Ziyosfera

Aleksandr Popovich

Александр Анатолевич Попович (руминча: Алехандру Поповиcи; 1977-йил 9-апрел, Тираспол, Молдавия ССР, СССР) — молдовалик футболчи, ҳужумчи.

Александр Попович
Шахсий маълумот
Тўлиқ исми Александр Анатолевич Попович
Таваллуд санаси 1977-йил 9-апрел (1977-04-09) (49 ёш)
Таваллуд жойи Тираспол, Молдова ССР,
Совет Иттифоқи
Бўйи 1.86 м
Амплуаси Ҳужумчи
Клуб маълумоти
Жорий клуб
 Искра Рîбниțа

Биографияси

Александр Анатолевич Попович 1977-йилнинг 9-апрелида СССР Молдавия ССРнинг Тираспол шаҳрида таваллуд топган. Ёшлигидан футбол билан шуғулланган. Ўйиндаги вазифаси — ҳужумчи. Попович Киев Республика олий жисмоний тарбия мактабини тамомлаган.

Карераси

1994-йилда футболчи Украина ҳаваскорлар чемпионатида Киев Олимпиадаси учун иккита ўйин ўтказади.

1994—1999-йилларда Тирасполнинг „Тилигул“ жамоасида, 1998-йилда эса Германиянинг „Дуйсбург“ клублларида[1] жами 4 та ўйинда иштирок этган.

1999-йилда Попович Россиянинг „Динамо“ клуби сафига (Москва) ўтади ва 3 апрел куни клуб таркибида ўзининг ягона ўйинини ўтказади. Кейинги бир ярим мавсум давомида футболчи „Торпедо-ЗИЛ“ жамоаси таркибида ўйинларда иштирок этади.

2001-йилда Попович Жанубий Кореянинг „Соннам Илва Чунма“ клуби[2] таркибида 6 та, 2002-йилда Молдованинг „Конструкторул“ (Чобручи) жамоаси таркибида эса иккита ўйинда майдонга чиқади.

2002—2008-йиллар футболчи Украинанинг „Днепр“ (Днепропетровск), „Кривбас“ (Кривой Рог) (2004—2006), „Заря“ (Луганск) (2007—2008) клубларида тўп сурган.

2008-2009-йилларда Попович „Тилигул-Тирас“ жамоаси сафида умумий ҳисобда 9 та маротаба: уч марта — Кишинёвнинг „Дачию“ (2008), Озарбайжоннинг „Семурғ“ (Зақатала, 2009), Бендернинг „Динамо“ (2009) клубларига ижарага берилади.

2010—2011-йилларда „Искра-Стал“ „Рибница“ жамоаси таркибида, 2011-йилнинг иккинчи ярмида эса Ўзбекистоннинг „Андижон“ клубида ўйин олиб боради.

2012-йилда у Тирасполга қайтиб келади ва у ерда худди шу номдаги клуб таркибида ўйинларда иштирок этади.

2014-йилдан бери футболчи ФК „Саксан“ клуби таркибида рақибларга қарши майдонга чиқади.

1996—2005-йилларда Попович Молдова терма жамоаси сафида жами ҳисобда 21 та ўйин ўтказиб, 3 маротаба рақиб дарвозасини ишғол қилишга муваффақ бўлган[3].

Ютуқлари

  • Молдова чемпионатининг 5 карра кумуш медали совриндори: 1994, 1995, 1996, 1998, 2014-йиллар;
  • Молдова чемпионатининг бронза медали совриндори: 2013-йил;
  • 3 карра Молдавия кубоги соҳиби: 1994, 1995, 2013-йиллар;
  • Молдова кубоги финалчиси: 1996-йил.

Манбалар

  1. ↑ „Попович Александр Анатольевич“.
  2. ↑ „Попович Александр Анатольевич“.
  3. ↑ „Попович Александр Анатольевич“.

Ҳаволалар

"https://new.ziyosfera.uz/ziyo/Aleksandr_Popovich" dan olindi