд, Самарқанд вилояти (Россия империяси), Туркистон генерал-губернаторлиги, Россия империяси
Вафоти 18-сентябр 1967-йил(1967-09-18)
(76 ёшда)
Буэнос-Айрес, Аргентина
Фуқаролиги Rossiya bayrogʻi Россия империяси Россия империяси
Argentina bayrogʻi Аргентина
Касби энтомолог
Иш жойлари Буэнос-Айрес университети
Илмий унвони профессор

Ҳаёти

Александр Оглоблин Россия империяси Самарқанд вилоятида туғилган. Полтавадаги мумтоз гимназия ва Киевдаги Санкт Владимир университетини тамомлаган. Талабалик йилларида ёзда Полтава қишлоқ хўжалиги тажриба стансиясининг энтомология бўлимида ишлаган. Фуқаролар уруши йилларида А.Оглоблин Туркияга, у ердан Чехословакияга кўчиб ўтади. Чарлз университетида (Прага) зоология бўйича номзодлик диссертациясини ҳимоя қилди. Оглоблин Ян Обенбергер бошчилигида Прага Миллий музейининг Энтомология бўлимида ассистент бўлиб ишлаган ва М. М. Новиков зоология семинарияси йиғилишларида қатнашган. 1925–1927-йилларнинг ёзида Америка Қўшма Штатлари Қишлоқ хўжалиги Департаменти (УСДА) Энтомология бюроси топшириғига кўра у зарарли ҳашаротлар паразитлари – лўли куя ва маккажўхори чувалчангларини ўрганди[2]. Европада доимий равишда энтомология билан шуғуллана олмаган Оглоблин Аргентина Қишлоқ хўжалиги вазирлигининг таклифини қабул қилди ва 1928-йил 19-январда чет элга жўнади.

Аргентинада у Лорето яқинидаги агротехника стансиясида энтомолог лавозимини эгаллади ва у ерда маҳаллий қишлоқ хўжалиги ўсимликлари – мате, шоли, тамаки, ситрус зараркунандалари устида ишлади. Аргентинадаги биринчи йилларида Оглоблин чумолилар ва термитлар бўйича йирик мутахассис C. Бруч (1869–1943) билан ҳамкорлик қилди. Айнан Оглоблин кейинчалик Бручни машҳур совет ва украин мирмекологи В. А. Караваев (1864–1939) билан таништирган, у билан 1919-йилда Киевда учрашган эди. Шу билан бирга, Оглоблин фундаментал энтомология билан шуғулланган. Ўша йилларда Аргентина вақти-вақти билан чигиртка тарқалишидан азият чекди. 1937-йилда Оглоблиндан Чигирткаларни ўрганиш бўйича янги институтга раҳбарлик қилиш таклиф қилинди ва оила Буэнос-Айресга кўчиб ўтди[3]. Кейинчалик у бир вақтнинг ўзида пойтахт университетида зоология профессори лавозимини эгаллади (1939–1950) ва таксономист сифатида энтомологик тадқиқотларни давом эттирди.

Олим америка (1944-йилдан) ва рус (тахминан 1927-йилдан) Энтомология жамиятлари, Аргентина табиий фанлар ассоциацияси аъзоси бўлган ва Аргентина фанни ривожлантириш ассоциациясига раҳбарлик қилган (1950)[4].

Александ Оглоблин 1967-йил 18-сентябрда Буэнос-Айресда вафот этган[5].

Манбалар

  1. ↑ Мартинес А., Федотова А. А. Алехандро Оглоблин, русский акридолог в Аргентине // Природа, 2015, № 12, с. 60-70.
  2. ↑ Бабcоcк К. W., Ванcе А. М. Тҳе cорн-борер ин Cентрал Эуропе. А ревиэw оф инвестигатионс фром 1924 то 1927 // Течниcал Буллетин (Унитед Статес Департмент оф Агриcултуре). 1929. № 135. Цитовано по: Тҳе Пҳйсиологй оф Диапаусе ин Артҳроподс, Вол. 4. Cамбридге Университй Пресс, 1955, п. 133
  3. ↑ Мартинес А., Федотова А. А. Алехандро Оглоблин, русский акридолог в Аргентине // Природа, 2015, № 12, с. 60-70. ҳттпс://www.ресеарчгате.нет публиcатион290123232_Алежандро_Оглоблин_а_Руссиан_арcдиологист_ин_Аргентина_Ин_Руссиан
  4. ↑ Мартинес А., Федотова А. А. Алехандро Оглоблин, русский акридолог в Аргентине // Природа, 2015, № 12, с. 60-70. ҳттпс://www.ресеарчгате.нет публиcатион290123232_Алежандро_Оглоблин_а_Руссиан_арcдиологист_ин_Аргентина_Ин_Руссиан
  5. ↑ эс:Алежандро Оглоблин 
"https://new.ziyosfera.uz/ziyo/Aleksandr_Ogloblin" dan olindi