Aleksandr Ribnik

Александр Рибник
Александр Рибник
Туғилган санаси	5-феврал 1922-йил
Туғилган жойи	Ефремов
Вафот санаси	29-сентябр 2013-йил; (91 ёшда)
Вафот жойи	Ҳайфа
Фуқаролиги	СССР → Ўзбекистон → Исроил
Касби	театр танқидчиси, театр ўқитувчиси
Мукофотлари
	к; м; т;

Александр Михайлович Рибник (1922-йил 5-феврал, Ефремов – 2013-йил 29-сентябр, Ҳайфа) – совет, ўзбек, исроиллик театр танқидчиси. Санъацҳунослик фанлари номзоди, профессор^[1].

Ҳаёти

Александр Михайлович Рибник 1922-йил 5-февралда Россиянинг Ефремов шаҳрида туғилган. Болалиги ва ёшлиги Москвада ўтган. 1940-йилда Россия театр санъати институтининг театршунослик бўлимига ўқишга кирган.

Институтнинг биринчи курсини тамомлагандан сўнг, 1941-йил август ойида ихтиёрий равишда Москва комсомол аъзоларининг қирувчи баталёнига қўшилди^[2]. 29-октябрда у Москва яқинидаги жангларда оғир яраланган. 1941-йил ноябр ойида тузалиб кетганидан сўнг, Улуғ Ватан уруши фронтларида Қизил Армия сафида жанг қилди (пулемётчи, отряд бошлиғи ва разведка взвод командирининг ёрдамчиси)^[2]. 1942-йил сентябр ойида яна оғир ярадор бўлди. Тузалиб кетгач, 1943–1944-йилларда В.М.Молотов номидаги Денгиз Авиация Техникумида (ВМАТУ) ўқиди. 1944-йилдан Болтиқ флоти ҳаво кучларининг 53-аралаш авиация полкида фотолаборатор бўлиб хизмат қилди^[2].

Александр Михайлович Рибник 1946-йил сентябр ойи бошида кичик сержант унвони билан демобилизация қилинди^[3]. 1950-йилда ГИТИСни тугатди ва ГИТИСнинг кундузги аспирантурасига ўқишга кирди. 1951-йилдан ГИТИС ва Немирович-Данченко номидаги мактабда дарс бера бошлади.

1954-йилда Тошкентга кўчиб келди. 1954–1957-йилларда Ҳамза номидаги Тошкент санъацҳунослик институтининг Театр ва хореография кафедраси мудири, 1957–1992-йилларда эса директори ўринбосари бўлиб ишлади. Шу билан бирга 1955–1995-йилларда А.Н.Островский номидаги Тошкент театр ва рассомлик институтида ҳам дарс берди. У 1961-йилда КПСС аъзолигига қабул қилинди.

Александр Михайлович Рибник 1995-йилда Исроилга жўнаб кетди. Ҳайфада илмий маърузалар ўқиди ва бир қатор мақолалар ҳам чоп этди.

У 2013-йил 29-сентябрда Исроилнинг Ҳайфа шаҳрида вафот этди.

Оиласи

Қизи – Татяна Александровна Рибник, театр мутахассиси^[4].

Мукофотлари

Қизил Юлдуз ордени (1945-йил 13-апрел)^[2].
„1941–1945-йилларда Германия устидан қозонилган ғалаба учун“ медали (1946-йил 18-август)^[3].
Биринчи даражали Ватан уруши ордени (1986-йил 1-август)^[5].

Манбалар

↑ Ильхом — Театр Марка Вайля.
↑ ^2,0 ^2,1 ^2,2 ^2,3 „Рыбник Александр Михайлович 1920 г.р.“. № записи: 51008577. Подвиг народа. 2021-йил 1-январда асл нусхадан архивланган. Қаралди: 2016-йил 10-июл.
↑ ^3,0 ^3,1 „Рыбник Александр Михайлович“. № записи: 1537743223. Подвиг народа. 2021-йил 1-январда асл нусхадан архивланган. Қаралди: 2016-йил 10-июл.
↑ Письма о Ташкенте.
↑ „Рыбник Александр Михайлович“. № записи: 1519502777. Подвиг народа. 2021-йил 1-январда асл нусхадан архивланган. Қаралди: 2016-йил 10-июл.

Ҳаволалар

„Рыбник Александр Михайлович“. Театр и его история. Қаралди: 2016-йил 10-июл.
„Александр Михайлович Рыбник“. Письма о Ташкенте (2014-йил 7-феврал). Қаралди: 2016-йил 10-июл.
„Скончался Александр Михайлович Рыбник“. Ильхом — Театр Марка Вайля. 2016-йил 3-октябрда асл нусхадан архивланган. Қаралди: 2016-йил 10-июл.

[FOOTNOTEИльхом_—_Театр_Марка_Вайля-1] Ильхом — Театр Марка Вайля.

[кз-2] 2,0 ^2,1 ^2,2 ^2,3 „Рыбник Александр Михайлович 1920 г.р.“. № записи: 51008577. Подвиг народа. 2021-йил 1-январда асл нусхадан архивланган. Қаралди: 2016-йил 10-июл.

[зп-3] 3,0 ^3,1 „Рыбник Александр Михайлович“. № записи: 1537743223. Подвиг народа. 2021-йил 1-январда асл нусхадан архивланган. Қаралди: 2016-йил 10-июл.

[FOOTNOTEПисьма_о_Ташкенте-4] Письма о Ташкенте.

[5] „Рыбник Александр Михайлович“. № записи: 1519502777. Подвиг народа. 2021-йил 1-январда асл нусхадан архивланган. Қаралди: 2016-йил 10-июл.

[1]

[2]

[3]

[4]

[5]